|
|
2009 年 6 月 27 日 星期六  |
唔好看尋日哥篇日誌啊!  |
分類: 未分類 |
今日係結業禮,八點已經番到課室,課室正係得羅綺雯一個,過左好耐之後大家已經差唔多番齊,九點鐘開始結業禮,開頭由一個好陌生既校長講野,講左應該有一個鐘,悶死!跟住到陳主任講頒獎既名單,講左應該有半個鐘,頂唔信啦!好辛苦啊!跟住又到葉sir講,講左差唔多半個鐘,終於講成績表既野啦!開頭講左班裏面邊d人進左三分以上,講啊講,葉sir竟然講左我出黎,話我進左六分,但係依一刻我以為佢講錯左,唔係講我,跟住比左一個利是我,有十蚊,到講前十名哥陣時,由第十名開始講,講到第二,第三名哥陣時,葉sir開始要我地班d人古,第三名係夏枝培,第二名係鄧振東,講到第一名哥陣時好多人都講我個名,我在第七第八名冇我份之後,我心情好差,本來好好笑容,跟住塊臉黑曬,講到第一名哥陣時,唔單只d人講我名,連葉sir都望住我,但係我以為葉sir聽到人地講我名就望我,事實唔係錦,因為我今段真係第一名,依個時候我超開心,我想到原來我今段既努力唔係白費,不往我今段爆盡全力,每次測驗考試都四點幾五點起身温書,我以為考試衰左,看來應該唔係!葉sir叫我出去之後同我握手,依個係我人生第一次同老師握手,跟住佢比左一封利是比我,利是出面寫住"第一名",跟住我打開佢,有三十蚊,爽啊!今日真係有面又有錢啊!好多人用仇視既眼光望住我,我諗:"你地望飽佢啦,你地今段都唔夠我抽啦!哈哈!"我今段既平均分係84.77,但鄧振東得84.54,佢仲低過我0.23分,爽啊!但係我依個平均分在六班既話頂多得六,七名,不過我今次禁成功,我就更有信心在下一年攞到前十名,我用今段既成績同前三段比較,望下面:
第一段 第二段 第三段 第四段 學年成績
語文 79分 85分 83分 88分 84.3分
英文 90分 90分 88分 91分 89.9分
會話 76分 86分 85分 82分 82.6分
數學 62分 77分 66分 81分 73分
化學 80分 89分 88分 91分 87.6分
物理 81分 69分 72分 86分 77.1分
歷史 93分 97分 92分 99分 95.8分
地理 89分 84分 94分 93分 89.7分
美術 68分 72分 62分 82分 72.2分
音樂 75分 78分 80分 78分 77.8分
體育 60分 62分 66分 68分 64.2分
公民 75分 80分 79分 85分 80.3分
電腦 60分 61分 69分 78分 67.5分
平均分 76分 79.23分 78.77分 84.77分 80.15分
總分 988分 1030分 1024分 1102分 1042分
名次 冇 第九名 冇 第一名 第七名
同第三段比較,美術進二十分,平均分進左六分,總分進左七十八分,真係好開心,今日係初二最開心既一日,而家既我已經係初三既學生啦,在下一年我會比而家更努力!在今日,初二既所有野都結束啦!我最唔捨得就係葉sir,鄭健燊同夏枝培,我好感激初二(1)班既所有同學,比左我一個禁難忘既初二!
初二(1)班萬歲!
|
| 2009 年 6 月 26 日 星期五 |
今日係初二最後一日寫日誌啦!  |
分類: 未分類 |
今日係我初二最後一次寫日誌啦!因為聽日係派成績表既日子啦,派完成績表後,我就係一個初三學生,但係聽日既結業禮,我肯定會好失望,因為我相信我一定冇前十名,我考試哥時有好多科都比任何一段既考試差,雖然我考試前好有信心,但係考得太差啦,我測驗測得幾好都冇用啦!我聽日一定會抱住遺憾番黎,在葉sir講前十名係邊個哥時,我一定會好傷心,除左我入到前十名,但係我一定入唔到前十名,因為我認為我入到前十名既機會只有三,四成,都怪我唔認真温書啦!因為物理依一科,所以我下一年一定會將依一科既成績提高架,聽日一定係我初二既遺憾!我痛苦啊! |
好大機會冇前十名  |
分類: 未分類 |
今日考左代數,都唔係幾滿意,本來我好大信心覺得會有九十分以上,但係考完之後就覺得冇機會,因為我尋日打電話問鄭健燊代數哥陣時我問佢一題數,佢話依一定唔會出,但係考試哥陣時出左依一題,搞到我扣曬d分去,所以依份卷頂多得八字頭,我本來諗住問佢初二既最後一次代數,以為可以開開心心錦過埋依一科考試,但係問左佢之後我重大壓力!
我之前物理考試衰左,加埋今次代數考試又差左禁多,真係好大機會冇前十名,我覺得我得六成既機會會入到前十名,以第三段既成績為例,前七名我一定贏唔到,但係七至十名都唔係禁簡單,顏根鋒體育美術哥d幾勁,文科都好勁!胡猷浩主科全部都好勁,但係佢體育好差!周汶傑文科都幾好,理科麻麻地,體育美術哥d好勁!
依三個人都好難贏,我正係計測驗既話我就可以同佢地成績差唔多,但係我考試一定衰,尤其係今段,肯定係最差哥段!唉!派成績表哥日心情一定唔好,入到前十另計,不過都冇咩機會啦! |
« | 8 | 9 | 10 | 11 | 12 | 13 | 14 | 15 | 16 | 17 | »
|
