|
|
2009 年 9 月 5 日 星期六  |
| 番左兩日學就已經頂唔信! |
分類: 未分類 |
真係好辛苦啊!我今年比個班主任選左做副班長同會話科代表,尋日星期五,朝早由好認真錦聽書,個頭一直錦望住個黑版,搞到條頸好痛!成個朝早就錦過左,之後中午去左白鴿巢食m記,由於高士德太多人同埋隨時會撞到熟人,又要比人看住黎食,所以完全唔想在依間m記食,在白鴿巢食完之後就搭車番學校,見到文具部禁多人,雖有等放學先至買簿,跟住到左上第一堂課會話,臨上課前,我驚到腳軟,因為我係會話科代表,由於我係好少做科代表既關係,所以腳軟係正常既,同埋我一直都好驚上會話課,我地既會話老師係班主任梁miss,一上課,梁miss叫我攞張分紙去寫低冇帶書既人,上課哥d內容我一d都聽唔明,不過做練習哥時我都有一百分,個miss話下一堂又要做d唔知咩野,好似話係小測黎,但係佢用英文講,我一d都聽唔明,下課之後miss叫我登分,登登下就上課啦!只有下課先至再登過,到左四點鐘,miss黎到,我登完分之後佢叫我派左d listening佢,佢當我咩人啊!叫我登完又派左佢,依d根本就係行長做既野,第一堂就已經要做禁多野啦,以後既路就真係好難行啦!
到左今日,第一堂係英文,好采唔係英文科代表姐,唔係既話我既壓力就好大,我一打開本英文生字簿,望左幾分鐘,就合番埋,d生字既音我正係可以讀到少少,以前既話差唔多可以讀到一半,我既英文生字學習能力又退化左啦!教左成堂生字就上左一堂課啦!第二堂係電腦,上左課好耐個電腦阿sir仲未黎,等左好耐佢黎到,跟住罵左我地幾句就帶我地去電腦室,成堂課都係圍繞住"性"同"打機"黎講,講下d特別節日d女仔成日搞大個肚啊!又講下d人冇得打機就去跳樓啊!講左成堂課又上左一堂,第三堂係代數,哥代數miss講左大半堂之後就講書,錦又上左一堂課,到左班總結,開頭叫我地唱左幾次校歌之後就講埋邊d人未收家課依d問題,之後就講聽日家長會既野,話要選d人去聽日既家長會度幫手,d人好多都話選班長,跟住miss話唔好咩都比曬班幹線做,之後佢就傳左一張紙比我地,話想參加既人就寫個名上去,之後傳黎傳去都冇人參加,miss就話,唔夠人數既話就唔比放學,過左冇幾耐之後就有幾個人參加左,真係好采,有驚無險,唔洗強制性叫人參加,之後放學miss就問我:尋日登分哥張紙呢?跟住我就話比左你啦!我心諗:死啦!我尋日放左張登分紙在課室miss坐哥張台度嫁,佢唔係冇攞走挂,如果真係錦,我星期一番黎實比人省啦!
|
| 2009 年 9 月 3 日 星期四 |
| 唔係幾好意思! |
分類: 未分類 |
今日我十點鐘同我個fd去m記食早餐,食完之後就去白鴿巢度搭巴士,等緊車既途中,有一個日本妹問我:Can you speak english?我超快錦答左佢:No!跟住佢攞左張紙出黎,寫住"大三巴牌坊",我就搖左個頭,佢就好無奈錦走左,我覺得唔係幾好意思,早知就同佢講:By taxi !都唔知點解d人成日都問我大三巴在邊度,之前放學哥陣時有條友問我大三巴在邊?我哥陣時諗都冇諗就同佢講:在白鴿巢度行過去!佢聽完之後就呆左,跟住我就走左,我錦樣答佢係因為我都算住在白鴿巢附近,所以人地問我點樣去大三巴依個問題,我就一早諗左一個路線表,白鴿巢>新馬路>大三巴,只係需要三個步驟,但係我一早就古到佢唔明,因為我係一個"路痴",從來未有人比我指點去到一個正確既地方,我諗澳門多幾個我錦既人既話,澳門既旅遊業同博彩業既經濟一定會大大降低,不過正常人都唔會問我啦!Call部的士就去到!至於今日哥個日本妹呢!由於我唔識講英文既關係,所以幫唔到佢啦!但係如果我幫到佢既話,佢話多謝我送一個獎勵比我,係錦我就一定會話:Kiss me! |
| 2009 年 8 月 26 日 星期三 |
| 仲有六日炸! |
分類: 未分類 |
仲有六日就番學啦!今個暑假都冇咩點打blog,打左既blog又好短,搞到冇咩美好既暑假回憶,我而家做左代數,文法,英文故事讀後感,語文作文讀後感,最容易都係英文故事讀後感,因為成篇野都係抄曬哥篇文章既句子,諗起番學就好頭痛,回想起六月廿七日派成績表哥日就好似前兩日錦,今年唔係一個星期番五日,放兩日假咩?好耐之後已經聽人講啦!而家都好似未實行,番學我最驚兩樣野,第一: 同一d陌生人一齊上體育課!第二: 比班主任選做科代表,好驚會做英文科代表,我覺得通常英文科代表都係我做,因為我覺得依個班裏面都冇咩人才!好似我依d文法測驗超高分既人才黎講,有我文法測驗禁高分既人成個B班數埋最多都係得五個,報下分數先:第一段88分,第二段90分,第三段97分,第四段97分,前兩段已經係失左手啦,但係高過88分既B班學生十隻手指數得曬,好采當初葉sir冇選我做英文科代表,因為我最鐘意派英文測驗卷哥陣時d科代表既分數比我拋離,感覺得難以形容,由一個好普通既人變成一個全班英文最強既人,就即係好似一個窮鬼中左六合彩錦,大家在番學哥陣時看到派文法卷哥陣時麻煩見到有好高分既人既話就同我講聲!唔該曬! |
« | 6 | 7 | 8 | 9 | 10 | 11 | 12 | 13 | 14 | 15 | ... | 17 | »
|
