lok66657815 : 個人主頁 - 相簿 - 訂閱  [ QOOZA - 論壇 - 登入 ]
lok66657815
暱稱： 新生湯圓星人
性別： 男
國家： 澳門
地區： 大堂區
好友名單
最近訪客
最近沒有訪客
日誌統計
文章總數： 51
留言總數： 115
今日人氣： 2
累積人氣： 1650
2009 年 10 月 15 日  星期四   晴天


今日發覺依個世界好黑暗啊! 分類: 未分類

今日心情非常差,因為今日派左英文卷,得八十二分,依個分數非常之低,最高分哥個係英文科代表八十七分,第一次在b班比人在英文測驗拋離左禁多分,突然覺得依個世界好黑暗,認為不久後既文法測驗會冇辦法比佢高分,又諗起整日都話有d咩目標分數,但係在初三冇一樣係可以做到,已經完全絕望!

派左卷之後d人話我好高分好勁,但係我覺得我已經唔合格啦!有d人大聲話我有八十二分,之後又有d人話英文科代表八十七分,d目光完全放曬落佢身上,我對番學上課冇興趣,我只係希望可以在全班裏面攞到英文最高分,哥個英文科代表初一同我同一班,佢哥陣時既成績同我差唔多,但係在今次既事就可以看得出,佢在初二哥陣時付出既努力比我多好多,我d好既英文成績只係可以在初二哥陣時威下,黎到初三又要從零開始,原來以為自己係一條龍,結果只係一條蟲!

我一定要改下依d心態,要回想起初二哥陣時既學習心態,要登上班裏面既最高峰!
發表時間：2009-10-15 07:17 PM  [ 訪客留言(1) ] [ 編輯日誌 ] [ 分享至FACEBOOK ]  


2009 年 10 月 14 日  星期三   晴天


依排測驗冇科好! 分類: 未分類

在依兩個星期裏面有好多測驗,我諗都冇幾多科有八十分以上,而家我正係知道一科既成績,就係代數,代數miss佢讀左個分比我地聽,我得八十分,依個成績都算唔錯,因為我覺得依份卷難過初二哥d好多,尋日測左歷史,應該有八字頭,我d填充同是非唔係幾識,今日測左生物同化學,生物d填充同填圖好多都唔識,d問答唔係幾記得,應該有七字頭掛?化學我正係唔識一樣野,就係在一幅圖中揾出錯處,五個答案裏面我正係寫左一個答案,我諗都應該有七十分以上!

今日miss比左一張紙我地填,想同邊個人一間房既話就填落哥張紙度,本來都應該有人填既!我諗d人知道左係四個人一間房,兩個人一張床就已經唔想去啦!依d乃係人之常情,我諗冇咩人去旅行會想四個人一間房囉,小學哥陣時都係兩個人一間房啦!中學竟然要四個人一間,四個人一間房都唔係問題,最離譜既就係兩個人訓埋同一張床度,有冇搞錯啊!軍訓哥陣時都有分上下格床啦,你而家分成兩個人一張床,點訓啊!

再加上d人話今年既畢業旅行係兩日一夜,有冇搞錯啊!第一日在屋企出發,第二日夜晚番到屋企,好心你比多一日啦!旅行既全部日子都係見到屋企,點解唔學下小學畢業旅行錦啊,三日兩夜,其中有一日完全見唔到屋企,錦先似番個旅行!而家搞到第一日要好好珍惜哥日既夜晚啦!真係好麻煩啊!

雖然今次既畢業旅行有好多缺點,同埋個個都話唔想去,但係我好想去,因為三年裏面學校先有一次旅行,所以我好想在今次既畢業旅行留低美好既回憶!

我而家最希望做到既野就係,miss會強制要我地參加畢業旅行啦!
發表時間：2009-10-14 08:11 PM  [ 訪客留言(1) ] [ 編輯日誌 ] [ 分享至FACEBOOK ]  


2009 年 10 月 5 日  星期一   晴天


唔洗番學真係好爽啊! 分類: 未分類

尋晚我班miss打黎話我地班聽日唔洗番學,因為我地班有好多人有H1N1同發燒,不過我都唔知點解正係放一日,一放唔係應該放幾日先啱咩?有得放假都算好啦!好采今日放左假姐,因為又可以唔洗上我最憎既體育堂啦!我地班計埋今日就已經冇上四堂體育課啦,真係好爽啊!

今次真係好多謝d H1N1同發燒既人,多得佢地,我先可以多一日假期,一個人中左H1N1就係壞事,但係兩個人以上就唔同講法啦,因為負負得正,所以H1N1對於唔想番學既學生黎講係重要既野!加上負負得正依一句話,可以得出一個結果,"團結就係力量"!
發表時間：2009-10-05 09:54 PM  [ 訪客留言(4) ] [ 編輯日誌 ] [ 分享至FACEBOOK ]  


« | 4 | 5 | 6 | 7 | 8 | 9 | 10 | 11 | 12 | 13 | ... | 17 | »