|
|
好野有得放假!  |
分類: 未分類 |
今日派左文法卷我真係九十七分,但係我看到其他人見到我張卷之後黑口黑面,我真係覺得好開心!錦就証明左兩樣野,我既學習能力好左,同埋人緣差左!
今日朝早最尾哥堂有條友開咪講黑色暴雨決定停課,依個時候,大家非常開心,過左冇幾耐,葉sir講左d野就離開,之後我同我fd放學,跟住我fd話佢班今次文法最高分係九十二分,我fd係六班,我覺得好開心,因為初二級最強既B班係六班,我竟然仲高分過佢班五分,真係難以相信,我可以擊敗佢地,爽啊!之後我不停錦幻想,我可以一個人打低曬佢班,依種感覺真係難以形容既爽,我可以諗到依d野,錦即係証明我仲未成熟,不過錦樣都好,起碼都有番d童真!唔洗好似其他人錦動手動腳!
|
2009 年 6 月 8 日 星期一  |
鬆左一口氣啦!  |
分類: 未分類 |
由於測完文法之後就一直擔心成績唔會好高,因為我覺得真係好簡單,我覺得一半人都會識做,由於依一份卷太簡單,跟住我就會好多野諗,諗下邊個會高分過我,候選名單有(Kaman,馮庭欣,周汶傑),依幾個人既英文在班裏面都算唔錯,尤其係馮庭欣,佢次次測驗既分數都同我差唔多,在第二段文法測驗仲高分過我,哥一次我印象好深刻,佢九十一分,我九十分,輸左一分,好唔甘心,所以第三段既文法測驗我出盡全力,將所有既精神放曬落哥一次測驗哥度,所以攞左九十七分,拋離左好多人,佢都好似得八十幾分,依一個時候我異常開心,番到屋企後諗起其他人點解測得唔夠我好,經過第三段文法測驗之後,我唔想低分過其他人,我唔想做失敗者!所以我今次都出盡全力温習,今朝聽鐘sir講我係全班最高分哥個,真係鬆左一口氣,聽d人講,我今次文法大測係九十七分,聽完之後我都唔係禁開心,因為試過一次九十七分後再試一次,覺得完全冇進步,雖然冇退步,但係要入前十名并唔係禁簡單架!因為我其他科好多都好差,所以我主科一定要更高分!
提示大家一點,死背書係好有用架,我最憎d人話人死背書,如果唔死背書,歷史,地理點會識,唔死背書,語文問答,英文問答點會識?咪比我高分過依種人!依個就係我初一讀左A班既結論!
|
| 2009 年 6 月 7 日 星期日 |
我覺得我今次文法測驗唔會高分!  |
分類: 未分類 |
昨晚我發左一個夢,在星期一派左文法卷,得九十二分,哥陣時情緒好低落,見到其他人好多都高過我,跟住諗起今次文法測到錦既成績,前十名都唔知有冇,見到其他人不斷錦笑我,跟住唔知發生咩事,之後就醒左,我希望依個夢唔係真實既,唔係既話我考試會有好大壓力!
有時我覺得發夢係一件好無聊既事! |
« | 8 | 9 | 10 | 11 | 12 | 13 | 14 | 15 | 16 | 17 | »
|
