一起身...6:30pm度..

雙手超痛呀~~

一定係做40下掌上壓而成。

痛到我死,做個手勢都痛到死!!

7:00pm集合啦..

又係起度升旗..boring~!

7:35pm就起度做早操=.="

即係我要fit一fit~!!

8:00pm又係日日有死神,

d早餐同擒日一樣,

無改變過都係難食~!!

9:00pm終於有招出招啦..

哥個form2的科學怪人竟然想自己做使用後,

好心佢照鏡睇下佢個樣。

話就話佢考全級廿幾,

但係佢諗d野我地組d人都公認,

係蠢過form1生ga!!

最後呢個game嬴左第3名..

唉~!!真係慘呀><

11:00pm原本玩水戰..

但係落雨呀><

嗚....我好想玩呀...

竟然取消左呢個最好玩的"

所以最後就番房休養,

兼執行李帶去canteen準備走人啦~

12:00pm食野...

d野好食左d~都食左兩碗飯...

最後的午餐竟然最好食><感動!!

但係組長竟然話,

要每人交20蚊冷氣錢!!

呢個營係米kai左呀?!

佢夜晚8點開到朝早8點咋,

如果全日開我都甘心,

但係你限住我地有咩可能?!

組長仲話原本要50蚊tim呀!!

超crazy~我哥時即計數,

我地間房12個人,夾埋俾左600蚊。

得2部冷氣,一晚開300蚊冷氣?!

一部冷氣開一晚要150蚊?!

佢個腦癡左線定係爆左呀?!

我地原本要住難民營都忍佢,

俾個200蚊擺明貼林宇峰佢地住上面,

現在仲有俾多20蚊,超唔抵~!

覺得自己好似俾人昆緊lo..

白白俾左220蚊...真係好慘><

之後12:35pm就走人啦..

因為我PE course,所以早走...

聽講Yuki哥組最後攞左冠軍~~

番到最後都無番PE course,

雙手咁痛,點打呀!!!

又有少少頭暈wo..

所以最後無番呀><

番到屋企有種安慰的感覺..

即使住皇宮都比唔上屋企好,

唉...不過對camp都有種難忘的感覺。

你可以話呢個camp變態,

呢樣野我都同意,

但係我覺得都算係一個好的訓練..

訓練自己無左屋企,

訓練自己無左屋企人幫忙,

呢種可能都好難求ga...

心情指數:100%

家,永遠是我最安全的地方^^

第二日...原本camp book係寫7:00集合,

點鬼知神朝早有人拍門話for in!!

仲有係兩分鐘之後去到操場。

我就好急忙咁換衫換褲出去,

連牙都未刷就跑左出去..

去到我就以為無事啦~!

但係都超眼訓,,,訓左一個幾鐘=.="

突然d隊長攔住d人,

話佢地已經遲到wo..

之後有個唔知乜水扮到位高權重咁,

就講埋一大堆制服團體的廢話,

見到佢個衰樣都想丙佢。

then佢地話要我地無遲到的人,

男要做20下掌上壓,

女就要做20下sit-up。

佢有無問題呀?!你咩事罰我地先?!

你唔好同我講因為我地組d人遲到,

所以就要罰我地呀?!

佢唔好白癡仔啦唔該~!

我地唔通走去女仔房叫d女仔起身呀?!

仲有呀...好心呢個罰人的白癡仔諗下,

2分鐘出去for in,叫得到咩kai子?!

我好快咁做完廿下,

佢竟然話要一齊做先當ok!

超變態...我訓左得一個幾鐘...

超四十下,累到我死...嗚...

唔係人黎ga..好變態呀呢條友!!

之後我地做完,

個扮晒野的白癡仔又講:

遲到的人跳十個圈鴨仔跳!!

佢講到真係好易跳咁wo~!!

d人跳左半個圈都死死下,

有d女仔仲喊左出黎=.="

Tracy就係一個好例子~

最後佢地跳左一個圈都無跳,

d白癡仔都放左佢地走..

我見到超反感,

好心d白癡仔用腦,

你都跳唔到啦,叫佢地跳?!

真係好kai子lo..

有班女仔竟然遲左成個鐘黎,

只係罰十下sit up咋!!

唉...呢個世界真係好多白癡仔

then做早操啦wo~

做完就食早餐...

一d都唔好食,得幾個垃圾包,

同埋一堆米粉..

呢d野我阿媽整得都好食過佢~

之後個<迷>,

原來係自由活動時間,

超正!!!不過都係起房度休下息..

then就係食飯時間..

即係<金玉滿堂>啦~!=.="

唔記得食咩,我地組d人都係埋怨難食..

食完之後,1點玩咩同撈同煲,

都唔好玩~全部玩過晒~

好心d白癡仔食下腦,

諗d好玩而有創意的遊戲啦~

成日起度交行貨,無d新意。

2:30..足足3個鐘,

玩左一個白癡遊戲<笑傲江湖>,

咩真實的online game wo~

咩又玩d野,之後賺錢,

攞去考試哥d野~

我見到勁少人真係真心去玩,

個個都坐晒起度傾計~

超無奈...足足3個鐘送左俾d白癡仔。

5:55pm,五星戰隊=.="

起度降旗,好無聊~~

呢d野做唔做都無分別ga啦

你做左個制服團體會長命d咩?!

6:00pm又係美味情緣,

都只係記得d野好難食,

d野食都無咩好食,

令到我地唔會太記得~!!

7:30pm烈火雄心=.="

要我地蒙住眼,帶我地去個營火度wo

勁無聊..又唔係多野阻住我地~

去到起度唱埋d幾低b的歌,

又起度跳舞..超無奈..

最搞笑都係求偶歌~wakakaka~!!

9:30pm高朋滿座

起度傾下個人的缺點同優點,

跟住就散..

10點幾我地去左canteen,

傾聽日個有招出招,

用埋d寶齡球做咩break and burn..

阿珊姐話聽日食早餐先講個廣告點做~

番到營度...就等林宇峰番黎,

再去佢哥度沖涼~~~

d人好鬼霸道,

有個明明我排先,

自己一個人衝入個廁所度沖..

沖完番到去都11:30pm啦..

玩左一陣散盲雞,

無咁好玩lu=.="

出去睇哥d女仔做咩..

1點幾就集體熄燈訓覺~~

哥個楊xx一得閒就做d變態野..

唉~~不過佢都幾好人,

送左個杯面俾呂雅麗食,

呂雅麗話好肚餓wo..

哈哈~!!其實認得係唔乖的人,

又唔係真係代表佢對人係衰ge~

心情指數:60%

一番到學後之後,

就即刻去交回條。

然後就集會分組去camp啦~

搭左大約一個鐘度的車之後,

就去到一個充滿住憧憬的營地啦!!

一入到去canteen,

熱到癡線!!!

竟然無開冷氣招呼客人,

好啦!!我忍佢。

之後就分18組加諗組名,

我地個組叫做--

2條腿 funny隊

其實一知道有個咁ge組名,

我都知道會輸得好慘..

派camp book啦~

個時間表用電視節目名黎做成,

扮晒有創意咁,

真係以為好好笑咩~!

然後就分房番房度啦~

一入到去,個房簡直垃圾~!

有d咩?!有兩個超細的櫃,

仲有十二張床,無啦!!無啦!!

可以話仲有d衫架俾你掛衫lo~

then就出去for in...

即係所謂的星期日檔案

個操場細到無人有,

簡直不知所謂...

玩左陣好白癡而無聊的遊戲,

即係所謂的不思議遊戲。

然後就美味情緣,

即係食晚飯啦~!!!

難食到嘔d野食...

d湯勁鹹,不知所謂...

一定加左勁多味精落去啦~

一飲都飲得出啦~~

食完飯就玩<西遊戲>,

即係夜行,搵tasks啦...

我地個組搵到得5個,

勁恐怖出去個營地外面。

我地有次愈上愈黑,

去左個山度..勁變態~!

又唔準人地講野,

只可以圍個圈先可以講野同電筒..

勁多蚊,咬到我死呀!!

我O型血ga,超惹蚊。

番到去個鳳媽竟然話咩唔可以番到黎就傾計,

睇住我地守規則哥個Beeno,

就起度解釋...係咁話係佢的錯...

好慘呀佢>.<"竟然...

唉~呢個campd遊戲解釋得又唔好...

番到去就起度傾下後日個<有招出招>點算,

傾左一陣就走佬啦...

去左林宇峰個豪華住宅區度沖涼,

佢地有獨立廁所,又有電視,

仲有個boil水的東西~!!

我地個難民營簡直不知所謂,

百幾人用兩個廁所~

沖完涼番去自己間房,

途中見到勁多女仔排緊隊沖涼..

番左房就玩wo~

同房d男仔有d都唔係一早揀哥d,

有d無房就入埋黎..

佢地講d粗口簡直變態,

一分鐘都有成十幾廿個。

得我,form2一位人兄,曾偉文,

同埋陳頎昇無講過。

最後就一齊起度玩散盲雞,

玩得幾開心,熄晒燈,

只可以用電筒黎睇野。

個feel唔錯呀..都幾好玩...

3點幾出去,

見到女廁竟然仲有人排隊!!

超變態,簡直恐怖..

原來仲有女仔起男廁沖涼..

Ms.Ng話俾wo~

搞到好多男仔都唔準去廁所。

好不知所謂...

我生存左十三年,

未見過女仔要去男廁沖涼~!!

then同Yuki,Niki傾計,

傾完又番房玩。

最後4點幾就一齊熄燈訓啦..

張床唔係幾好訓,

個枕頭又硬,但係海馬牌黎ga wo..

都唔知係米翻版野~!!

心情指數:50%