[[┌█..寧代我擔起苦愁　人心不必掛牽____

進入xanga

ｙo..＊

暱稱：Ｙo.. .＊
性別：女
國家：香港

MORE...

:: 最新訪客留言 ::

最近三個月尚無任何留言

:: 最新日記 ::

• xanga*

• 謝謝您..

• 弟兄姐妹彼此相愛*

• 12分精神!!!

• 蝙蝠俠

:: 我的連結 ::

• eman*xanga

• yｏ..相簿..

• 琁*xanga

• 一份天空..cit功課

• 美如*xanga

• 淺藍色的空瓶

• 領航一號

:: 我的好友 ::

a61017569

AR_BU

cwdevil

Edmond

lovechauyin

ro021135

sin_yungyung

siriusyuu520

tsewai3606

:: 最近訪客 ::

最近沒有訪客

2007 年 5 月 26 日星期六

２６海洋公園

1507873e9ad45b50

葉sir..我..秋燕..靜婷..境文..子光..峰峰一齊去左海洋公園....

CIMG4458

就係大合照喇..>v<..

1508013def4a374c 1509209de9ee100a

好開心啦..

首先會合晒人..就出發去海洋公園..

玩左唔係好多機動遊戲..因為我驚個心有事..

因為自己逞強..去玩海盜船..搞到個心好痛..=~=..最衰係自己..

之後就唔敢再玩刺激既野喇..

去食蒲飛就開心啦..多謝阿sir...^^

一路食..一路傾下計..幾開心..>v<..

食完野去左參觀下d野..

今日最好玩都係動感影院..好開心..好好玩..

..............................................................................

大概就係咁啦..仲有呀..秋燕同子光係咁偷影人..你地真係絕配..

境文就成日搞gag..搞到佢要同我道歉..

搞左gag一定要道歉架..好似我咁..^^

靜婷好惹笑..成日講埋d令人o嘴既野..由去camp開始..

你地班camp友已經係我最難忘既朋友..

峰峰..多謝你係玩海盜船既時候..見到我掩住心口..係咁係我身邊「呼氣..吸氣..」..

葉sir..多謝你又請我地食飯..=~=..同埋講一d野比我聽..明白得多..

咁多位...我地遲d再去玩過..遲d再加埋劍華啦..^^

刊登時間︰2007-05-28 12:27 PM [ 訪客留言(0) ] [ 編輯日誌 ] [ 分享至FACEBOOK ]

« | 67 | 68 | 69 | 70 | 71 | 72 | 73 | 74 | 75 | 76 | ... | 182 | »

2007 年 5 月 25 日星期五

心痛得無法呼吸.___.

心痛得無法呼吸這句我現在深深體會到..
但請別誤會..我沒有不愉快..也沒有什麼心事..只是.....真的心痛..

唉..個心一直痛住..由朝早痛到夜晚..３日都已經係咁..

之前其實都有咁既情況出現..不過係間歇性..唔係好似而家咁..一直痛..

但我以為係壓力太大..但點知而家已經考完會考..仲係咁..

星期一去睇醫生喇..我忍唔住喇..身體遲鈍的我..而家先開始痛到想睇醫生..

又要媽咪、爸爸佢地擔心..

同埋多謝班朋友..組長哥哥你地既問候..

我係msn寫住"心好痛…"..朋友當然知咩事..但其他人以為我唔開心..今日解釋左好多次..haa..

而家既我真係好開心..從未試過成日都想笑..但一笑得太激動..個心就會痛..ha..連笑都唔比???

唔嚇得..唔驚得..唔激得..唔笑得..

---

今日..好悶的一天..不過出門熱啊..所以還是不外出比較好..

早上睇電視..有新電視係好d..>v<..之後一路食下午..一路睇勇探實錄..我睇左第3次定唔知第4次喇..

仲有朝早有同婆婆傾電話..之後都有同媽咪傾計..

秋x都有打黎..傾左一陣咁啦..

成個下午同依蚊..佩西..靜x..佢地係咁玩msn既圖像..發覺我地都低b架..咁都可以玩咁耐..

不過d表情圖真係好得意..

美如on左既時候..我都有係咁sd圖比佢..佢竟然話我低b..

仲問佢一d好嚴肅既問題..佢都好嚴肅咁答番我..

我問佢覺得洋蔥頭戴左假髮有冇好睇d..因為我真係想問..

→→→你地覺得有冇好睇d??不過我其實覺得佢戴左假髮興奮d姐..

我仲問左依蚊、西、靜x..

潔ling on左..佢問左我一d好廢既問題..= =""詳情唔想講..以免破壞潔ling名譽..

我係唔會將潔ling問我..中文口試係咪分朗讀同討論??呢樣野講比人知架..因為太x喇..連我都睇唔過眼..

同金狗傾左一陣..講下近況咁..佢..都而家都冇變..仲係咁..ｘ..= =+..

出面熱到x咁..但我都要出去..返學校還行山背x..熱到真係溶左我..

返到學校..見到miss蔡..miss幫我還..同佢講左一陣野就走左喇..

返家..細佬返左黎..同佢玩左一陣..之後爸爸、細妹都返左黎..食飯啦..

食完之後..爸爸話要帶我去睇e生..本來我話星期一先去既..不過因為突然太痛既關係..

就去喇..點知屯門e院太多人..要等3個幾4個鐘..唔想等..醫院空氣又唔好..仲更加透唔到氣..

還是遲些先吧..但一路返黎..爸爸都係咁問我..佢好擔心..我又從來唔會o係佢地面前講大話..

有幾痛都照實講..搞到爸爸話佢都突然好痛..唉..唔洗咁擔心既..冇事既..>v<..

返到屋企...又再去望望信箱..都係冇..唔通..入唔到連信都唔寄!?唉..

zoe今日都考完中文口試喇..去睇e生之前同佢傾msn..傾口試d野..

聽日到潔ling喇..加油！！

刊登時間︰2007-05-25 09:24 PM [ 訪客留言(0) ] [ 編輯日誌 ] [ 分享至FACEBOOK ]

« | 67 | 68 | 69 | 70 | 71 | 72 | 73 | 74 | 75 | 76 | ... | 182 | »

2007 年 5 月 24 日星期四

中文口試

尋晚6:15就要開始中文口試..要放低apa既擔心喇..
上車果時..發覺自己心口好痛..已經唔係呼吸先痛..係一直係咁痛..
搭車..轉車啦..可能因為出門口遲既關係..趕唔切早30分鐘..最多係岩岩好去到..
落石排搵果間學校啦.."陳黃淑芳"成日讀左"陳黃淑芬"..= =""好彩都差不多..d人聽得明姐..
去到..有個好好人既阿sir教我點去果個"報到室"..冇位坐..所以企..
第一批人走左..我就有位坐喇..係咁等..等左好耐..中途去左兩次洗手間..你話耐唔耐!?
等左大概個幾鐘倒..就到我地..我地拎埋分紙同d野..去"備試室"呢個室個名..係我睇片既時候聽到係咁笑..
去到"備試室"喇..又係等左好耐..大概15分鐘倒..就開始第一個同學..我係第五個..>~<..
派到張紙比我..嘩~~一睇就驚..字又唔係話好難..係成篇好多好唔順既地方..好cake口..
到我喇..因為cake口既問題..我迴讀左1、2次..= =""唉..覺得朗讀應該衰左..
好彩之後既討論都還可以..本來我係最多野講果個..我都唔想架..d人好被動..
踼一下..「請問6號同學你有咩意見..」就講一下..
好彩之後有個大反派都講得好多姐..但我地都唔想壟斷發言..所以係咁叫d人講..
後尾除左一個女仔之後..其他人都開始主動講野..開始平均d喇..
有一度..我同果個大反派係咁講..其實我仲有野駁到佢架..但以免弄成"兩人相爭"既局面..
我就問其他人意見喇..綜觀而言..我覺得我地成組都ok..冇冷場..冇人壟斷..冇人唔講野..
我地個題目係偷拍事件應否立法化..個題目都幾容易講..但都好容易離題..
但我地都盡量冇..唔知點解我地講立法化既定義時候..有個女仔話我地偏離題目..= ="'
咁都要有個定義係度..先可以決定立法岩定唔岩架..@@..搞到考官誤會就唔好啦..=v=..
仲要係我引呢個問題討論添..扣我分咁點算!?

講完就走喇..一路行..同大反派果個男仔講番頭先d野..
原來佢係因為冇人做反派..佢先做..廢事冇野講..呵..真係偉大!!..不過佢講得好好架..

考完已經8點幾..就黎9點..返到屋企都9點幾喇..
估唔到咁遲..

夜晚發夢..

夢見3次收到apa既信..2次話唔得..果時個心好酸咁諗..「唔洗第二次喇..」..有1次就係得..
究竟事實係點!?好驚呀..
如果...真係唔得既..我要點先可以慢慢接受呢?
我份人..好難平伏唔開心架..

戲劇..是我的生命..
戲劇停..代表我生命已經停..

因為在我生存在世界上的日子..我會不斷尋找戲劇..^ ^

好多野..我會向好既方面諗..好似讀書..我會驕傲自己考得好果次..
但唔知點解..一考完apa..我個腦一直只係諗住自己做得唔好既小小野..同埋走去拎紙既大錯失..
我係咁講自己做得唔好既地方..媽咪問..嘜冇好既地方咩!?
我先停低諗..其實係咁多個人裡面..我既自選獨白係最特別既一個..同埋我都做得唔錯..
但係我永遠睇唔到自己表演成點..所以我唔會知道自己仲有咩好..
只不過做得唔好既地方..我自己比任何一個評判更加清楚..

第二日..即係今日..我行落去睇下有冇信..
唔知點解..今日落去既時候..等lift既時間特別長、特別慢..
點知落到去..得一封信..我冇用鎖匙..用手拎封信出黎..(我成日都係咁的.___.")
係爸爸架..22號寄既..因為今日係公眾假期..所以冇啦..
封信係一定會黎..只不過係唔知內容寫d咩..得..定唔得..??

今日..個心痛左成日..=~=..真係真正既心痛了..kaka..>v<..

今日真正咁心痛左成日..真正嘗試心痛的滋味..

我仲發覺我唔嚇得架..今日細佬冇啦啦企左我後面..我一拎轉頭..嚇親..

個心痛得仲犀利..痛到郁唔到..

媽咪話..「唔好嚇我呀..如果再去咁..要去睇下啦..」..@@..

我諗應該冇野的..

刊登時間︰2007-05-24 09:32 AM [ 訪客留言(0) ] [ 編輯日誌 ] [ 分享至FACEBOOK ]

« | 67 | 68 | 69 | 70 | 71 | 72 | 73 | 74 | 75 | 76 | ... | 182 | »

）●±珍惜這友誼﹏將彼此也{-放於心裏]___﹎﹡'

﹋﹎△把每一份真摰友誼藏在心中⊕﹌℅■〃

.!|-` '◆校園每一個角落╳×.....
+*!!|:|都珍藏著我們的友情↑＊。

｝★`}-在旁[*陪伴摯友].. 渡幾多春與秋 ﹡互送安慰仍樂透.,!||!|!