昨晚12點幾就熄左電腦  企左係廁所等嘔........

  點半鐘上床訓  但2點  5點幾  嘔多兩次...  好唔舒服..

  返學  phy  訓左...  我真係好累呀....  對唔住呀><"

  bio兩堂  好留心聽書  因為剛剛訓醒^^  但浩霖嘈住哂...

  小息威廉話請我食早餐  但嘔到個胃「那」住哂咁....  謝了!

  中文  睇漫畫@@"  哈哈!  書都借埋比阿「長」 ...

  oral  miss雞幫我地練  差左一題唔識答....  我會努力的!

  lunch  返去食粥  我唔想食呀.....  都食唔飽= =...

  返去就2堂英文  無無聊聊吹下水睇下漫畫咁就過左...

  最後r.e  婚前性行為  其實我覺我男仔係唔係應該專重下d女仔呢...?

  又要搞人地  出左事又閃閃縮縮  死左佢啦不如!  人渣!

  放學測chem  好努力咁做  雖然唔多識^^"

  放學返家無人  煮左個公仔面食  餓死人了.....

  食完做左陣project就訓左...  訓訓下又要衝去嘔....

  又嘔返哂出來.......  頂!  超辛苦呀......  嘔到喉嚨好唔知點咁..

  再訓  成7點先起身.......  沖涼!  又食粥....  好淡呀= =  唉....

-----------------------------------------------------------------------------------------------

今日感想:

  我唔要食白粥呀!!  我要飲汽水食公仔面!!!!!  鳴哇.....  好唔舒服呀><"

-----------------------------------------------------------------------------------------------

  昨晚開夜車開頭3點幾  都成四點先訓著.....

  訓得果幾個鐘就要返學..  好辛苦....

  老母唔記得整早餐比我食重要發我脾氣= =  仆街...

  學校無咩好講  都係咁嫁啦....  不過無精神上堂囉..

  放學去左影學生相  之前果d派哂出去..... 

  返家做左陣project就訓左.....  好累呀! 唔打機了......

  訓到7點到起身  落左T.W搵梁定  打左10分鐘機..

  都係兄弟好  跟兄弟吹水總比對著女人好.......  都唔知妳諗咩..

  之後買左支冰紅茶去補習飲  出事................................

  飲完開始起胃酸  胃痛= =  吹下水咁又落堂

  咁重死  行多幾步d胃酸谷到上喉嚨.....  反胃.........  忍住..

  送左孫孫返家  超辛苦!!  頂唔順......  衝去荔景酒樓!

  但未去到已經係馬路邊嘔到八采...  係咁嘔水...  都無食過野.....

  紙巾又無  水又無....  忽然間覺得自己好可憐.....  無人理我...

  返去食飯  餓死我呀  成日都係食左個午餐........  crazy!!

  沖涼  沖完又嘔返哂出來......  好辛苦呀...  胃好痛>口<"

  老母又係度發癲!  你老尾!  收下聲得唔得呀你!!!  仆街....

  食左粒胃藥+白方包  做謄文  打日記.......  開車車= =...

-----------------------------------------------------------------------------------------------

今日感想:

  個胃愈來愈差...  好辛苦呀............  老母癲夠未呀!  靜小小好嗎= =..  努力開車車..........

-----------------------------------------------------------------------------------------------

王子騎白馬，壞人騎黑馬，巫婆的邪惡盡擺在臉上；

一根火柴一個夢想，一隻玻璃鞋決定一生幸福......童話就是如此這般的簡單快樂

網上的人在討論區感嘆愛情童話不再，相信他們一定很少看童話吧。童話中那有愛情，大都是正邪對決，因果循環，正義純真的主角縱使受盡迫害險阻重重，末了總有仙人指路柳暗花明。

愛情，就只是含情對視，感動相擁，濃情蜜意盡在暗場中交待，最後輕輕一句從此他們就快樂地生活作結。

愛情童話的目的，只是要讀者開心。

童話中，王子公主不用為口奔馳；皇室人員，那用為錢煩惱；更不用為住屋操心，皇宮古堡有的是房間。

他們不會有外遇。因為想搶奪公主的大都是其貌不揚的奸角，公主那會看上眼，當然一心念著王子的好；惡毒巫婆更常有打王子主意。婚後生活大都是相擁著看「夕陽西下」，不用為「廁板放下」與否而鬧意見，王子公主熟睡時更不會有鼻鼾，對冷暖更是感應一致，不會一個怕冷一個怕熱．．．但係現實呢？

記得童話最經典的開場白嗎？　〝在很久很久以前，在一個很遠很遠的國度．．．”

原來童話作者不是騙子，早就說了，童話不是現在，更不是身邊你我他及她的故事......

愛情是童話，也許只是一句"童"話......

  今日知道左有個朋友  又或者同學果然係對我講大話!

  「誠信」對我來說極為重要!  但你居然對我講大話....

  我同你講真你同我講假!  唔知係咩原因囉!  因為你唔信我? or其實原因!?

  件事對我來講其實可以話唔關我事  衰點講同直接點講呢個係你既問題!

  你可以唔答我既姐  點解要講大話呢?!  你應該解釋清楚!  但唔係對我講! 

  你自己心知係邊個..........................................................

  另外我有點疑慮  間接來講係唔關你事  係妳........

  不要向我講大話!  講真的.....  我看得很通透!  我也明白得非常清楚!

                     我最憎人同我講大話!!

-----------------------------------------------------------------------------------------------

  今日都係咁  返學前諗緊著咩褸好  都係著左街外褸  我老豆真係好搞笑!  哈....

  返去中文2堂  無得交功課...  罰企=.="  又無帶果本咩鬼書...  真係失敗.............

  之後小息見到雞Lam  佢話我見褸太搶眼...  要我著沉色點= =a........

  我答:喔.....  (你呢!?= = 利是封.........)   差點笑左出來...  哈哈!!!

  bio2堂  死菜頭叫我「消防員」...  個個都係咁叫...  都係件褸.......

  呢個係我自小的夢想.. 但我無42吋胸肌喎...  看來無希望了..  ><"

  lunch返家搞同學錄的相  家姐電腦又壞了= =  比我踢壞左個3.5磁碟機.....

  返學果3堂+補課係咁整同學錄...  好了  比Miss Au 罰留堂了= =  走佬!

  返家  zzz...  但完全訓唔到  個死人張比得係咁用大聲公叫上來!  好想打獲甘佢囉...!!

  7:15起身  沖涼  做功課  食飯  打日記............  今晚好忙...  真係唔洗訓....

-----------------------------------------------------------------------------------------------

今日感想:

  今日另外重有個消息!  三叔又要離婚了.....  個仔都唔知點..  可能要來我家住幾日

  真係好慘...  始終都無一個好老婆去疼自己.....  我唔想好似佢咁呀....... 

-----------------------------------------------------------------------------------------------

  昨晚做project做到唔知幾點...  對住個電腦訓左=.= 

  今日8:15起身  慢慢的刷牙洗面  換衫set頭  慢慢來...

  8:53去到地鐵站  等左3分鐘車  9:07去到深水保  等等等....

  雖然在月台  你都唔好話唔凍... 陰風陣陣咁吹比正常更凍!

  等左好耐孫孫都未到  坐下等下  訓左...  但又凍醒左... 

  她人10:00才出現  沒關係  等人也是一種休息..  出發

  去到又遲到了...  真無奈  上堂又好精神喎唔知點解...

  落左之後有個女仔係咁同孫孫吹水  居然話我扮腳傷...

  無哂野講........................................................

  咁落左深水保  行電腦節  好多野睇呀  好多野都好想買  但身上只有$300...

  之後孫孫走左  又自己一個人...  mp3真是我最好的朋友.....

  佢一走我又好眼訓....  所以遊左幾個圈就入左黃金

  買左張lan卡幫家姐整電腦  BUFFALO 10/100  $55  唔算貴了  點都係名廠貨!

  又買又左筒CD-R  送Marker+紙套(靚女封面)+CD-W(因為電腦節所以有)  $55  抵!

  行到2點幾過左鴨寮街行  買左個電影放大器(老豆叫買的)  又用左$98

  之後上左西九龍搵野食  但又唔多想洗咁多  買左好多野呀...  咁都係無食到...

  行落太子  好遠喔..  腳呢兩日好好多了  但今日行左咁多又開始痛了...

  去到太子真係好肚餓..  早餐都未食喔...  買左個雞蛋仔食+檸檬荼  正呀!

  但食完之後開始勁胃痛同反胃..  衝左上酒樓洗手間嘔返哂出來...  我頂....

  行魚街  行左好耐  買左好多工具呀  又用左好多錢...  $300洗到得返幾廿蚊...

  見到大白菜兄  帶住個女朋友睇魚  好幸福喔....  吹左一陣就行開啦  無謂阻住人..

  去左花墟  買左紮菊花比阿婆  新年啦!  買小小野哄下佢老人家開心囉^^

  咁都成3點幾先返到家  跟手就同老媽出左去搵家姐食野  食完去阿婆家!  開心了吧^^

  咁返家  買左幾條紅眼火美人  對水落缸之後去整電腦  搞到8點幾先食飯

  食完打日記............................... 

-----------------------------------------------------------------------------------------------

今日感想:

  開始好討厭d朋友成日 都一雙一對......  好妒忌你地咁sweet........  今日洗左好多錢呀...  又好凍呀.....  頸長得濟....  好鬼死凍....... 

-----------------------------------------------------------------------------------------------