今日訓到9點起身  起身就開大個喇叭聽歌做project

  10點幾等成家人起哂身就去食早餐  熱氣到死都食左個吉豬  正!

  返家溫書呀  難得家中無哂人咁靜  佢地就去哂行街啦  我就溫書....

  2點幾又出去搵返佢地食m記  超熱氣  食完牙肉立即就腫哂....

  又返家努力溫書  好多野溫  不知不覺間就溫到快6點  好眼訓 

  去左訓...  但訓唔著喎  突然好想寫下文  就滾返下來寫左篇「潤唇膏」 (暫名)

  發覺自己有太多太多經歷的事想寫下去  寫到成8點都未寫完.... 但好開心~

  食飯  沖涼  而家打日記  轉頭做project 

  今晚有勁歌睇喔  但唔知有無時間睇....

  今日感想:

  今日成家人都好開心  睇來之前單野大家都算啦

  但我就係咁比人剷...  話我生理時鐘唔定時喎... (因為昨晚有幾個師拉係咁話我瘦到死喎=.=")

  咁我都無法呀...  瘦果個係我炸ma...

  狂溫書...  時間過得超快...

  好想快點寫完這文章  我都唔知點解的~0~"

  同埋今日成家都不停咁討論咁孫孫  又話佢點乖點好... 跟住就剷我= =" 無野講...

  昨晚又開夜車做project  訓得果兩個幾鐘  累得要命...   

  返學補bio  超眼訓  搞到係咁比人鬧... 

  放左上荔景搵孫孫  沿途同詠怡猩猩一齊行  原來都是真的... 算吧~0~

  孫孫又遲到了... 我地係地鐵站竟然見到我妹  我地立即扮唔識 

  其實點解要咁呢..?  哈哈... 好白痴

  去到補習又遲到了...  我重要訓左半堂  因為真係好累...

  補完行左陣街  又去左圖書館  好開心的  但走時多左一大埋書...

  本來諗住食埋lunch先的  但佢媽煮左飯  算  送她回家吧

  送完落返葵芳搵阿媽食飯  跟住返家做project  睡了一會

  6點起身整家姐的電腦  佢真係有得玩就得了... 我叫她做的事什麼也沒做....

  咁都整住先  7點幾去小雨天買外賣  返家同老豆食  唉...

  8點幾孫孫上左來  借左電腦佢做project  但好似我做得比較多...

  哈哈~ 不過好開心喎~ 我老弄都係咁一齊玩~

  9點幾走人啦  送左佢返荔景  上左佢家幫佢做project  (我自己的好像還沒有做好=0=") 

  佢電腦真係唔可以用我的速度來使用的...

  等佢沖完涼換哂衫拾完野又走人  都快11點了 

  送佢返深水保  傾左好多野  咩都傾  好多謝你咁信任我!

  送完佢返去再返家都成12點了  累得想死...

  返去我媽又八我去左邊  梗係唔講啦...  咁同我媽癲下就打日記囉~

  邊日記邊同孫孫傾電話  我媽又來八了=0=  哈哈  

  佢地女人真係好多野講  好似佢兩個傾緊電話咁

  今日返學都係無咩點啦  只係電腦堂關左威廉電腦

  搞到佢做左果小小咁多野無左  sor~~~~ ^^"

  lunch返家  但一返去就訓左... 夠鐘先起身  飯都未食  拿左個包就衝左出去...

  放學有花生show呀!  集齊兄弟就過去搞事~  係門口吹噓其他人起哄~

  入到去搵唔到好位... 但都影左好多相喔

  孫孫今日好靚  真係好靚...  影左好多相  但大多都好模糊...

  放學同梁定家興家倫佢地係學校玩「布里里」  超正呀!!

  玩玩下我做鬼  搵搵下上左四樓睇女~~~  佢地重以為我去左邊~

  孫孫果個咩鬼大哥送左隻士路比同張卡比佢  想點心知啦...  心情有點奇怪..

  咁返左家換衫  再出來搵孫孫同阿欣佢地食飯

  食飯係度玩"" ture or 嗲""  救命呀....

  好似比人強姦咁...  點解係都要咀我=0="'"  家煒都唔差呀...

  之後牙籤人都要來咀  見到佢個樣真係嚇鬼死我!!!!! 

  拚死抵抗!!!!!  好彩最後都唔洗死=口=""""  呼....

  最無奈係根本都唔係佢地輸   受罰的根本是我= ="   y me!!!!!!!!?????

  食完同孫孫走先  原來佢媽唔舒服  早知就唔好比佢來食飯啦...

  佢食左佢返去  自己行返家  隻右眼超痛...  又好眼訓...

  返去沖涼  打日記  現在做電腦project喔.....  好想睡個飽......

  今日感想:

  真係要同威廉say多次sorry... 好似玩大左~0~" 最近個人痴痴地... 好易火滾.. 又玩得太癲.... 抱歉喔!!  孫孫今日好叻嫁啦! 真係好得喔~ 祝佢媽快點好返!! 同祝我快點訓返一大覺...zzz....

  今日返學好忙  因為放學就係歌唱比賽

  lunch要我地一點前set好哂野  超緊急 

  午餐躲左係後台食  都無兩分鐘食哂個飯盒  想嘔..

  跟住英文又唔洗上堂  中五啦都  咁多空堂...

  放學先無譜  衝來衝去影印

  話咁快就到我地上去唱  真係好攞命...

  我支咪凹的...  重要勁細聲囉...  極度無癮!

  我地重要三甲不入  好明顯係評判有問題啦!

  band我地又勁  唱歌更加唔洗多講

  但陳丙文話佢要失十幾次戀先出得出咁有感情  話我地唔應該唱到咁有感情=0=""

  佢都on居的  我真係想車張椅上去  最重要係冠軍比左果幾條友...

  band又唔掂... 重要夾beyond  我地竟然輸比「誰伴我闖蕩」.....   無奈!

  我地「無賴」輸都算啦  馬騮同十三隻「黃金時代」都輸埋....

  佢地真係唱得好好喎!!!!!  你食屎啦陳丙文  無賴萬歲!!!!!!!!!

  之後有個姓關的上去唱「愛如潮水」&「好人」 都唔知佢想點...

  佢把聲我相信佢唱「藍雨」會好好多囉....

  超無癮咁散水...  返去訓...  成9點幾起身食飯  打日記~

  今日感想:

  7A有自己班歌所以都有個豬肉季軍...  無賴們都有!!!!!

  新曲: 未命名...

  滴著熱血!  插碎玻璃! 

  竟與她!     沒顧忌!              

  又係妳!     我無哂心機!            

  死比你睇!  你話無咩所謂!

            這是無賴們的不憤!!!!

                  公道自在人心!!!!