今日返學時經歷左我一生第一次""搵live"".... 無奈囉.... 7:45分出門口，入live見到大便輝~ 落到17就有個唔記得咩名的朋友入來，但之後就唔識動... 停左係F/17..... 另外重有個賓賓帶住個小DD，我地無野做3個係度吹水~ 個看更叫人來整但都係開唔到門... 之後報警叫消防員，到8:20先落到樓下.... 第一次落咁耐= =" 關左35分鐘，遲哂到啦已經.... 我地3個咪逼個看更呀頭寫返張野比我返學交差囉! 返到去8:30，肥佬王企左係門口歡迎我，比左佢睇就搞掂!
第一堂就maths啦我知，諗住上小半堂啦可以，但上到去重係早讀.... 咁無無聊聊咁上左2堂maths，之後又係英文，都係吹水過左... 小息後2堂電腦，睇住肥劉改卷! 改到我份時，開頭係好勁嫁! 8,9分咁攞! 諗住無死啦今次! 點知後面攞勁小分... 本來係29/60的，差一分合格! 但搵到佢改錯，加返一分剛剛好~ 其實重有2分比返我的，"播放"同"演示" 跟本就無分別! 但佢唔肯改返比我=.=
lunch後係phy，好留心咁上左，落堂想問肥劉昨晚溫書唔識果d野，但個死矮陳係求罵我=.= 所以好唔順氣! 訓左一堂中文~ 之後班主任堂，無聊呀，比曾家煒張賀卡買左啦，我係咁意寫左個浩字就算~ 放學入左去同miss何吹水，之後去左server再吹! 4點幾返家zzz
之後又溫書! 7點到去左大球場跑步~ 以為隻腳好返哂... 但跑左半個鐘到慢慢又開始痛=.= 休息左2個星期都唔好... 之後返去沖涼食飯，又再溫書! 而家過來打打日記，轉頭再溫過!
... 今日電話又唔知做咩遲左成10分鐘先叫我，累到差點起不了床... 返學又好鬼精神~ 上咩堂不大記得了.... 我只記得不停咁唱歌
中文默書100分!放學無啦啦又留係學校做listening... 超眼訓.... 隨便吹了幾句便訓著了..... 放學返家幫我老媽燒碟，溫書啦又... 食飯沖涼! 打日記! 而家又去溫書啦.... 唉! 溫書溫書溫書.... 我好累了.....
小息同威廉落去買早餐，上返來見到余家汶，佢隻手指紅左，咁又同佢落返去MI~ 上返來上中文，之後oral! 好搞笑~ 我地講咩miss雞都聽唔明! 哈... lunch返去，自己叮飯盒食! 返去11比人逐個用排球射，只怪佢搓輸了
上2堂英文，悶到訓係度-.- 最後r.e，又係勁爆笑! miss曾播果d拍拖片，d女仔好衰樣= = 比我地笑左成堂! 放學補bio，走左好多人咁，上到4:40到放人，阿欣佢地好似去左睇曾家煒，快d返來吧~ 咁返屋企! 幫我老媽子換床單，我都到做埋哂d咁o既野.... 之後睇喜瑪拉阿星! 完全係一套白痴的港片.... 老豆今晚返左來，咁我去左zzz
