今日派左4科測驗了，全炒.... 雖然係意料中事，但不免有點沮喪.... 我有溫書呀，不過上堂唔聽書姐... 我唔明亦都有問人，但只係英文唔明姐... 唉.... 我唔甘心... 我從不喜歡在別人後面.... 自尊心令我更自卑... 第一次有後悔... 還有5個月.... 不知可以追到多少.... 但我會盡力.......
今日一早早會班獎，唉... 無牌... 但都出去照左張相，校長又死返來，我心諗"我地比賽果時你係邊呀!!" 好想一腳伸開佢! 曾家煒幾日無返，姓欣的打去佢屋企先知入左醫院，唔知咩出血好似係，姓欣的重話要買賀卡比佢喎= = 睇唔出佢地咁大仇口... 不如買多個花牌啦，貼多個炸彈又點睇呀。姓欣的真係呀=.= 今日又諗到句""唉! 有頭髮邊個想食咖喱呀!"" 如果讀書都係咁多野諗到就好了.....
放學，去左音樂室睇家興陣結他，吹下水咁... 4點多小小走人，返去換衫落左T.W交學費。本來詠怡幫我交的，但她忘記了..... 只好自己去，自己的事自己做...... 返來係地鐵站見到我家姐，又見到我老媽= = 咁一齊去左小雨天食面，家姐返工走先，同我老媽小傾左好耐.... 唉.... 我什麼也比不上人....
返去沖涼溫phy，7點到訓左半個鐘，起來食飯再溫.... 溫到10點幾來打日記，而家再返去溫! 努力!
P.S 祝生日快樂 ! 給威廉!
之後返屋企，一返去就食左個公仔面! 之後無無聊聊咁對左個電腦一陣，睇神奇四俠~ 睇到一半孫孫add我要歌，咁係咁幫佢down歌搞左成個鐘。 都成12點幾了，又煮左個公仔面，邊睇戲邊食~ 差唔多2點睇完就去左zzz... 起身食左小小飯盒去左沖涼。 之後同孫孫icq多陣，唔多高興=.= 溫電腦，難就唔係好難，但都有唔識，最可憐的原來係好多野溫T_T 成8點先溫完書... 途中個心走來走去，又發下夢，又望下電腦，又同阿欣sms... 而家家銘比左Excel的東東我... "嘿~我又溫啦~"
... 入去搞掂拿拿聲搭返車出來呀! 出到來先9點多一點點，可想而知幾點出門口
... 上左屋企扔下d野，直接行上荔景，在孫孫樓下等佢下來，今日曬得要命
... 熱死呀!!! 到佢下到來我已經滴哂水了.... 咁我地今日搭香港線過海，補習又遲到... 個miss而家好錫孫孫，完全忽視我了
補完係灣仔行街，又去左電腦特區幫城城買ram。之後又去左哈迪斯飲野吹水，再者就過返灣仔搭車走人喔~ 可能因為飲左汽水，又係度係咁咳，本來好返好多了喔><" 去左小小心意街睇下野咁，雖然好貴但d野好靚~ 出到來見到有個男仔攞住炸花企左係度，唔洗問都知佢想點啦! 孫孫話咁樣好浪漫... 但花我覺得總是不能久留，所以一向不大喜歡送花的... 咁返送左佢返荔景，我又行返落葵芳，今日真係好熱... 返左去洗左個面就zzz
... 起身溫phy，但溫唔入腦... 見到d英文都想死!! 突然覺得自己真係無時間... 過唔到會考呢世我會點呢... 最重要係我唔想輸女人... 我要比到幸福我老婆呀一定!!!!!!! 之後食飯，做maths，因為唔識做所以搞左好耐... 而家打日記，然後想再溫phy~! 努力!! 發奮!!
咁送左佢返去，我試下跑返落葵芳，但隻腳都係好似怪怪的... 咁多日都未好... 返到去我都
拿拿聲返屋企食飯，但返到去唔知點解有小小胃痛
