今日8:30就起身lo，都未坐起就已經打比孫孫，因為昨晚應成左佢要打去叫佢去身呀ma...佢個懶訓豬真係訓得好琳呀!! 我由8:30不停咁炸佢電腦，炸到9:10佢都未接電話...終於要出絕招打去佢屋企搵人叫佢起身，打左去佢阿媽聽電話~佢同我講話孫孫剛剛先起身洗面...之後立即就問我係邊個叫咩名囉... 我硬係醒目唔講佢知啦~!

  本來約左佢9:30係深水保等，但因為叫唔醒佢搞到我都唔敢出門口。同佢阿媽講完電話就衝去換衫出門口啦，但係都遲到... 去到重要比佢串我遲到...無奈呀~! Then去灣仔囉補習，去到都係無咩事發生，只係今堂唔多明囉...Then中途休息~去左7仔食杯面~因為昨日到今早都無咩食野。Then係7仔佢話要果d迪士尼公仔，咁咩都買d湊夠$20換左隻胡迪比佢~之後返上去補F.1喔~我發覺都係F.1程度比較arm我...

  補完搭M.T.R返深水保，本來同佢去食埋野先送佢返去，但佢個妹又打來吹佢返去... 算... 哈哈! 係地鐵度我地玩到踩到個鬼佬...呵呵~ 佢同我講原來今朝佢成家到係度講緊我呢個"男朋友"打來叫佢起身，佢個妹又講左我個名出來啦... Then之後送左佢返去我就返葵芳囉~

  返左去食野又訓覺~訓成竟然去左溫書喎^^ 到6點幾就幫我妹默書~默完對電腦啦~點知阿媽又叫左我去...哈哈! 電飯煲壞左...無飯食...又衝去買個新的回來...食完飯就打日記囉~!

  今日訓到成十點幾先起身，今天我心情有一點怪怪...但是說不出來為什麼...很想說...但又不知道可以說些什麼...。只係個心唔多舒服...好似覺得有事會發生咁...Then食早餐，又係食粥，嘔... 食完唔知做咩好...了無目的咁去左好多朋友屋企落下...遊蕩完一輪之後就返左屋企...返左去都係無野好做...突然間覺得好似浪費左好多好多時間...但雖然咁諗...依然係對住個電腦，做電腦畫圖...一陣間就搞掂...之後就周圍睇人地的日記，睇到家煒時...佢講o既野好奇怪...點解佢真係好似對呢個世界一點希望都無...佢好似只會沉淪係自己灰暗的內心咁...係呢一刻我覺得我好似佢...但我確定只會係呢一刻! 睇完心情好似更無癮...幫詠怡再試個課外活動報名網...因為佢昨日登入有問題，so打比我幫手，咁昨晚幫佢send左個E-mail比管理員，搞掂左lo~ 昨日同佢傾左好耐電腦...真係好耐無試過...自從果次o既事之後...我地一直都好似有磚牆係我地中間咁...到昨晚好清楚知道，我地雖然做唔到情人，但我地仍然係朋友! 失落感悄悄的沖淡左之前對佢真心的愛...但原來時間亦沖走左失落~可能就係我昨晚太開心...so今日個人有小小反常...

  就快4點...突然諗起部手提壞壞地...咁就立即換衫出M.K攞去整! 去到MTR一入左去就諗起今日國慶...個個都放假啦...邊個會幫我整呀...咁好無奈咁係荔景落返車，之後行返屋企...MP3點解會係呢個時候無電...一邊行一邊諗左好多野...想去買掛頸繩...但又諗...你部廢電話...配得上嗎...? 咁打消左念頭就返左屋企...沖涼訓覺...起身已經成7點幾快8點...之後睇左套"藉著雨點說愛你"好感動...睇完心情好d啦...中午飯同晚飯都無食..但都無心情食野...Then睇煙花打日記!

  今日返學都唔洗上堂，又唔洗著校服，都唔知返去做咩  返左去聽埋哂d無聊野...直到一度十三做司儀，佢叫盧永琴合埋眼，我就勁大聲講句"盧永琴!今日就係你死忌啦!" 然一巴車埋去~! 笑到嘔血  之後聽阿長講，原來高妹陳要記佢小過喎  真係小氣呀...

  之後就放學啦...走之前要我地掛d唔知咩絲帶  你別當我笨! 收埋左佢就搞掂啦! 之後出左學校門口等埋雅怡! 又見到孫孫，梁定又同我一齊... 唔洗講都知佢又比梁定玩啦  之後佢要我打梁定，佢自己就閃左去...死仔包呀! 咁大力  咁等完雅怡我地就去左文娛搵威廉啦! 一去到佢就同吳浩霖打緊頭d~個白痴仔比人炒到熟哂啦~!  之後佢死都要同我鬥局，好!! 第一局打秋雪!! 輸左...  唔係死人梁定邦剛剛打到我手軟我會輸比你個傻仔...! 好第2局啦! 赤下喎~! 我主場你唔死!!! 但個廢人竟然咬低唔肯打!! 重要搵左吹雪幫拖炒我  我星期一唔打死你我跟你姓呀!!

  之後全部人去哂奧海再打過，一去到就搞掂左正丸  之後同海程玩啦~佢玩得好廢...但秋明真係好勁~! 兩個月係咁玩秋明真係有料到喎~  之後同家興玩啦，佢部8仔...原來真係好好用，雖然第一次玩6波車，但都win左  之後浩霖又來左，咁又到佢啦~同佢打即係扔錢落海咁...勁到跟本跟唔到佢...最勁o既赤下同正丸都只係可以炒小d...但都成一百  咁先用得果十幾蚊~唔打囉~! 走去睇梁定佢地打高達打槍game~之後阿milk同安宜果d都來左~見條女比海程好無風度咁炒...我幫你報仇  點知一坐低個吳浩霖又來...同你死過~! 勁野~終於win返你一次~! ...但我拉親右手...我阿媽重係呢個時間打來叫我返去幫佢攞野... 係咁衝返去呀  去到超市...嘩!! 你唔係呀話...佢一次過買左12盒大果d奶...

  咁返左屋企~食左d野又落T.W同李日非去英皇報補習...佢讀書好有鬼用咩...個人跟本無主見...咩都見我幫佢...咁咪幫佢打比詠怡睇下佢報邊班一齊補囉...連講電話都要我講  好啦咁又話要報maths...聽到我同家銘和孫孫一齊補...又死都要報我地果班~! 搞到咁多人點上堂呀...好...我轉班囉  咁之後就係T.W行返屋企...一個人邊行邊聽mp3真係好好feel嫁~出到去葵芳去左買"禮物"比孫孫個妹同買報紙囉~咁返左屋企無無謂咁咪打日記囉~陣間又要去食飯~今日我阿婆生日呀ma~咁趕住走囉~bye

  今日一返學就比Miss Tan捉住我...話我成日都無去練水喎...咁講左幾句就閃人啦  頭3堂都無咩特別事發生~過左小息就P.E啦~正呀~! 馬sir要我地跑山，我同梁定佢地係咁抄捷徑~! 行路都快過佢地呀~! 之後去左我落下球場打波~都係同佢地鬥波啦，中途我同猩猩搶板，整親佢喎...  我膝頭撞左佢大腿，成個訓左係度，好似就死咁o既樣= ="... 馬sir又來叫我去練水...得啦~! 好煩呀你地...

  之 後就lunch，阿媽無返來煮比我食，自己搵  食完幫洛文印左個project就走人啦~係樓下撞到餅乾，一路吹水一路行~好快就返到去囉~! Phy堂好留心呀，真難得  之後英文喔~個楊sir屈安宜整壞左門鎖，佢個衰樣真係好抵死  

  放學lo~走左去同孫孫吹水，佢又打我呀...但梁定邦一來就玩到佢閃左去= =" 我自己黃社會員大會都無去，但成班人陪梁定去左紅社個大會~成班都係度混吉  我寫左叫陳永仁~黎敏行叫劉建明~高勁叫黃秋生~可惜小左個曾志偉...問你死未~

  今日都係咁啦~起身返學一律不變~今日終於唔落雨出太陽啦  返左學啦~今日都唔多舒服...本來無事啦...但昨晚12點幾我又食左個面去訓...so...  返左去就做中文啦~第左第一堂中文~我真係好西利...一大埋功課我一晚就做哂...勁野..  中文堂竟然無啦啦要我地逐個照學生相...咁又無左半堂  就係咁，我今日就開始zzZZ...之後chem呀~!又要默書喎...都係唔多識  默完佢又教書~我又zzZZ...之後比miss Au話我飲水so要我企喎...咩時代呀而家...明知無用嫁啦...一於小理，企係度都要zzZZ...之後小息又再訓~到左英文堂啦~又唔洗上喎  明明見到楊sir返左嫁啦~咁都唔上堂  then...又訓多兩堂...好野lunch囉~!

  食完又返學啦~2堂電腦~個死肥劉都唔知係唔係玩野!! 上次話我用磁碟交唔收...好!! 我send比你!! 頂你...  你del左我個file  次次都唔同我傾project!! 你好野呀死肥佬!! 咁快就放學lo~

  之後同梁定佢地去葵涌遊左一陣~之後返屋企睇小說~訓覺~改日記就到而家lo~