今日個人好累好累... 昨晚好早訓! 今日累到差點起不了身... 返去頭兩堂就係maths，訓都我死左咁... 英文半清醒狀態過左... 小息狂打威廉! 唔知點解心情好似唔多好... 電腦都訓埋... lunch無人煮野比我食! 咁就無食野... 訓左係沙發訓左... 起身遲左! 衝返學校... 腳看起來好多了! 沒之前那麼痛苦! 但反應總是好像很慢... 出唔到力...

  返去係門口見到孫孫，但無理佢... 只是潛意識下叫我扮作不見... 上左堂phy! 都ok啦... 最後2堂中文... 訓.... 放學睇排班比賽! 阿長阿蛋佢地真係好波! 但仍然有進步的空間! 我同家銘串到5C無哂面~ 正! 返去又zzz... 訓醒食飯沖涼! 落地鐵站攞左個電腦返來整.. 又有..... 而家打日記.........

  今日感想: 可能係昨日認為自己雖再休息的關係，所以今日潛意識下叫我不停休息! 兩個月的疲勞一次過湧出來... 人累了... 又病了... 最近身體真係好差..... 腳又唔生性! 平日只喜歡行路和跑步的我現在就如廢人一樣.... 兄弟們不知是否有看我昨晚的日記? 希望大家也有一個新的人生觀! 給高勁你一句 "知錯能改!" 下一句你知嫁啦! 感情方面都係咁... 不是我的就不是我的! 我介意........ 唉......................

                                                              ~完~

  昨晚打完日記，諗諗下自己有幾日無溫書了... 咁就溫到2點幾! 今日9點起身，我老媽又話我好成日去玩... 10點到青衣碼頭! 搵家銘同阿伯釣魚，今日天氣太好了... 大魚都濳哂底，所以無收獲。之後係長發石灘訓左係度吹海風! 真係好舒服! 我自行山開始就愈來愈喜愛大自然! 有時真係好想遠離行有人自己在荒島過活...

  12點幾同家銘落M.K搵阿欣佢地唱K，在MTR時我都媽子又打來話我老豆問我去左邊玩! 又係一大輪廢話! 我溫書佢地無眼睇的! 我放鬆一陣就話我成日掛住玩... 去到吹k好無聊，projecter同喇叭質素都好唔得! 食生日蛋糕佢地發哂顛咁玩，之後咪比人話囉... 喉嚨今日又痛又痕，搞到又咳... 這兩個月真係太小休息了，傷左腳後我都feel到唔多妥嫁啦，前兩日運動會在爆一爆咪又來料囉... 我都唔知點解其他人可以成日休息，生活可以那麼輕鬆，任何事也好像跟自己無關! 會考臨近，溫書已成了一個必須的習慣! 但點努力都好像比不上其他人! 我資質比人低!? 我一向不認同! 但我知道真係要休息一下了... 我真的累了.....

  唱完K落信和打左幾局頭D，之後有人挑機! 無任歡迎~ 最近實力大進! 但波棒有問題，係咁自己上波... 咁佢地話轉場再玩過! 但孫孫話好累要走，我也唔心機玩... 罷了... 送左佢返去，我返屋企... 好累，生心都好累... 有時都在想累時可以有個女朋友來呵護一下自己，但一切都只是空想... 我介意她的心有別人! 所以... 總知一向我愛上的人都不會看上我... 一些我不感興趣的人就總是莫名其妙的愛上我... 算吧... 我就是求遠沒有這福氣!!

  回到家樓下有個死靚仔係度玩野! 比係以前的我我唔打你獲甘! 無家教的臭小子! 返去就去訓... 但唔知點解訓唔著，不停咁諗野... 諗左好多好多野! 諗左愛情... 我無.... 友情... 好像大家也變了... 最近真的很多不開心的事發生.. 也許是人大了，總是有一種無形的壓力推逼著自己去努力! 看法和眼界也變了，對事情的了解和對人的態度終於有一個新破破! 不知道是我變了... 還是兄弟們變了... 相信大家也變了... 我們也再不是已經那豪放不機的自己... 也許他們也是有了女友而扮出來的... 但我真的變了... 我只想像以前一樣... 但我不再是了... 變了.... 日記打到這裡... 我莫名其妙的好想哭... 我發生什麼事? 不知道... 我只知道真的要奮鬥了!!

給欣:

      祝生日快樂

                    郎字

  今日同樣係6:30起身! 刷牙洗面換衫上去接孫孫~ 等左好耐都唔見佢下來，打比佢先知原來被困在升降機裡... 大約7:35到先落到來，咁落去找阿欣佢地! 家煒都係度，佢睇上來好多了~ 咁落青衣! 撞到梁定。 去到運動場無野好做... 玩uno~ 但比吳學魚收左! 重比佢公報私仇= =" 好無聊... 成日都無得比賽... 因為已經無能力再跑了>.<" 第一年陸運會會坐係度睇人玩... 睇左好多人跑，好羨慕呀... 得個睇字.... 之後肥張叫我幫佢跑接力~ 但都係....=.=" 算! 比左威廉跑，佢又話自己點勁點勁= = 我跛也比他快...

  梁定好唔開心... 因為佢條女同佢玩一日分手遊戲! 好無聊吧... 做兄弟的我陪了他成日啦~~~ 下午孫孫跑接力，雖然輸左... 但已經好叻了! 因為排位同訓練都有問題! 放學同梁定走，自己搭mtr返屋企... 返左去食左半個飯盒又再出來! 約左梁定出奧海打機，陪多佢一陣啦... 見佢那沮喪的樣子=.= 勁左好多! 之後我地落T.W，傾左好多野! 最近兄弟們之間真係有好多事發生... 唉....

  等等下補習，孫孫都到了，梁定玩盲了她的左眼=.=... 補習時好辛苦! 個人好累... 這兩日48小時內大約只訓左8個小時... 成身都好痛! 我都知自己最近好燥火啦... 兩日食左成7粒特效必利痛... 補完送孫孫返去，中途又傾左好多野~講哂出來舒服好多~ 送左佢返屋企後成10:22了... 跛回家去.. 食飯沖涼打日記! 溫書...

  今日6點30就起身! 超累呀.. 因為昨晚睇天劫睇到好夜! 不過好好睇... 咁我6:50分已經出門口去接孫孫! (出門前食左粒特效打左底先) 上到荔景山道見到蔡頭架車飛下來入左學校，唔理佢! 去到孫孫樓下7點多一點~ 好大風好凍... 7點半佢先下來。then先知原來佢約埋名欣佢地係mtr，咁一齊落青衣啦~ 去到阿欣佢地去左食早餐，咁我送孫孫去運動場，但行左一會又撞到另一群人一齊行=.=

  去到無野好做... 成個上午四處行無比賽。好無聊... 下午終於忍唔住換衫落去跑圈，又食多粒止痛藥。但跑左200已經痛到企左係度... 跑左幾次都最多係200... 咁之後跳遠! 第一跳留力跳，連白線也過不了= = 第2.3跳都係咁衝! 好了... 又拉傷了腳，痛得可憐.. 跟手又要去鏢槍，好勁呀! 6/47!

  then上去搵孫孫吹左陣水，個梁家儀又來... 我走= = 去左換衫，返上去搵返孫孫佢地一齊走人! 出返荔景，送左孫孫返家再送阿欣。腳已經痛得可憐>.<" 但到要死頂落返葵芳呀... 返到去又係無人係度... 又煮面食，食先就zzz! 7點半起身，沖涼食飯，"絕"跌打酒! 我都係鐘意中醫的療法! 之後同孫孫send左陣sms，溫maths，打日記!

  昨晚同阿芳傾電話~ 傾完聽左陣收音機~ 成3點先訓。 今日一早8:30起身，刷牙之後8:32，打去叫孫孫起身!
完全意想不到的打一次就接通了! 重諗住比佢訓多陣先叫佢起身.... then落深水保啦! 因為知佢起左身，所以
又快左! 9:15就到了，等等等... 孫孫來了後就落灣仔! 補左一堂又閃人... 因為佢要返去zzz... 咁送左佢返
去我自己行街... 行左無耐隻死人腳又痛! 無帶止痛藥... then自己行西九龍行街，好無聊... 搵禮物比阿欣!
點知有意外發現! 立即落左訂先! 行左好耐呀... 開頭係諗住買野比阿欣，之後目標卻不知不覺的變了=_="
 
  成2點幾先走，因為隻腳好痛... 所以無行黃金(這是去深水保的原本目的...) 返去買左個飯盒，屋企無哂人
，自己食... 諗落自己真失敗，本來想做的事... 完全無做到... 唉... 之後zzz到5點! 起身洗魚缸，阿芳打來
問我結果如何... 無話可說... then都吹左陣水，講講下斷左線! 沖涼，打左局ps2，打邊爐~ 醫生講過唔可以食
牛肉果d野的~ 但食左超多牛肉~ 打日記囉~