今日一早就同孫孫去補習，佢昨晚同我講話補11:20，then我今日就好早出門口啦...去到T.W等左佢15分鐘到，咁就去啦。係門口見到謝達傑，但無理佢，因為開頭都睇佢唔到，入左去等左好耐都未開始補...我問孫孫有無記錯時間，佢又先同我講係11:35...佢話怕遲到喎= =" 今日補d野聽佢等4次啦...超無聊，成堂都無聽到，係度計maths。

  之後補完去左行街~^^ 想買埋禮物比家銘，但都係睇唔入見，so都係未買。之後同孫孫去左睇袋，睇左好耐都無咩好睇，最後佢都無買到，送左佢返屋企我就去左買M記返去食。本來想去練水呀...但我祖母無啦啦又來左我家，so無得去，比左一舊水利是我，then去左溫書! 6點幾就去左家姐鋪頭食雪糕，之後成家去左百佳買下野，送左祖母上車走人，去買蝦仔餵龜~返左去send左陣sms就食牛腩面，之後洗魚缸，沖涼打日記~!

  今日返學都好開心呀~返到去第一堂就上phy，威廉又走出來坐，坐左係我隔離...臭到死= =" 重要係咁搵野串我! 真係未打過... 之後2堂bio，好悶呀...重要比個菜頭串我，話我測驗得幾分喎...我明明有50/20.5嫁ma!! 小息梁定又走來同我一齊虐待威廉呀~!佢竟然想還施跍= =成隻牛咁得個頂字，重要講埋哂d謬論，笑到我地個口大哂~口~"中文...都好似唔洗上咁，之後都忘了咩堂囉，只記得係lunch^^ 返到落下先記得無攞key...等左好耐阿媽先返到><" 食完又返去...上2堂英文~第有半堂都去左打針喔，係咁扮慘叫，搞到apple好似唔敢打^^ 之後返去上英文啦~派diary，個楊sir又係本野度暗串我!! 我話無野寫...佢寫返叫我講下點解上堂食野同玩手機喎...! 你寫得重多過我，咁不如你做來交比我啦! 最尾本來r.e，但變左上bio呀又...上到4點到就放人囉~之後去左A班吹水，佢地係度畫緊雲做壁報，孫孫畫到舊雲好似舊包咁o既樣=口="" 重要用地粉筆搞到我成面都藍哂...但之後送左隻杯比我，多謝哂!

  之後返去訓覺啦，訓到未夠7點就起左身，去左跑步，想跑去貨櫃碼頭，點知迷左路...跑左好耐都唔知去左邊...= =" 哈哈~!之後搵到路去左大球場跑~! 8點幾就走人啦~! 沖涼食飯，打日記囉@@

  今日真係無咩好寫呀...返學無所事事，唉....放學默chem呀...我昨晚溫左都唔識...佢出都唔係一樣o既= = 想出貓又睇唔明，吹漲...之後成5:30先放我地走...返去又係溫下書咁啦...下星期1生日去唱k呀~好期待~!

  昨日真係好忙又好累，返學係點我都唔記得囉，只知道一放學就衝返屋企換衫攞野去練水，返左去幾分鐘就又走左，跟住係咁衝去美孚喔!! 去到換左衫就出泳池啦，出到去見到個大陸佬呀sir，一見到得就叫我落水...同佢講話熱身先都話唔比=.=" 一開始就游300...300完又300...300之後再300...我未熱身呀重=0=" 之後係咁衝50，真係太耐無練水囉╮(￣▽￣")╭ 氣就好似好左，因為暑假成日行山呀ma! 但真係慢左好多好多...搞到我唔想比賽...無計。跟本就唔夠時間再操返起個人啦，10月廿幾就比賽...唉..... 又無帶泳鏡喎，嘩=口=""對眼真係好似拍戲咁紅呀!! d紅根多到睇唔到一條條嫁，只有一片紅色=0=" 練完水就勁快沖涼啦，但快到用錯左護髮素當洗頭水洗頭╮(￣▽￣")╭...之後衝去T.W補英文，對眼好乾好痛呀...上得好辛苦呀!! 我重以為孫孫唔來補，點知佢都來左喎。終於落堂，本想去買生日禮物比家銘嫁，但都係唔夠時間...then同孫孫去哈迪斯食意粉，佢問我點解次次都係同佢食哈迪斯，答案好簡單，第一:佢鐘意食  第二:比佢諗去食d咩我睇唔洗食囉...呵呵╮(￣▽￣")╭ 食完又再去補maths...補完9:30到啦，再送埋孫孫返屋企都10點幾囉...累到我唔想行返去，但都係行行行啦...一返去就訓左lo -0-"

  今日學校呢都無咩好講啦...又係咁無所事事囉...追打威廉打左成條走廊咁囉~0~" 上phy坐正係劉sir隔離，超留心呀~重幫佢畫圖^^ 放左學等左梁定佢地好耐呀，成班友無交功課比人捉哂=v=" 之後返屋企zzzZZZ...起身6:00沖涼喔~沖完食飯就溫書啦~係咁打電話...用左好多分鐘喔=.=" 之後打日記囉~0~" 

  今日好早就起左身，唔知點解成晚都訓得唔多好。食早餐，返學... 第一堂就R.E囉=.=" 第一個要做口頭報告就係本少爺...我讀到好似朗誦咁，原來...朗誦都唔係咁難姐^^ 之後電腦，今日好無心情上喎...開學到呢家都未試過~! 係度睇日記，睇到肥彭時佢有music...害我比人暗串咁=0="

  小息啦就住，浩霖走來同我講電腦有問題，問我點整啦，講講下...哇! 佢個衫袖有d黑色點點... 我又睇下自己，嘩0.0... 成件都變左一點點，好似班點狗咁款=口="" o哂咀囉...之後先住原來係隻"聰明狗"做o既好事...佢攞住支漏墨o既秀麗筆係度fig...好多人都中左招...我無野好講，好似戰死沙埸咁feel囉...= =" 之後陰sir衝入來，阿狗就衝出去...條xx一入來就媽差我地好咁嘈!! 我x你xx咩...關我地鬼事呀! 無啦啦又剷又企...同佢講想去洗洗佢又唔理我= = 真係想出去星佢兩巴呀!!

  之後主角返來，阿陰sir又係度扮哂野係咁嘈~0~" 採你都有味，食香蕉啦你!! 之後上埋maths就lunch^^ 返去時見到王卓熙，唉...比學校趕走左...今年個學界游泳比賽都唔知點死呀!! 我自己要游四式按力...自由4x100又小左個...我過去幫手四式又無人游背...唔知點算好><"

  上Eng同家銘吹水，上Chem又同家銘吹水...咁就放學囉^^" 放左學梁定果d走哂人...無義氣!! 係學校遊左陣就同家銘佢地閃人lo~0~ 返左去溫書呀我又...好奇怪= =" 6點訓左...6:12就比阿狗打來吵醒我...問我洗唔洗到喎= ="訓唔返啦我又...起身沖涼再溫書~食飯~改日記再打日記囉~!