Today is Sunday,不算忙，所以今日寫多點日記。
昨天，我個同學打電話來，話佢屋企失火--熱水爐爆炸，仲話佢正企係屋企樓下，見到消防車、警車......我真的相信佢的話，仲叫佢快點去幫屋企人或安慰屋企人，冇同我聊天了。點知講到最後要收線時，佢先話係騙我的！
 氣死我啦..............我明知佢鐘意講笑，但點解每次都仍然相信佢的話？上次佢又打電話來話切菜時唔小心將手趾切左落來！嚇死我，最後佢先話只係傷左少少！
不過，我當然唔會真的嬲，只會氣自己太笨....
 哈............！ 曾經有同學問我點樣先會真正嬲？如果講到真正嬲、真正傷心，我最怕最怕的，就係被人欺騙感情。雖然我冇拍過拖，但都見家姐拍過幾次，最終都係.......
見到家姐唔開心，我都會好怕如果以後我拍拖，會唔會好似家姐咁........所以我真係好怕遇到一個情場騙子、一個不專一的人！因為現今社會，太多男男女女對拍拖，好似吃快餐咁，成日轉不同的餐廳、試不同的味道！我唔係佢地，所以我玩唔起這些遊戲！
所以我都有一樣野係唔會信人的，就係如果有人話鐘意我，我只會當佢講笑......！why？也許這是一種自我保護，也許這是一種逃避的方法,也許......也許我自己看見身邊的人，失戀時的痛苦，這一切的一切加起來，足以令我膽怯，令我擔心、害怕........ 反正一切隨緣了，我唔會因見到其它人拍拖而急住隨便搵一個BF。相信緣份到時，怎么躲、怎么避都分不開！也許吧..！
昨天我同學話佢爺爺病得好嚴重，可能就快.........剎那間，我都眼溼溼，因為想起我公公，佢去逝有兩年多了，但我仍然經常都會想起公公，好挂住佢，有時都會一個人悄悄的眼淚汪汪！唉，如果時光可以倒流，我一定會用更多的時間去陪伴著公公，用更多的時間照顧佢......！
 公公係因為吸煙而導致食道癌，最終因不能進食而去逝。
So,我好憎香煙，它奪走了許多人的生命，每當見到我身邊的親人、朋友、同學吸煙時，我的心里都會好擔心佢地的健康、擔心佢地有一日會好似我公公咁......唉！真希望佢地會戒煙,但這並不是件容易的事，這需要堅定不移的決心和信心，還需要身邊親人、朋友的鼓勵、支持！
公公，對唔住,我........我真的好挂住你，如果可以，好希望能在夢裡再見見你，好希望能在嘗到你做的菜，好希望能在嘗到你買的燒餅，唔知點解你買的燒餅特別香脆、美味。自己買的燒餅吃起來是那麼..........
 |
。