今日好開心，下午同的同學去左旺角唱K。原本我唔係好想去，因為之前沒同屋企人講過，佢地講得又咁突然，我...我冇咩心理準備哦。哈..........！但見佢地咁想去，仲叫埋我，我唔想掃興，所以都去了。佢地原本話去沙田唱K，但我地搵唔到，所以改去旺角。我唔記得我地由幾時開始唱，只知5:30pm走的。雖然Drawing's homework仲沒做，但我都係好開心同的同學去唱K，可以增進大家之間的友誼！           友誼萬歲！！！！！！

       昨天真是可怕的一天，頭又暈又痛，心情也不好。今朝考左listening，唉！ 讀的又快，又唔够時間寫，總之係考得唔好，依家只希望合格！

       今日放學後我地係canteen練英文口試，8:00pm先至走。下星期二又要考口試，真係煩！ 考完後希望好好輕鬆下。 今日的天氣開始轉涼，但我都唔覺得凍，所以著短袖，好多同學問我凍唔凍？我真係覺得唔算好凍，OK啦！

       聽日又玩洗相，一陣又要找物件準備聽日用！    

              好累、好煩、好怕、好擔心、好..............唉！我的情緒真係好差！我想22號之後會好點！

這幾天好熱，唔知係心燥，還是其它因素！煩、煩、煩、煩、煩............................！

         今日成日係屋企做功課啦、查字典啦、背單詞啦，唉......！好悶啊！如果唔係下星期要考英文，我都出去同我的friend打邊爐了。星期一英文又要默書，每次有默書、考試，我整個人就會覺得有壓力，心情自然也好不起來。   我情愿多功課，都不愿默書、考試！

          救命啊.........！我快癲了！     有時真係好討厭自己，人越大煩惱就越多，所以有時會希望時光倒流，回到以前那個無憂無鬱的童年，如果未來有人發明時光穿梭機就好了。不但可以回到以前，還可以探索未來！

          有人話見到我覺得我好cool，其實我一點都唔係。我只是少講野，比較內向，如果別人唔主動同我講野，咁我都會唔好意思同人地講。可能係我太怕醜、太被動了。就連在ICQ或MSN上見到我同學上線，我都唔係好敢主動搵佢地講野，除了問關於學習的野。當然，如果係女同學或同我好friend的人，我先至會主動搵佢地。

          唉.......！我幾時先會完完全全改善自己啊！ 邊個可以幫幫我？ 看來都只有靠自己啦！

       今日都係好累啊！成日都冇精神，下午更加眼份 。可能過左英文考試就會好的。唉！................

原本我同米晨打算今日放左學後去326聽英文pass paper listening，但放左學我地去幫miss數功作紙,5:40pm先分完worksheet。而326在5:30pm就要關門，唉，仲聽咩啊！jams之前係聽到我地要去溫英文先至同我地一齊去幫miss，但點知...........！我真係幾唔好意思，浪費左佢的時間！星期一英文又要默書，唉，好累啊 ！覺得好似日日都咁累。

       今日返屋企係荔景轉地鐵時遇到以前的同學，佢話都要搭去我屋企個邊搵佢表哥吃飯，我地一齊出左地鐵站，見到佢細表哥己經企係度等緊佢，我即刻同佢講聲byebye就走左，點知我啱啱上左巴士，佢就打電話俾我，問我去唔去同佢地一齊吃飯，因為屋企人等緊我返去吃飯，所以唔去得，除非我之前就同屋企人講左先得。