上一章講到佢地唱k個時因為一首'三角誌'而好尷尬
龍仔由f.1識呀晴到宜家 足足五年啦
龍仔真係當左呀晴係佢呀妹咁
無論係開心定唔開心既事
佢都會同呀晴講
相對 呀晴有咩事 第一時間都係會搵龍仔先
可能呀晴都已經當左龍仔係佢哥哥咁
到左呀晴要走既個日 龍仔顯得有d唔開心
另一方面 呀豪同仲文就當然都唔開心啦
佢地兩個告白左 但係冇一個好好既答案
今日呀晴一早番到學校
周圍去同身邊既朋友留下倩影
想留低一d回憶 用黎做記念
當到呀晴同龍仔影個時 呀晴雙眼已經紅紅地
龍仔就安慰佢 同佢講:
唔好咁唔開心啦 又唔係成世見唔到
你去英國姐 我一得閒就去搵你啦傻妹
呀晴聽到龍仔叫一聲傻妹
d眼淚就係咁流落黎
突然攪住龍仔佢 係佢膊頭到喊
呀豪同仲文見呀晴咁 都一齊過去講d安慰說話
影完相之後 龍仔唔覺意見到呀豪 仲文兩個人入廁所
起初以為佢地兩個又大打出手
點知原來佢地只係話之前佢地為左呀晴而反面好傻
不如我地做番好兄弟 係呀晴走之前俾佢一個美好既回億啦
龍仔聽到 笑一笑 心諗:
重以為佢地唔會再做好兄弟 好彩好彩
係機場到 黎送呀晴機都唔少人
有龍仔 呀豪 仲文 神棍 呀健同埋蚊蚊
呀晴準備上機個時 大家都流露住唔捨得既眼神
最後呀晴同佢地逐個擁抱 就上機
個個就係咁各散東西.....
三年之後 龍仔係執屋個時搵到本電話簿
望住本野就想搵番以前既朋友出黎
於是龍仔逐個打俾佢地約出黎唱k
唔知佢地係先知呀 定係咁岩得咁橋
個個都話會出黎 特別係呀豪同仲文
佢地從畢業就一齊做野 同係學校冇分別
出到黎 個個都同三年前冇咩分別
呀健都係重同蚊蚊一齊 骨精強就去左做消防員
呀達同呀婷 細細粒一齊去做salon
而呀豪同仲文就一齊做室內設計
而神棍佢真係去左做算命 不過係廟街到做
個個都型左 靚女左 但係唯獨呀晴唔係到
由呀晴去左英國 個個都忙到唔得閒
龍仔心諗如果呀晴都係到就好啦
當佢地入k房之前 有一個靚女叫龍仔
龍仔好自然咁應左個靚女
一望 龍仔覺得好熟口面 但係諗極都諗唔起
個女仔一出聲 龍仔就認得出佢係呀晴
龍仔開心到第一時間抱住呀晴
問佢做咩番左黎都唔搵佢
上到去k房 同三年前既情況一模一樣
龍仔同骨精強都係帶頭唱
到呀豪唱個時 全場都係咁專心咁聽
當唱唱下 個畫面轉到下首歌
今次又係'三角誌' 但係今次呀晴 呀豪 仲文不但冇尷尬
反而重笑左出黎 之後佢地三個一齊唱黎首"三角誌"
佢地三個既兒時趣事就係咁隨住一首'三角誌'而笑左去
最終章 完
一連十二章既"Traingle's Love"終於完左啦 好多謝個多位好朋友支持
本人真係無言感激 如果有靈感 將會再打多d愛情故事 阿童木
| 
