尋晚2點零到就上床瞓覺,但係個人就瞓唔著,成晚都碌嚟碌去,又係咁諗嘢,同埋諗人....結果就攪下攪下就攪到成4點中先瞓....瞓唔夠2個中,又比鬧中嘈q醒左....

今日好衰唔衰撞正係工作日,又要7點零去到灣仔....我出門口時個人都好似飄下飄下咁喇,上到車就好d,諗住再食多個早餐應該會無事啦,係就係無事a,但只係短暫既事...11點到未有我就頂唔順,係無麥人既時候小睡片刻...=="

終於係我既不屈鬥志之下我頂到1點零放工,個司機哥哥好好人,佢車埋我落尖咀,點知塞車塞到仆街,前前後後塞左成個中.....去到尖咀都成2點幾lu....

本身去尖咀係去a遠間鋪幫襯下,唔知係唔係整定呢,佢居然唔喺度,電話打唔通,加上我又好倦,我無等落去,走先,事後先知原來佢入左去食飯,可能依d就係有緣無紛啦~^^"

返到home,成個人鬆哂,d精神番哂嚟,例牌就撚番一陣機先,唔撚由至可,一撚就出哂火,我就咁比倦做低左.....

瞓到晚黑,食左d嘢,打埋日記,又瞓過......