尋日打算打日記,點知太倦,10點幾時撻落張床度,一覺就瞓到第二朝11點喇....=="

瞓醒就緊係要醫下個肚仔先啦,我用左尋晚d雞wing嚟整我撚手好戲--出前一丁^^加埋果汁先生做餐飲,正!!!

食完嘢就去左整埋model,整到2點中到,a媽話落去飲茶,點知果度好多人,姒往好少有咁多人,真係比佢算左一楝...跟住只好改去第2度食嘢啦~

食完個晏,就返上家,再整過我架靚靚model~5點零,終於整完~一個字~型!再加個字~正!架嘢平平地得嚟又幾好^^遲d買埋果個系列既其他型號先^^

整哂要整既嘢就睇左一陣軍曹,唔知點解,係睇極都唔厭,次次睇番都會覺得勁攪笑^^每隻嘢都各有特色,各有各既唔同攪笑^^

如果我可以好似軍曹咁咩都唔使煩,唔使諗,淨係一味砌我既模型,打我既機,中意瞓時瞓,中意去邊就去,身邊有錫我,關心我既人,不知幾好.....