今日10點到就比屋企人嘈醒左,唔講都唔記得左今日係家庭日wo~

起左身就緊係要刷牙洗面加沖涼啦^^

去到旺角12點零,去左華人食晏,我例牌咁點番我既至愛--雞扒^^正a

食完嘢去左行花園街,打算買番d平平地既裇著,點知係無我想無果d><(夏威夷咁難搵ga)

最尾就喺果度買左d短褲

跟住去左睇模型,頂佢吖~d嘢貴到死a,唔好走去搶=="

再嚟行下行下,去左"病靚奴"買左2件polo唔知著左係唔係真會好似劉德華呢^^

行到4點中到,對腳開始有d唔聽駛,頂唔順,搭車番歸

番到屋企已經係6點幾既事....

今日都好倦,不過係行到倦^^

發覺到自己好似做左唔應該做既嘢.....

今日都係留喺屋企....

12點零叫左個外賣....味道麻麻地....

a妹同a媽成4點幾先返

一返嚟就攪le攪路,好似起壇作法咁....

原來佢地整曲奇

一整就整左成2個中有突,我無佢地咁好氣,其間又走左去瞓覺...

一瞓醒就見到枱面有d完成品,緊係要試下先啦~

一試,真係估佢唔到,d味道又唔錯wo^^

食完嘢又返去電腦度,玩唔夠一陣又瞓......

瞓醒已經係8點既事,又係一瞓醒又有嘢食^^(好似豬tim)

跟住晚黑睇未來戰士,好好睇a^^

次次去到最尾都睇到想喊a....好感人,好慘,同埋好無奈a

睇嚟我都係個幾感性既男仔wo

今日又瞓到1點先起身,依然瞓得好差.....

跟住就玩icq同埋食嘢

同左欣欣傾左成日電話~^^

傾下又一個中,傾下又一個中^^

希望佢聽日可以大有收獲,開開心心返屋企^^

今日攞左新眼鏡,唔知係唔係好多日無戴既關係,覺得好重,同埋好倦....><

好想瞓覺^^"