今日5點半就要起身,但係個人就唔係好倦~^^跟住就嗱嗱聲撥番個輪比a9佬,叫佢起身~點知整下整下,原來已經用左2個字喇!!當時緊係即刻去整靚個頭先啦~再嚟就係換番d似樣33,雞咁腳出發喇~
首先喺天瑞join左9佬先,再嚟就係到元朗站join埋a良~攪下攪下,終於喺法定時間7點中去得切喇~初頭諗住去到果度先買番個正正m記早晨全餐食既~點知a亮已經幫我地買好左正正m記喇~果然係a亮,真係有料到^^
不過去到酒店時,由於已經有貨到,所以我地未食得住...好彩我地幾個猛男有料到,唔駛一陣就攪店哂,仲可以淨番d時間歎下飽,吹下水~^^坐下食下,又到9點半,終於要正識嚟料喇(睇到依度,唔好誤會,我地唔係蛇王a)
果度係舉辦左一個新書發佈會,有好多miss,a sir嚟捧場~我地就幫手招呼.其間我地都不忙"吹下水,昅下女"^^heehee~期間嘻嘻哈哈,唔經唔覺就做到食晏時間,果度不愧為酒店,d嘢食都好味d^^我就最中意果度既"牛油焗豬仔"(個名好似係咁,唔記得左^^")另外,又幫自己泡製左一杯又一杯既熱檸茶~原來沖茶我都有一手wo~好正~^^
2點幾,到下半場,都係咁做,又係嘻嘻哈哈~今次仲比之前少嘢做~^^大約3點零中到,我地要去返今朝果度執番d手尾,d人話主角最後先出埸全無錯既,全日就係依度最辛苦,最攞命....明明朝早同晏就都係要做同樣既嘢,點解果時會特別辛苦ga~
4點幾,終於到左最重要時刻~收$$~^^收到水,同a亮講聲byebye,再執好d嘢就走人~我地同a良去搭埋車之後,就到尖咀行一陣,期間都見到d33唔錯,可惜無碼.....鬼叫自己橫咩.....唉.....行多左一陣,就落左沙田行喇~
沙田,一個新市鎮,想當年都成日去,不過依家對上果次去都成一年前既事喇~果度又多左d嘢行.開頭都好精神,開心咁行,點知期間發生左d唔愉快既事,攪到心情down哂,d倦仲隨即出嚟.....我真係3頂唔順,仲有好幾次喺9佬睇3時瞓著左tim...=="最尾我地兩個都投哂降,死死氣咁返去元朗....
返到元朗,例牌咁打番幾鋪機,行去食飯時,見到a大抽哥~好耐都無見大家喇~佢一次型過一次~今次仲有埋自己既戰車~名符其實"靚車配美人"a~最後食埋嘢,都係頂唔順,返家lu~ |
