今日我約左班 fd  去行山，今次係我行山以來行得最多最耐的一次，因為我從慈雲山行到沙田大老山出口（即是從沙田入隧道），再從沙田行番慈雲山，足足行了約8小時。我地在9:00出發，我地一邊行一邊講，剛發始都冇咩特別事，但愈行愈遠就有點恐怖的感覺，當我地行到一個竹林時就真是有點不寒而慄的感覺，我見D女仔驚就幫哩個竹林作個名，叫：萬妖竹林，話係改編在西遊記，點知女仔真係驚。終於出左竹林，我地繼續行仲有漫長的路。行下行下，我見到條蛇，我大叫：嘩！好大條蛇係你地左邊。D女仔就即刻彈開，笑死我，咁細膽。我地見到好多屋而D屋養左好多狗，家家戶戶都有幾隻狗守門口，D狗一見到我們便吠，D人話好cute，我就唔覺，又惡，隻隻都係狼狗，cute？？。要行好多山路，又上又落。終於到左沙田啦，我地馬上去食飯。食完我地就想行山返慈雲山定係撘車，最後到係要行返慈雲山。返去慈雲山就辛苦好多，因為要行好多好多斜坡，真係好累，我想我要平反：「上山容易，落山難。」，這一話，因為落山好輕鬆唔累，但上山要行好多斜坡，要行好耐。一路行我個fd一直話好累，好辛苦，我要快D返屋企，不過返去時真係比去沙田辛苦D。行左咁耐，終於到了「獅子山亭」，我地休息左一陣，再行。好嘢，到啦！今日幾開心同幾累，我可能下星期再行到「望夫石」，哈哈！下次又要再辛苦過！