哈哈！今日我地足球校隊踢足球友誼賽，今次係繼在學屆杯的第一場比賽，我昨天都已經好興奮！今次比賽的人選都係採用之前學屆的人，但我同盧兆康調位，佢做「中堅」，我做「右翼」，希望哩個位我都可以踢好D啦！足賽一開始我地隊一直進攻，握住對面隊打，前方的  龍天  同  張晉  一直進攻，令對方無還手之踢力。對方看次進攻都係龍門比佢地，先有機會進攻。我第一次個波飛埋來我頂得好好頂左比  梁X源  。我守果個人個波飛埋來佢只係等個波落來，我就行上前用頭一頂，頂左比  黃嘉偉  ，然後再攻，係我第一下掂波。第三次都係龍門開波，我又用頭頂，但撻Q，我再用心口一頂比左  文樂  佢大腳射。第四球就勁啦，對面有一個人撻Q，個波溜走左，然後  盧兆  就想等個波出界，但對方追到，盧兆就保波，我就幫盧兆，同好在我個我反應得快，見個波溜左出來，一腳射左比  龍天  。第四球就係對方開界外球時佢想比隊友，但我行先一步，又再用頭頂比  龍天  ，（哩球係我頂得最靚）佢就馬上進攻。我想今次比賽最慘就係我地隊隊長  張晉，因為佢用自己的身軀頂左 2、3球，真係好痛的，慘！第五球我終於用球腳，個波飛埋來我一腳大射。比左唔知邊個。好！上半場完左啦！吳sir話下半場比新人踢，唉！大家都應該知道結果啦，比人大炒3:0，我地0啊！個都唔關我地事，我地就有時唉！有時笑，笑係話有人估中左真係輸3比0！哈哈！臨完場吳sir換左我同幾個人出場，我一出場就頂左一球同臨完又大射左一球！最好笑，吳sir一換左張晉，好似15秒都未到就完場，你話係唔係好笑啊！所以我入左校隊真係好開心！