琴晚去食意粉屋

哇,成幾多年無食過丫

感覺好好

跟餐既芝士餅超好食丫!!

食過咁多野 =]

個二人餐美中不足就系真系迷你左少少

不過都無損我琴晚既雅致XDD

我上星期六去左食日本野喎

比你地估下我去左邊間食,估中有獎 ;D

果晚食既野 ;D

今日做PA既incomplete records

好多題都吾識做

經過我努力鑽研後

終於有番少少頭緒

好有滿足感的說 =]

第一日上bruce ng既堂

屌你老母! 晒左我四百幾蚊囉

成堂系度講廢話

我悶到玩手機吾理佢

佢講左咁耐野我只系覺得其中五分鐘有啲用

其他全部系垃圾

我仲要上埋跟住果三堂囉

FUCK!

我又吾會好似肥釗咁吾去上既

始終我真系比左錢

但我會帶書去睇囉

喂丫喂丫

你出黎拉

你快啲勸掂小鄧拉

我真系好想同你出街丫

你系我生命中其中一位最重要既人黎架

起碼系我最重視既妹

我希望我對你可以有一個完整既回憶丫

今日, 學校旅行~

地點:舂坎角

特點: 個沙灘比我地霸晒xd

我地九點半左右就到左喇

跟住系度起爐

肥釗, Chris同Ocean起爐超勁xd

我呢度[旁人]就當然飯來張口喇 ;P

所以我系第一次個火熄之前就已經食到四粒魚蛋 ;D

睇見其他爐起好耐先起到,覺得自己好幸福^^ (對吾住我寸嘴xd)

跟住我地去左隔離個公園仔玩

個留聲機超正,我講死仆街講得超大聲

換黎既就系一把女聲講左兩次死仆街,笑死我喇xd

跟住同高魚,rachael同chris 鋤D

鋤左一陣就去玩水喇^^

玩左一陣又去番公園

玩千秋

成八年無玩過喇,好懷念細個既生活..

跟住成班人系度玩捉囉!!

我地成班人好似後生左幾年咁xdd

話說捉系我讀中一果陣lunch既遊戲

但form 1 尾我已經覺得好幼稚無玩lu..

竟然今日會再玩番..

跟住我地又再玩水喇

然後玩左啲頂級無聊既集體遊戲

途中我幾乎慘糟活埋 ='[

好彩好多人幫我影左相xd

我仲未收到牙,你地快啲腥比我牙xdd

最後玩左一陣沙灘足球

太大風,吾好玩

跟住就走喇

架巴士系單層,無位坐..

超攰囉..

聽日仲有好多野做..

今晚好好訓番覺 =]

最後今日還是見不到你...

 今日,學生會選舉丫

當中有啲野值得我寫一寫既

首先,關於羽毛球比賽

我個人系非常贊成舉行羽毛球比賽既

對於曾卓敏會長講既野,我吾系太同意

首先,無人話過要成個禮堂清場先搞得架喎

半個禮堂已經搞到啦

仲有,請工友就系要佢地做野架啦

班友系學校無野做懶懶閒,白收人工,我真系頂吾順囉..

所以我對曾卓敏會長真系有少少失望

第二點系關於人身攻擊

我個人系好討厭啲人咁樣做

我吾覺得十五分同做主席有咩衝突囉

我見到曾卓敏好似想喊咁,忍得好辛苦咁

我突然有衝動想舉手發言支持佢..

其實某程度上我亦好驚自己會做左第二個曾卓敏

假如我會考失手

假如我只有十五分

咁我會點做?

吾知,亦吾想諗..

唯一可以做既,就系問心無愧

專注依家既學業

順帶一提

KEN sir間現代教育好似要搞上市

作為現代既學生,我無咩意見

作為一個投資者,我對佢上市系持負面態度架

如果我無估計錯,現代英皇遵理同活學已經佔全港補習學生既八成

呢個行業已經近乎飽和,用經濟學好簡單咁講就系Diseconomies of scale

加上三三四少左一個試,毛利起碼少六成

依家KEN sir要佢上市,九成九系要抽水走佬

打正進軍大陸既口號,但試問大陸有幾多人會去補習?

我買左學位番黎好過去補習喇xdd

如果我無預測錯誤既話,現代未來一年一定要關閉一兩間分校

某啲分校例如天水圍,我有fd話我知生意真系好差

補習揾大錢睇黎好快就會變過去式

當然,補習天王依然可以揾好多

始終現代系靠食佣,收入會好波動

講完,一切只系個人評論xd