本來以為...... 等時間沖淡左件事就可以唔理, 點知, 唔理就搞到而家咁~

Kathy 話唔再理我地三個, Ella 話由佢犧牲....... 話要睬番周小姐喎~
點解而家會搞成咁?
根本一d 都唔關佢地事, Ella 唔睬周小姐, 好小事姐~ 點解會搞到而家咁??

憎一個人姐~ 點解會咁??

今日我都唔開心, 因為, 「四角關係」.....

事件起因:    周小姐好鍾意同Ella 傾計, 但係Ella 好憎佢, 因為佢好大小姐脾氣同埋好作狀~ Kathy 又唔係
                想睬Ella ,以 Ella 淨係同我傾計~ 但係周小姐就妒忌我, 因為全組入面Ella 同我講野講得最多
                周小姐仲叫Kathy 唔好睬Ella , 如果唔係就唔睬佢喎~跟住 class activity , Kathy, 我同
                Ella 一組, 咁Kathy 一定會同Ella 講野架啦~ 跟住而家結果就係我同 Ella 仲有傾有講, 但係
                周小姐就嬲哂我地三個~~  而Kathy 就自己坐遠d , 搞到佢而家上堂都好悶~       


今日 Kathy 姐姐寫左d封信畀 Ella , 我問佢羅黎睇, 睇完之後, 我好感動, 好多謝佢, 但係亦都好內疚~~
其實所有既事都唔關 Kathy 事, 佢只係一個無辜畀我地牽扯入黎e個漩渦既受害者~~ 但係而家犧牲個個反而係佢~

個封信寫住, 「雖然而家好悶, 但係如果大家happy, 係值得既!」而且仲寫左好多令我感動, 令我內疚既野~
其實今次e件事全部人都冇錯, 周小姐冇錯, 我冇錯, Ella 冇錯, 更加唔關Kathy 事, 但係我地三個就將責任間接咁推左落Kathy 度, 而我同 Ella 仲係度若無其事咁係度細聲講大聲笑, 所以我而家更加內疚~~

而且封信入面仲話:「肯定e 件事完左之後要犧牲既就係Mavis 啦~(即係我)」, 咁既然如果係咁既, 不如我早d犧牲, 起碼可以早d 減輕我既內疚~

今日1st period係衛生署個 d 乜鬼成長課 , 雖則表面好似幾好笑 , 但係諗深一層真係好無聊~~
跟住2nd period係中文堂 , 勁作文囉~ 攰死人咩~~

隔左個小息之後 , dance 堂。今次真係好驚 dance 會唔合格囉~ d 動作亂哂龍 , 真係唔知自己痴左邊條根~~
跟住4th period本來係 maths , 肥冼冇番, 我地自己狂係度傾計, 呵~

到 lunchtime , 我同 Ti ．O姐落操場食野, 食完就去練 house sing , 我真係唔知係咪轉左 house sing 首歌囉~跟住又唔記鬼得左開 locker攞書 , 好在 house cap.姐姐好人, 畀我地走先~
5th period , 英文堂,冇事發生
6th period , RE 堂, Susanna Wong 教, 我費事打, 都悶到冇feel~

唉~~ 總之八字記之曰 : 開心同唔開心中間~

超無奈囉~ 今日PE 堂, 連跑 15 laps 囉~~ 跑到我胃痛~~

講番 e 個 week 發生既事啦~
星期一呀? 係呀係呀~~ 我學校個日有Singapore d 學生黎參觀兩日呀~~ 我覺得... 都唔靚仔既~~
               仲有, 個日music 考singing , 抽到唱amazing grace , 我根本都冇乜點練過, 不過都唱得幾好~ 
               跟住全日都好好,放學仲留左係學校睇,我地學校同Singapore學校打既basketball 友誼賽~~
星期二呢~ 咁個日上Home Economics , ok 啦~都冇乜野~ 放學就去睇我地全校都有參加既普通話歌唱比賽~ (Putonghua
                week ma~) 不過我最憎最憎,全世界最憎既陳小姐, 係台上面超作狀, 超扮野囉~
星期三啦~ 普通話考試 , 我覺得我 perform 得幾好啦~ 跟住Art 堂, 我畀人讚 HAHA~ 不過最衰唔記得帶野~  
                跟住都冇乜特別野發生 lu~
星期四勒~ 都冇乜特別野發生既~ 放學留左係度練Choral Speaking , 又要同個位陳小姐一齊坐, 條友超串囉~ 好PK 呀~
                跟住番到屋企抖左一陣, 就去上Theory, 個老師唔知係黎個D 呢? 燥到起火囉~ 三個上堂既人齊齊遭殃~~
星期五勒~ 今日pe 堂 就係我頭先所打既一樣, 我唔打多次啦~

咁又過左一個week , 時間真係過得快~  

我真係唔知佢發乜癲囉~~ 真係好想打瓜佢囉~~

話說學校既 science mini- project , 個位梁某話想用 drama 做 present , 我地三個, 兩個唔同意, 一個冇意見, 咁梗係少數服從多數架啦~ 跟住梁某即刻發脾氣 , 黑哂塊面, 跟住 d 野自己攬哂上身, powerpoint 都要爭黎做, 好丫~~ 唔使做仲好~ 落堂個陣仲要第一個走, 痴 xx 架?

跟住幾week 後 , 老師話要做 presentation , 整埋 duty list, 跟住佢話我冇做野囉~~ 係你自己話我地唔使做架嘛~~ 痴 xx 囉~~同佢據理力爭, 佢話 :
「喂, 我問你電話又唔畀」(佢都冇講咩事~~)
「msn 又唔上得~~」(你自己冇 email account 關我乜事~ 你自己唔識開關我乜事~」
「我下次唔做囉~」 (你自己話要做之嘛~ 又關我事~)
「我真係唔覺得你有做過野囉~」(你自己做哂梗係唔使我做啦~~ 多餘~~)
「我掉埋哂我自己 d 功課埋一邊, 仲要話我錯, 有冇搞錯呀~」  (我冇叫你咁喎~ 係你自己既事囉~ 又關我事~~)

跟住真係以為自己係 group leader 囉~~ 
「係你地叫我做 group leader 咋~~ 我唔想做架~ 」(仲話唔想?! 叫你做 gp. 個時個樣開心得你丫~」
跟住嗌輸左就走埋一邊做自己野囉~~ 好心佢啦~ 係屋企係大小姐大哂呀? 要我就哂你呀? short short 地~