又有小強啦...好驚!!!!

發覺自己對小強o既一舉一動好敏感...
o岩o岩食完雪糕..入廚房掉垃圾果陣...
係升盤下面..比我聽到d有野行過報紙聲...
立一立眼見到有d黑色野走左入去..我就好肯定咁同d細佬講有小強!!...
點知佢地唔信我囉..最後細佬見我驚..拎支殺虫水係咁二噴下..我當然第一時間離開案發現場= =+
點知真係有小強走出黎!!`係大大隻果d小強..好恐怖...
仲懷疑過有兩隻..因為細佬見有一隻走左入洗衣機果邊..點知好快又係另一邊出現一隻...
有諗過係同一隻的..但真係唔知有1定2啦...總之好驚小強= =`..
細佬噴殺虫水...細細佬用拖鞋做瓜佢=0='希望真係同一隻黎.."
1個月發現兩隻大強係屋企...唔會有咁多係出面走入黎呱!?`
唔理啦..趁黎緊一個星期工人得閒...叫佢洗廚房!!洗屋!!`
屋企絕對..係絕對唔容許有小強寄生呀!!`