|
今日11點半起身~搞搞搞~出去陪阿爸阿媽飲茶~跟住出左舅父度剪髮~唔知做咩今日遲左差唔多半個鐘~佢都冇打黎吹喎-口-~去到染返個色~染返黑色~染完出黎啡啡地咁~幾好架~諗住想修下把頭髮果陣~佢有客上黎~為有等佢~點知係咁有人上黎~最後冇剪到~吹左頭就走~去左食d野就返屋企lu~返到黎去左惠康入貨~買左勁多野~有叮叮點心~雪糕~餅乾~薯片~飲野...好多~買到成車都係~出去比錢果陣都搞左成5分鐘~張單成兩呎長~成5百幾蚊野呀~叫工人出黎幫手拎野返屋企囉-口-買下買下~呢樣話試果樣話試~就買左咁多啦=.=~呢次係第2次啦!返黎屋企果陣~見到隔離屋個師奶~佢話我換左髮型斯文左成熟左喎-口-真係多謝佢啦!
頭先同阿雞佢地傾埋聽日點樣~而家出沙田啦~時間都係未知~聽日再算~
ling頭先話同金火又嘈左啦~佢兩個都唔知煩唔煩架~個金火又唔知乜q野呀~頂佢個肺~好心佢同人嘈完就唔好搵返ling啦~我都同ling一早講過架啦~佢又係咁話放唔低~唉~我都唔知可以同佢講咩啦~總之聽完就激氣!之後同古2果個丫雞傾左一陣電話~佢地好似話下個星期六又搞網聚喎~問我去唔去~我咪叫佢比左個時間地點我先囉~
發覺黎緊都好忙~聽日出去唱k~後日可能出去睇戲~下星期四又要返PW搵Bobby~星期六又出去唱k~緊住星期三又要出去mk買牒~好忙=口=好彩一早入左去做吸血彊屍姐~唔係點頂呀=3=!
頭先一上網~dl首歌黎聽~好聽呀~係曖昧o既廣東版~d歌詞好正~越聽到尾越好想喊~到最後個腦出現個畫面~好傷感~可能睇到自己暗戀o既人同到佢自己最愛o既一齊~就已經足夠了!只好怪自己沒膽量對他說一句"Can We Try?"
二月做暗戀者誰知 願做在你身邊天使
如何可告知 埋藏的心思 還幻想可偶遇開始
猶豫常阻礙行前 情人如今只差一線
仍然沉默數年 為何還未發言 明明行近卻害羞不相見
明年仍等待來年 仍然呆等痴心一片
回頭凝望以前 無能為力發言 完全靈驗
我惡夢變了啞巴 的表演
六月就已編織毛衣 為著伴你每個冬至
從前的構思 無形的差使 甜在心中 你又不知
十月望見公主王子 愈望愈覺我太不智
遲來的女子 原來早開始 遲認識趕過頭 如今先至
woo...
十二月你新婚日子 伴著絕美婚紗天使
迷人的戒子 帶上他手指 在我的觀禮下簽紙
道別在暗戀的日子 但願伴你那個可以
永遠的靠依 永遠的支持 能幸福一世人和他 真摰
| 
