| «‹ September 2026 ›» | | S | M | T | W | T | F | S | | | 1 | 2 | 3 | 4 | 5 | | 6 | 7 | 8 | 9 | 10 | 11 | 12 | | 13 | 14 | 15 | 16 | 17 | 18 | 19 | | 20 | 21 | 22 | 23 | 24 | 25 | 26 | | 27 | 28 | 29 | 30 | |
|
| 2005 年 10 月 6 日 星期四 |
 | |
|
攞命=口=! |
|
攞命呀~琴晚同dee~ling傾電話~估都估唔到~我地傾到天光=口=~我今朝仲要去做物理治療~諗住返黎先訓啦~點知我叫阿媽起身果陣~老豆同我講佢地休息囉=.=~一定會出去飲茶o既~即係訓都冇得訓~點知返到黎~佢地兩個入左元朗探太婆~打返黎講等佢地返黎先飲茶~聽到太開心啦~有得訓陣~最後訓左差唔多兩個鐘啦~老豆就叫我去飲茶啦~即刻執返d眼耳口鼻出去~飲完茶返屋企果陣經過賣金魚o既地方~老豆入去買左兩條琵琶魚~好細條架~初初都覺得佢幾得意~點知望多兩望覺得好核凸呢=口=返到屋企~阿媽同老豆又出去啦~帶發仔同毛毛去打瘋狗針同打晶片~我就係度悶~係咁噤個電視睇下有咩睇~勁無聊~冇計啦~個電腦比細佬霸左ma~唔係我點會咁夜先打日記呢~5點到啦~阿媽地返黎~係咁搞個魚缸~因為老豆買左個車輪咁o既野返黎~但係唔知做咩時轉時唔轉咁~搞左一大輪先得呢~我繼續睇我個冇野睇o既電視="=睇睇下又係梳化度訓著左~今次連眼都唔想睜大一下咁~發生過咩事都唔知~8點幾鐘食飯先起身~但係都唔係好想起身呀~真係好攰~食完飯~佘太過左黎~約老豆阿媽北上~哈~唔係而家就比人係咁叫我訓啦XDDDD仲話星期一入唔入流浮山食海鮮喎~食完過元朗YOHO打保齡同唱k~問我去唔去~我咪話到時先算囉~點知我過唔過到今晚姐kaka~
頭先妹子打黎呀~佢叫我幫佢過數=.=~我睇返本簿~原來佢都差我成500蚊咁多~仲叫我送出年份生日禮物比佢囉=口=係一套BL漫黎喎~大約300蚊到~我叫佢傾掂左單生意先講啦~我即時同佢講我今年份生日禮物都仲未收到呀~仲叫我送=口=~真係呀!佢叫我揀埋出年果份一次過送~我得閒就上去拍賣度揀tiffany~kaka!之後同妹子傾左一陣~佢上個星期四唔舒服早退左之後~到而家都冇返過學喎=.=佢話唔知返黎做咩~冇晒目標咁~我咪叫佢諗下涼平囉~我都係因為慶太先發奮練好隻腳咋~嗯~有陣時拎d野做下目標先會有成果o既~你都識叫我加油~你自己又點呀!?妹子~一齊加油啦!佢仲提我今個星期六出mk拎goods呀~慶慶簽名到手啦~呵呵呵!
同妹子傾完~ling打黎~之後叫我line比阿光~後尾見冇咩野講~阿光收左線~之後ling就唔知做咩~冇啦啦同我講話佢好想喊啦~佢話突然間好想喊~但係佢唔識喊~好辛苦~好難受~唉..算啦~作為你地兩個o既朋友~我都唔想見到d咩野事發生呀~我都唔知點幫你地好呀~都係果句啦~人就梗係會變架啦~係睇下佢變好定變壞架姐~一個人變左有人接受到~都有人係接受唔到o既~算吧啦...唉=3=!
都唔知搞咩鬼~阿靜琴晚又打黎講感情問題~佢話河河變左~我聽完佢講我都覺得佢地兩個之間有好多問題呀~我咪叫佢自己諗清楚~問下自己想點先~當比時間自己同對方冷靜下~如果真係想挽留o既~咁就真係真係要徹底咁解決兩人之間o既問題~唔係一齊返~一定仲會嘈過~如果係咁~不如就咁算仲好啦~咦~我幾時變左社工架=_=!
|
| 刊登時間︰2005-10-06 01:55 AM [ 編輯日誌 ] [ 分享至FACEBOOK ] |
|
|
ling 於 2005-10-06 02:59 AM 發表：
係咩？！真係唔記得喇，以前的生活幾好呢！雖然係好似好悶咁，但好多人鍚xppppp
|
網主回覆
係呀~果陣真係好開心架~最曳最唔聽話果個會唔會係我呢xppppp?
好多e生姑娘都好錫我地咕>v<! Posted at 2005-10-06 03:11 AM [ 編輯 ] [ 刪除 ] |
|
|
ling 於 2005-10-06 02:51 AM 發表：
|
網主回覆
你唔記得kitty幫佢改左林楚煩咩xpppp? Posted at 2005-10-06 02:54 AM [ 編輯 ] [ 刪除 ] |
|
|
Ling 於 2005-10-06 02:45 AM 發表：
|
網主回覆
係喎~我都唔記得左tim=口=!!因為我記得我地叫佢唔知咩煩架ma~原來係楚煩xpppp Posted at 2005-10-06 02:47 AM [ 編輯 ] [ 刪除 ] |
|
|
LING 於 2005-10-06 02:41 AM 發表：
|
網主回覆
麻麻跟住咪煩煩囉~=.=我唔識打佢個煩字=.=! Posted at 2005-10-06 02:44 AM [ 編輯 ] [ 刪除 ] |
|
|
ling 於 2005-10-06 02:25 AM 發表：
你訓覺個樣好難易形容xpppppppppp若然唔係你都唔會有個咁的花名啦，對不對？！
|
網主回覆
嘩~你唔好係度爆我個花名出黎呀=.=!
係呀麻麻佢改咋ma><! Posted at 2005-10-06 02:36 AM [ 編輯 ] [ 刪除 ] |
|
|
Ling 於 2005-10-06 02:23 AM 發表：
唔係唔想講野，只係我講左野都唔會有人應我，咁講黎做咩？！
唔係接唔接受到的問題，只係唔知點解會變成咁，明明好好地......
俾人當透明的感覺好難受。假如我能哭一場你話有幾好呢？！可惜的是我從來都不懂哭............
|
網主回覆
算啦~佢係咁都冇計~我地好多人都幫緊你咕><! Posted at 2005-10-06 02:34 AM [ 編輯 ] [ 刪除 ] |
|
|
Ling 於 2005-10-06 02:18 AM 發表：
咁你就出年黎理工報返個社工副學士讀下喇，跟住就同我一齊住啦！我地同居下都好嘛，好耐冇同你一齊住喇！(你訓覺個樣好鬼過癮xpppppppp)
|
網主回覆
係喎~我諗都要啦~但係我咁神經質~我驚佢唔收我xppppp
我訓教個樣有好過癮呀=口=! Posted at 2005-10-06 02:21 AM [ 編輯 ] [ 刪除 ] |
|
