下星期出街街>v<

┌────────────────────────┐
│ 愛的履歷表　　　　西元二ＯＯ五年 現在　　       │
│────────────────────────│
│姓名：橘慶太　　　(w-inds.)　　　　　　            │ 
│────────────────────────│
│基本資料：日文發音　TACHIBANA　KEITA　　　　│
│性別：男　出生地：九州福岡　生日：1985-12-16  ▕
│星座：射手座　　　　　興趣：唱歌、舞蹈　　　　　│
│────────────────────────│
│　　　　　　　　　　四年回顧　　　　　　　　　　│
│────────────────────────│
│好快已經出道四年多了！若只談演唱會的話，真的有很│
│大的改變。剛開始堅持得不得了，可是最近已經有去享│
│受演唱的快樂心情，當然還需要多努力啦（笑）！還是│
│要保持上進心更加油！我們三人的感情，很好啊！涼平│
│的二十歲生日，還是在我家過的呢（笑）！　　　　　│
│────────────────────────│
│　　　　　　　　　　將來夢想　　　　　　　　　　│
│────────────────────────│
│可以繼續做很開心的事，就這樣一直下去。去年我們也│
│在台灣演唱，希望將來能去其他國家演唱。　　　　　│
│────────────────────────│
│　　　　　　　　　　　給團員　　　　　　　　　　│
│────────────────────────│
│龍一最近變的很壞，在二十歲前突然變阿飛（笑），所│
│以趕快定下來吧！還有涼平的練舞也太驚人了，我也會│
│努力，在腳不拉傷的前提下！　　　　　　　　　　　│
└────────────────────────┘
死人橘慶太呀~唔該你自己小心d呀~咪鬼成日拉傷呀~要咁多人為你擔心你好冇意思呢!?

琴晚國國拎左部電腦返屋企啦~三姨話阿b幾令仔架啵@_@連三姨都睇得上眼話令仔o既就一定有返咁上下架~搞到我好想睇下佢咩樣tim~睇下有幾令仔呀ma~琴晚比我細細佬話我淨係識得睇令仔~大佬呀~係咪都睇~睇係睇令野永遠係最開心架啦~朋友之ma~又唔係要過人世呀~o岩o岩先~kaka!

琴日個消息都仲未有官方公佈呀~都唔知真定假~我好想佢地黎呀~但係又唔想佢地黎~黎就可以去睇佢地~但係香港d fans咁瘋狂~好驚有d咩事發生咁就真係以後都唔洗黎啦~所以又唔想佢地黎~唉..我都唔知呀~好鬼矛盾!

琴晚約左ling星期五出街~諗住去唱k呀~o岩o岩仲問埋換砌圖個人得唔得~得就換埋~仲要買埋港版tim呀~求神拜佛今次要比我抽中慶太呀~咁就完美啦>v<!果日唔返屋企啦~直接入三姨度呢~入去幫三姨set好個電腦佢~因為中秋果日好多人入去呀~舅父又去~一定問長問短扮晒識咁架~所以都係早d入去同佢搞掂佢啦~唔係我may姐面子放係邊呀kaka~話晒都係我幫佢搵人砌電腦o既~順手玩下新機ma~kaka!但係三姨o岩o岩打黎話佢果日放8點~叫我買埋餸上去煮飯喎=口=大佬~我咁大個女煮過一次飯咁大把咋~仲要我買埋餸tim~你d仔女食完有d咩事唔關我事呀=3=!

唔知做咩鬼野琴晚又失眠呀~訓唔著~成5點都眼光光咁~諗好多野~諗下下星期出街o既野~入三姨度o既野~w-inds. o既野~自己o既野~跟住唔知點自己就訓著左~頭先12點幾就起左身~而家有d想訓教~我諗今晚訓得著啦呱!

頭先睇到d令我瘋狂大叫o既事呀~叫到我而家喉嚨好痛呀>v<!!見到d咩?!慶太佢染左髮~染左high light紅呀~係我染開果隻紅呀~好正架~估唔到同佢心靈相通tim~kaka!我真係冇諗過佢會去染髮架~因為前果排係演唱會先話過佢好冇耐性架~叫佢坐定定黎染髮係一件好難o既事黎~點知佢走左去染喎~我諗佢係一邊染一邊訓教啦~哈哈~因為佢最鍾意就係訓教~唔係咁點染得成呀>v<!

見唔見到佢染左紅色呀>v<!!

  <<呢三個今日整架~都係新dl o既底圖