凍凍凍凍!！!

天氣話變就變呀~凍左好多~而家我都<嬲>住張毛巾呀~真係唔可以病呀~而家d H5N1咁厲害~陣間去睇醫生要你隔離就真係xyz啦!!

今日點幾就起左身啦~成日都覺得好眼訓~好想訓咁呢~一黎我諗係凍啦~二黎我諗係悶囉=口=~哈~今日冇好似前兩日咁食咁多野啦~因為姨姨返完假開始返工呢~起身食左舊蕃薯~緊住睇電視~追開果套<再見亦是老婆>呀~好好睇>v<~睇完上左陣網~之後"6"左個杯麵食~咁o岩cherry返黎~佢又要食咪幫佢"6"埋囉~跟住食左個杯麵都食成半個鐘囉~我係咁叫佢食快d做功課~衰女掛住睇電視=口=~食完佢就去做功課~我就有我上網啦~5點鐘到姨姨就放工返黎啦~返黎準備夜晚果餐啦~我地6點半就食飯啦~今晚食羊肉~所以都差唔多食左個幾鐘啦~仲有d羊肉留返我聽日食晏晝啦~之後一直上網~佢地睇電視~8點幾果陣河童打黎問返我琴晚單野~我咪講晒佢知囉=口=佢果陣又入緊阿靜到呢~傾左一陣佢話冇電就收線~阿b之後9點幾10點打黎~傾左一陣~傾到個電腦~佢話仲未搵到塊底版~我咪話ok la搵到先囉~之後11點幾我細佬打黎問我個電腦點~我咪話佢仲未搵到囉~點知老豆好似想食人咁~拎左個電話答聽~又問係咪冇~係就出錢買過塊~又話搵咁耐都搵唔到點解~唉...比佢轟炸我一輪~我咪話一陣打比阿b問下囉~打比阿b~問佢做緊咩佢話同女朋友傾緊計~我咪話阻佢一陣~問佢電腦d野囉~話如果買過塊幾錢~佢都叫我地唔好買~佢話見係fd想搵塊好d o既~又唔洗錢~所以難搵d~佢叫我同佢老豆講聲唔好意思~比多兩日時間佢~我咪打返比老豆同佢講囉~d火先熄晒=口=~跟住問我幾時返去~我話唔知呀~因為國國唔捨得我~叫我陪下佢睇波喎~因為黎緊星期六有世紀大戰巴賽對皇馬!佢叫我自己睇下點喎~之後收左線~

頭先再問下ling星期日去唔去~跟住佢話唔去架~咁我都諗住同阿光講唔去~阿光就msn我啦~問我係咪去~我話如果阿ling唔去我都唔想去~因為得我一個女仔又冇人陪我喎~我咪叫佢試下叫ling去囉~跟住ling打黎傾~話唔知去唔去好~佢就交比個天決定~擲銀仔~去就公~唔去就字~最後擲到公~即係去~我諗佢唔會反口放我飛機呱=口=!

食晚飯果陣~聽返阿姨果陣拍拖果d野~覺得我好似我阿姨~佢果陣第一個男朋友佢又係唔信佢有第三者~同埋身邊o既人都睇得出個男仔係蝦緊我阿姨~但係阿姨都仲係比佢蝦~因為佢真係feel到男仔對佢係真~而且仲好恐怖咁好緊阿姨呢~我聽到都覺得好變態啦=口=~果陣姨姨都係好多人鍾意架~我知道三姨四姨都係好受歡迎架呢XDDD~仲知道左好多野~唔係度講啦~話晒都係私人野ma~眼訓啦~早抖!