唔通..真o既?!*

琴晚同ling出左尖東食自助餐~d野食..一般啦~唔係飽係好膩呀~之後行左陣~去左豐澤買左排2500o既差電~過埋百老匯睇左陣就搭的的走~係的的上面~ling話頭先想執隻cam比人~之後佢大我~話而家兜返落去買囉~最後我地差唔多上到紅磡火車站又兜返落去買~買完上返的的打比阿光囉~叫佢出火車站接收佢份禮物~搭緊火車同佢同埋阿dee一直傾~傾到返黎粉嶺~佢都仲未肯出門口~係月台度等佢啦~等左差唔多半個鐘~佢都仲唔肯出黎~唉..仲要我係度吹住風咁等佢囉-口-~激死我呀!返到屋企差唔多12點啦~

睇埋電視沖埋涼~入房打比阿dee~佢好出奇我一個人打比佢~好耐都冇試過啦喎~之後打比阿光傾左一陣~收左線就line比ling啦~傾傾下又line埋比阿光~傾傾下又line比一個fd~佢地3個嬲o既傾game囉~三個女人一個墟我就聽過姐~點知3個麻甩佬可以有咁多野講架=.=!傾緊果陣我已經好頂唔順~係咁恰恰下啦~我話收線訓教~有人唔比我收線囉-口-~拖下拖下到6點幾先收線~阿dee話上黎打邊爐喎~阿爸阿媽話冇問題~但係佢地都唔知真唔真架~所以都係到時先算啦~

今日阿爸阿媽休息~一早佢兩個就出左舅父度剪髮~我就比阿ling係1點打黎嘈醒~佢話佢好興喎~佢阿媽拆佢d銀行信~又唔識睇~打黎嘈嘈閉~算吧啦~唔通真係告佢咩-口-~起身刷牙洗面~兩點阿媽就叫我地出去飲茶~出到去見到阿媽嚇左一跳~佢染左個紫色囉~不過都幾令~估唔到繼上次鮮紅~今次又一傑作-口-~飲完茶去左行街~同細細佬買褲呀~估唔到我細細佬都算高~我幫佢揀左條而家興緊o既牛仔褲款~佢試出黎對腳顯得好短囉~出到黎笑死我XDDD~最後都買左兩條囉~揀緊果陣~3姨打黎~叫我請佢食飯~問佢點解啦~佢叫我諗下今日咩日子~原來係佢同國國o既結婚周年紀念日~但係好似唔係好關我事咋-口-~跟住同佢去買埋校服~買完諗住同佢睇埋鞋~點知行晒咁多間鞋鋪都睇唔o岩就行返屋企lu~經過水族店阿爸阿媽去買魚糧~我同細細佬去ok諗住買本攻略比阿dee~因為佢琴晚話要呀ma~咪買比佢啦~點知佢話未有得買~咁咪同阿媽去行惠康~買左好多薯片,朱咕力a_a~買完就真係返屋企啦~今晚煲鮑魚雞粥~都ok la~對鮑魚冇咩太大興趣姐=3=~跟住就上網啦~打日記~

打打下日記~阿dee打黎~佢話受到好大打擊-口-~佢係game入面d武器爆晒~算吧啦~佢咁樣~我都唔知講咩好=3=!
唔知點解~琴晚開始好似有d鍾意左某人"感覺越黎越強烈咁~唔知點講~今日一起身就同阿ling講啦~點知佢話我痴線-口-!
係喎~頭先睇完阿雞日記~佢話佢開始左一生人中最後o既一次拍拖喎~但係佢次次都話最後架啦-口-~點都好啦~希望佢真係學會咩叫<珍惜眼前人>啦!