|
Everybody我返左黎啦>v<我的好朋友呢幾日過得開心ma?我就好開心啦~果邊實在太令啦~太好玩啦~唔好問我有冇手信啦=口=~係冇架~因為我地日日都係陽光與海灘呀~冇行過街乜滯呢~除左之前話見見~芝芝~同阿靜有樽沙仔之外呢~就冇人有啦=口=連ling叫我拎o既啤牌我都冇拎~我係一上機就訓訓訓~訓到落機呢~幾鬼好訓~
我地住o既酒店已經好正啦~對住個海咕~但係個灘唔知係咪因為月份關係水退呀~酒店呢係一間間草屋咁o既~兩個人一間屋~(蠢左~唔記得映相>口<)係就係離旺o既果度遠d~但係都ok呀~幾好住~我地去到果日就搭酒店車同果d篤篤出入旺果邊食飯~果晚都係食左d地道d o既野~跟住果幾日我地就租左車啦~都唔係好貴平均一日600匹(hk$120)我地租左3日~用左60蚊油咋好抵>v<去到果日仲識左住澳門o既麻麻~老豆同個女黎玩~老豆叫sam~個女叫佢阿妹囉=口=咁我地咪有時一齊玩囉~
我地第二日一齊租船出海玩~去浮潛~釣魚~果架咁o既死人船~舢舨咁o既野黎o既佢過去第二邊要經個一段好大浪o既地方~我諗係因為果度冇島擋一擋果d浪~去果陣我都冇咩野o既~返黎果陣五點幾夜啦ma~開始大浪~過果度果陣驚到我死死下~d浪幾鬼高呀~我係咁係度大嗌=口=果陣自己做緊咩都唔知~個d浪真係好得高架~成船9個人係得我係度係咁嗌囉~燸爆=口=返到黎渣車經過碼頭見到有好多d車仔當開左~咁我地咪食d野先返去沖涼再去食飯~好正呀~d街邊野都好ok呀~不過唔知點解佢地d米粉得一執仔咁少囉=口=之後返左酒店沖個涼就去食飯~去食海鮮~果度比我見到有隻狗仔好得意好可愛咕>v<真係成隻毛毛公仔咁架~玩左陣狗就坐埋位食飯~對住個海食飯呢~我同我阿姨去洗手果陣呢~發現個尿兜係隔離~初初仲以為男女廁黎~因為佢又冇門~點知先發覺原來我地入左男廁=口=好彩冇人係入面姐~食呢一餐海鮮餐都算係好架啦~價錢又ok呀~
到左第三日啦~我地冇同sam哥佢地一齊啦~我地就自己去左個大佛度打左個round啦~映左d相~拜左果神咁我地就去左搵地方食我地o既午餐啦~食雞飯同米粉做午餐呢~佢地d雞飯好好食架~再落埋佢地d醬汁好鬼正呢~跟住我地係咁渣住架車去睇下有咩玩~最後我地落左最旺個沙灘度游水(好似叫chaweng)~真係好鬼多人呢~我地游左陣水~曬左陣太陽~我仲紋左隻蝴蝶係右手手臂度呀(其實係畫上去o既=.=)跟住就返酒店沖涼~再出去食飯啦~果晚我地都係食海鮮餐~但係就更好食更抵食更加多野食果前一晚呀a_a圍起上黎6蚊一隻生蠔咋~佢地o既冬陰公都好正(我地差唔多餐餐都有飲冬陰公啦)~6個人食都係食左千四匹咋(hk$280)食完我地就返左酒店訓啦~因為第日要6點起身呀~
第四日啦~都係最後一日有得玩o既日子呀~但係佢落雨囉~我地同sam哥佢地joy左酒店個tour去第個島度玩~我地搭左差唔多兩個鐘船先到呀~差唔多有半船人都嘔都七彩=口=因為佢落雨好鬼大浪呀~拋得好緊要呢~果度都好令呀~個島唔係好大~不過都有酒店~但係我到而家都唔知果個叫咩島囉=口=好鬼大風呀~但係我地都係玩浮潛呀~不過就多野睇過第二日去果度~水入面都好暖架~睇左一陣~拎左d麵包餵魚~d魚係完全唔驚人架~你係佢地身邊游過都冇野架~仲會啄人tim呀~sam哥比佢地啄到流血呀~跟住我地去左食野啦~個tour包埋o既~食完就問我地去唔去搭船出海再睇珊瑚~但係因為太大風啦~我同我阿媽老豆同埋兩麻孫都冇去到~我地9個人得佢地4個人去~去左個幾鐘到啦~佢地返到黎都係話冇咩特別~因為冇太陽呀~搞到d珊瑚唔係咁令~係沙灘果度仲好過出去睇喎~跟住我地就走啦~都係返到酒店沖涼就9個人去前一晚平令正果度食飯~9個人食左都係二千六匹咋(hk$520)抵到爛呀~又正喎~跟住我老豆姨丈同sam哥去左吧飲酒呀~因為最後一日啦ma~不過sam哥佢地三個都未走呀~佢地去9日呀=口=勁多!
到左係蘇梅島o既最後一日啦~我~我阿姨細細佬食完野去左泳池邊度曬太陽~呢幾日除左第四日冇太陽日日都曬啦~所以我最主要都係要曬返d泳衣印啦~好彩都比我曬得返~我個背脊同手係最黑架呢~黑都幾令呀~真係有d羨慕一出世就黑到似賓妹o既人xppppp曬黑左我要做泰妹同賓妹爭飯食呀kaka~搭飛機果陣我地飛去bonkok班機delate左呀~跟住我姨丈拿拿臨去話比果d人知我地要趕bonkok飛hk o既機呀~跟住佢地按排左我地係內陸機場o既停機坪搭車過國際機場果邊囉~幾驚趕唔到~都係o岩o岩好咋~夜晚九點半唔夠返到黎hk降落~但係因為打風落雨~好多飛機都delate左係機場呀~搞到等左兩個鐘先有機位比我地落機咋~返到屋企差唔多成點鐘啦~攰到死死下~食左個麵攤左陣上左陣網就訓啦~唔知做乜鬼今朝起身就肚痾啦~跟住我阿媽打返黎問細細佬有冇事~原來細細佬又痾~仲痾得甘過我~仲嘔tim~咁咪帶佢睇e生囉~e生話佢腸胃炎呀~好彩我冇咩野係痾左一次姐~
呢幾日真係好好玩呀~我姨丈o既泰文真係幾得架xpppp有佢係度講價買左條褲都係百五匹(hk$30)kaka~我最後都係冇帶輪椅去~但係到左機場check in左就有特別服務啦>v<去到bonkok~再到samui都有特別服務呢~返黎都有呀~呵~掂呀~下次一定要再去過呀~samui等我呀>v<!!
 <<<我手臂上面個蝴蝶圖案呀~~
| 
