琴晚飲到醉醉地呀>口<!

琴日成日都唔得閒打日記呀~明明一號風球~但係阿姨果邊就成個下午都好好太陽呀~好曬好熱~但係間中有d風幾舒服~十二點幾鐘又係cherry叫我起身~食左d燸米卷當午餐=3=~點幾鐘果陣就同阿姨同cherry,marco出左街~因為留返間屋比姨丈執xpppp我地就去舊碼頭度行下睇下~我地邊行邊坐~行到去都係好普通o既一個碼頭~但係真係好多唔知d咩蟹~一隻鉗大一隻鉗細~仲見到佢地打交呀~仲見到d好似叫彈塗魚o既魚~有好多呀~有人係度滑水呀~好想玩~但係好貴~1000蚊3粒鐘呀=口=~為有睇人玩啦~個風景都唔錯~見住d飛機起飛同降落~同埋見到未起好o既纜車~不過可能琴日假期~見唔到有人開工~坐左一個鐘到啦~我地就走lu~差唔多返到村果陣咁o岩我細細佬又入到黎~咁阿姨就去買野食~我地4個就行返屋企先~差唔多到屋企果陣我地係下面坐左一陣~咁o岩我舅父一家又入到黎=口=真係o岩~邊左5個人返屋企先~多左芷悠呀=口=~舅父舅母同芷晴又去買野食=口=返到上去姨丈已經執好晒間屋啦~仲打緊電腦聽緊歌tim~買野食o既陸陸續續咁返黎~開餐啦^^!食完舅父就話租單車去玩~得返我同大個表妹芷晴係屋企~我就玩電腦~芷晴就做功課~過左冇耐~姨姨同舅母返左黎~佢地唔去喎~冇耐姨丈打黎搵姨姨~大約知道marco又衰左野~而家返緊黎~過多左陣marco就返左黎~比阿姨開齋係門口用滕條打孖黎打到飛起=3=仲要佢罰企門口"蚊"耳仔~4個女o既就係屋企而傾計~做自己野~差唔多兩個鐘到啦~佢地就返黎啦~又變得好熱鬧了~個電腦當然仲係我霸住啦kaka阿爸阿媽都入到黎啦~仲拎住一盤大一盤細o既盤菜入黎~又開餐~我阿姨餵我食xppp兩個人一齊食~我就全程對住個電腦kaka~食左差唔多一大盤個個都差唔多夠了~佢地就落左去玩呀~點知落雨要走鬼~又上返黎~跟住見冇雨又落去~點知過冇耐又走鬼~最後決定係門口玩算~10點果陣姨姨叫我地再食下d盤菜~因為仲有盤細未開=.=一人分d咁食左一盤大多少少啦~仲開左支紅酒呀~幾好飲~11點幾開始散啦~舅父地走先~我地就傾多陣就討論返唔返屋企好~最後都係call的的返屋企~我都決定左返屋企~走果陣見到我老豆仲有成半杯紅酒唔飲~我見咁浪費咪一口氣飲埋佢囉~飲完有d腳浮浮~醉醉地咁~幾驚係的的會嘔呀=口=好彩冇姐~

返到屋企都差唔多兩點啦~我細細佬沖涼先~跟住到我沖涼洗頭~沖完涼搞好晒野~見個頭未乾打左比阿dee傾電話~傾左都好耐下呀~我都唔知幾點收線lu~今朝11點幾ling就打黎嘈醒左我啦=口=無奈....!講過d咩都唔係好記得啦~跟住訓多左陣~12點幾就要起身~清醒少少就打返比ling睇下咩事~原來佢係話個故仔單野~我仲同佢講我好似又踩到陷阱呀~佢就話你望下你周圍~keita望住你呀咁=3=唉..我都唔知~跟住就要刷牙洗面換衫陪阿爸阿媽飲茶呀~佢地休息呀ma~飲完茶~佘太問我地北唔北上~我好想好耐啦~難得係下午有機會上~但係我因為一個人講o既說話~決定左唔上~但係到左頭先我睇到d野~覺得自己好傻呀~有d唔開心~做咩要為一個人講o既野而唔去做自己想做o既野呢!?佢又唔係我邊個呀~都唔知做咩~嗯..我要忘記呀!

打到呢度~我細佬返啦~要到佢~都差唔多打晒啦~聽日再講啦!

琴日飲到醉醉地>口<!

一號風球@o@

聽日就中秋節啦~但係而家就已經一號風球啦~都唔知聽日點算咯!一年一次中秋~唔可以掃我玩燈籠o既興致咕>口<!

琴日出左旺角交收~換左啦~用涼平換左w-inds.啦~但係好麻煩港版仲未出~可惡~諗住買埋佢架ma~咁就等下個星期六出去拎goods果日買埋佢~頭先妹子都有打黎問我係邊~問我今日出得唔得~我咪話下個星期先囉~我唔係屋企=口=~仲賣出左隻F4的演唱會CD~我都唔知點解自己會咁捨得賣出去架~我個心真係比慶太完完全全咁偷左去了>v<交收完就同ling諗去邊食飯~但係最後去左唱k buffet~哈~ling仲用mp3錄低左我唱o既歌~有損友~野孩子...仲有唔記得啦~佢\話要錄隻損友比人聽喎=口=~算~聽返自己唱o既損友幾得架啵>v<唔錯架kaka~唱到9點幾就去左搭巴士入我阿姨度~買左兩盒章魚小丸子比佢\地食~都唔好食o既~仲要成兩蚊粒tim~下次可以唔洗買啦!

入到阿姨度~梗係即dl icq同msn啦~好多人都好出奇點解我咁夜仲online~kaka~梗係啦~我都唔係屋企~跟住同阿dee傾左兩句icq~我阿姨就話要玩明星三缺一~咁就比左佢\玩~我就睇電視~睇完就去沖涼~跟住就坐返落電腦~但係見冇人同我傾計就上網睇下野~3點就去左訓啦~

今朝9點幾醒過下咁啦~但係唔知做咩個頭好痛~睇下個電話見到有個冇來電o既miss call 4點鐘打黎~我估到係邊個打黎啦~同埋ling腥左個sms黎~跟住又再訓~訓到12點幾cherry就走入黎叫我起身食野啦~個頭都係唔知點解咁鬼痛~但係起左身就冇咩事~而家冇痛啦~都唔知搞乜~但係就好想訓咁囉~今晚唔知有冇人陪我玩通頂呢a_a~而家兩隻野係度掛住玩~我就係咁叫佢\地做功\課~冇人聽="=唔得~要拎返大表姐o既威嚴出黎先得~呵呵呵!

我地個<蔬菜愛的故事>有第二回啦~但係ling又比人吹佢去左沖涼呀~到而家都未腥比我呀~唔知佢一陣on唔on呢~on o既就貼埋佢上黎啦~唔係就要等聽日呢~第二回都係多數寫青瓜同蘿蔔架~冇計啦~蕃茄同苦瓜冇咩野好寫呀ma~蕃茄都好耐冇咩點接觸苦瓜lu~希望蕃茄清楚知道自己做緊咩~唔會後悔啦!仲有蘿蔔呀~快d諗清楚自己係度做緊咩啦~咦...咁我地個故仔咪要傷心收場!?

有啦有啦~第二回呀~
上文提要，蘿蔔嚮不知不覺間鍾意左青瓜但係蘿蔔仲未夠膽話俾青瓜聽！因為蘿蔔始終都覺得青瓜同自己係兩個世界的人，根本就冇可能，所以唔想話俾青瓜知。
就係呢個原因，問題就發生喇。雖然蘿蔔係冇話俾青瓜知，但咁唔代表蘿蔔係唔鍾意青瓜，佢都想可以同到青瓜傾計。所以有一日蘿蔔就打俾青瓜，點知搵極都搵唔到青瓜，蘿蔔就開始擔心，所以就打左幾次電話俾青瓜，仲send sms俾青瓜，希望會有回下蘿蔔。點知蘿蔔部電話呢幾日hang hang地，成日都出左double的sms，蕃茄都領教過呢！好在蘿蔔同蕃茄係同台，所以都冇咩事！問題係出於蘿蔔搵唔到青瓜個心已經唔係好開心，再加上某一d因素，蘿蔔就......所以果晚嚮icq用的語氣重左自己都唔知。青瓜話蘿蔔好煩，蘿蔔就答左一句係呀，但係解釋的唔係講蘿蔔自己個心入面果句，只係是是但但咁搵左句野黎講！於是青瓜便好嬲咁同蘿蔔講「咁我唔想同你講！88」蘿蔔又好激氣咁講左句「好呀，咁大家都唔好講囉」就係咁樣，青瓜同蘿蔔就鬧翻了！
冷靜之後，蘿蔔覺得好後悔自己當時點解唔同青瓜講自己心入面的答案呢，可能講完佢會體諒自己呢！但一切已不能回頭，唯有等青瓜下左到火先再算！
近日蘿蔔收到一份用錢都買唔到的禮物，係開心過一陣，但始終都係爭d咩咁！
嚮另一邊廂的蕃茄，就比起蘿蔔理智好多呢！明知冇結果的野就寧願盡早忘記，所以......苦瓜應該對蕃茄又愛又恨！

(To Be Continued 支持原創，請勿抄襲 by May & Ling)

《蔬菜愛的故事》

一陣出街街啦>v<約左d買家5點9~仲要買埋港版~o岩o岩有人話今日出~希望係啦~唔洗我出多次去~不過係咪都要出多次架啦~要拎goods呀=3=!之後同ling食飯~跟住入阿姨度~如無意外今晚都會見到我online架啦~因為入到去個電腦仲唔比我霸住咩wakakakaka~~~

咁晚同ling講電話~佢都仲好擔心阿光嬲佢單野~我都話人地擺明icq同msn都block左你~就代表佢嬲你啦=.=仲問!點樣搞掂佢我就真係幫唔到你~我諗過一排會冇事架啦~睇佢都唔係咁小器o既人黎~琴晚同ling做左樣好似好無聊o既野~但係又真係做左出黎喎~就係將四個人物變左做蔬菜寫左個故仔出黎~等我貼出黎先~個故事名叫做《蔬菜愛的故事》
男主菜:青瓜    女主菜:蘿蔔
男配菜:苦瓜    女配菜:蕃茄
(由於故仔係以蔬菜為題，所以全部的主角配角都變成了主菜配菜)

故事一開始的時候青瓜鐘意蕃茄，咁蘿蔔同蕃茄係好好好的朋友，蘿蔔見青瓜唔錯所以想幫青瓜追蕃茄，就係咁蘿蔔同青瓜就變成左朋友，因為都識左唔耐，所以應該唔係好朋友果隻>0< 故事發展到中段的時候，竟然殺出左青瓜的好兄弟----苦瓜(其實我地唔知佢係咪叫苦瓜只係見佢冇蔬菜名所以幫佢改左個=.=")竟然又鍾意左蕃茄，蕃茄其實對其中一件蔬菜有好感(邊件蔬菜唔講喇，因為呢個係蘿蔔同青瓜的故仔)由於蕃茄難於嚮兩兄弟之間作出取捨，所以決定抽身而出，同呢兩件蔬菜做朋友。嚮另一邊廂，蘿蔔因為幫青瓜追蕃茄，所以接觸多左青瓜因而對青瓜產生好感，再加上苦瓜嚮旁邊發放謠言，因此青瓜就無喇喇變成左蘿蔔的緋聞男友！但係估唔到個結局原來係蘿蔔最後竟然真係鍾意左青瓜=.="
(本故事是真人真事改編，如有雷同實屬巧合，支持原創請勿抄襲    by may & ling)
唔知點解~每一次睇到~聽到都會好想笑~真係好好笑~點解覺得好好笑真係唔知~明明係知個故仔發展都咁想笑~真係唔知點解~算吧啦~仲有冇得寫落去都係一個未知之數黎~睇下故事發展成點~同埋睇下心情如何啦~同ling收線冇耐~dee就打黎~傾左一陣~佢話佢之前嬲左~所以冇搵我~但係我都唔知佢嬲咩囉~問佢又話唔講~唔講就算囉咩事姐~車>0<!琴晚又玩阿光電話~本來想打夠廿幾三十個miss call架~點知打左十幾個佢就聽左電話啦=口=破唔到記錄tim>口<!!

我會跟有好感既人行街睇戲食飯, 但我只會跟鐘意(愛)既人返屋企食飯
我會跟有好感既人談笑風生, 但我只會跟鐘意(愛)既人細說心底話
有需要時我會關心有好感既人, 但無論何時何地我也會關心我鐘意(愛)既人

聽日會人間蒸發係上水幾日!

慶太要頭髮遮住額頭ｇｅ原因！

Ｑ１＞＞
好多時候都是看到你的頭髮遮住額頭！

能告訴我為什麼嗎？

慶太：其實是因為我的額頭很高！而且痘痘都是長在額頭那！

所以留瀏海！在我小時候就一直留瀏海了！

Ｑ２＞＞你也長痘痘嗎？

慶太：嗯！最近一直都有長！不過幸好都在額頭！

Ｑ３＞＞你是什麼時候長痘痘的呢？

慶太：在吃完辣的東西後！像上次到中國吃完辣子雞之後，

結果就長了一堆痘痘１所以我不太愛吃辣的東西!!

Ｑ４＞＞但是”韓國泡菜”也是辣的東西啊！？

慶太：不辣而是酸酸的味道！我比較喜歡吃”酸酸”的東西！

                      慶太在學校的態度！

【小慶小時後的趣事　　BY：慶太的媽媽】

慶太是個很麻煩的小孩，很小的時候一哭就要半小時！而且還會有很多要求，比如剛出來的遊戲他

就非要買。如果不給他買他就不開心還會一天不說話！上足球班時一定要我送，否則就不肯去！

Ｑ１：在中學時你的學習怎樣？

慶太：這個啊，一般會被說成是不是很努力那種。

Ｑ２：那有沒有考不及格啊？

慶太：嗯，有時後會。

在小三的時候數學考過一個５３分，還被媽媽罵了一頓！(笑)

Ｑ３：那最喜歡哪門學科？

慶太：這個嘛，還是體育吧。

Ｑ４：上課的時候會打瞌睡嗎？

慶太：不大會，但我總會想其他事。或在筆記本上畫畫。  

                                       關於慶太背上的疤！

問：那你闖過什麼禍呢？

慶：有一次媽媽煮好粥，我一直纏着她。後來手一滑把滾燙的粥都倒在了我的背上！
結果衣服和肉都粘在了一起！

問：那不是很可怕嗎！現在還有傷疤嗎？

慶：有的在後背上有塊很大的疤，而且後背的膚色也比較黑！
所以我不大在别人面前赤裸身體！

問：那時你哭嗎？

慶：哭的很厲害！因為那時我才上小2（笑）

又話唔會係人地面前赤裸身體~咁演唱會又除衫~哼>口<!!