EURO 2008

今日又落左成日雨...我11點幾比d雷吵醒..3姨打黎話佢果邊山泥傾瀉-口-'  仲話國國平時用15mins就返到公司..今日用左兩個鐘-.-'  所有E車又停開..成個東涌癱瘓晒咁- -陰公   
琴晚打左blog..訓唔著開左LF睇'   賣吉..終於知道點解舅父會中毒-3-  我用左24小時都無就睇晒9集...真係好好睇架!!  而家又要等下星期4啦'    LF唔係一般講愛情o既劇...真係好睇!!  我力推力推!!     但係入面...小亮做衰人o既-3-   唉...愛一個人怕失去,,管制晒對方所有野...包括工作,,朋友'   有時仲因為對方同某位異性傾多兩句..而發起癲上黎打人...打完人又要後悔..要人返黎'      而對方終於忍受唔住要分手...覺得係比朋友教唆而對對方的朋友做出報仇之類o既行為'       口口聲聲話愛對方...唔可以無左對方....但呢d表現都係愛嗎?!'       怕失去...但又想愛'    好矛盾喔-3-            總之LF真係好好睇!!!

YO!!!  歐洲國家盃開鑼..o岩o岩睇完瑞士vs捷克....主辦國瑞士輸0:1比捷克-3-'   而家葡萄牙vs土耳其開左波啦'       我諗都睇埋先訓啦'        最衰英格蘭入唔到圍-3-人地仲諗住可以再睇下beckham踢波架嘛...唉,,唔開心'

雨雨雨

今日成日都落住雨的...其實我係幾鍾意落雨天-3-     下晝包完野..睇埋命中注定,,無錯...我睇完左2次-.-    望住出面落得好大雨...好有衝動落街淋雨- -    因為令我諗起好多'

夜晚食粥...整左琴晚d粽黎食'    梗係好食-3-     老豆d客先問...點解隻粽咁細隻但入面咁好料~.~'    因為我地著重材料多於d糯米囉   真係好食-3-   

聽晚原本同bbb食飯的..但約唔齊人就取消左...改月中,,廿號左右'   廿號好似落吧啵...咁咪走兩場*v*!?    最好撞埋同一日tim-3-我就唔洗出兩次啦!!'

2j出新牒a_a...好聽-3-   jade + jason!!

捱不到下去
去到你的真相不可以再推
如欺騙下去
會有更多的眼淚
別讓我相信 麻醉
別讓我不肯 壯舉
就讓我知
愛到最後湧得很似水

捱不到下去
去到你的心裡竟找到戰區
如感覺下去
會有太多的畏懼
別讓我死去 有朋友
別讓我風吹 都有家
就讓我知
我愛你再重要
過後淡如水

* 明明期待一雙一對
沒法一雙一對
如千千萬男女
追不到不要追
留下來會是誰
全部舊人在故居
叫我敢於心碎
我可放心流乾眼淚 *
全部護著我不怕你失去


明知要面對
對你那些希冀必須要告吹
如一個面對
我再勇敢都會累
別讓我死去 有朋友
別讓我風吹 都有家
就讓我知
我愛你再重要
過後淡如水

Repeat *

愛愛愛哪種更濃
看那位對我更加好
統統都一生一世
就會一生一世
濃於千萬情侶
追不到不要追
留下來會是誰
全部舊人在故居
天天都可歸去
我可放心流乾眼淚
全部護著我不怕你失去

靜靜讓我知愛我是誰

粽!!

6.6 細細生日快樂@.@
好耐無見你啦..唔知幾時你先得閒應酬下我呢-3-!?

今朝都係咁多電話的-.-呢3日都唔知發咩瘟呢....要知道我熟睡時間係早上5點至11點..d電話搞到我無教好訓/3\'
下晝..命中注定-3-'   我真係由頭睇多次-.-'   中毒好深呀!!!'
仲有幫毛毛剪手手腳腳d毛...佢係咁掙扎..佢一郁我又怕剪到佢就會縮手架啦..搞到我剪到一忽忽-.-不過比我修補過都唔係好明顯o既'   衰仔毛又唔肯梳,,又唔肯剪,,指甲打晒轉就黎插返入肉都唔肯剪..成隻乞兒狗咁=口=  捉佢剪好似驚我地劏佢咁...佢真係發爛渣咬人-.-'     但佢只係得把聲同個勢...d牙掂一掂到你就縮-3-....哎呀..我都唔知要贊佢定鬧佢好啦~.~'   但我真係好錫毛毛-3-   好多人都話我成日偏心毛毛..我認-3-..因為毛毛成日聽我發奴騷...雖然唔知佢明唔明..但當我唔開心就會攬住佢係咁講..仲會攬住佢喊..雖然係咁..但我唔會忽略發仔!!   佢地生日我好矛盾...佢地一年一年咁大..代表要離開o既時間都近左...有時諗...第時佢地要走果陣..我會點....只係諗到呢度就會喊(而家喊緊-3-)..只係諗都喊...到果陣仲唔喊到收唔到聲-3-!?   越愛o既野就越唔想失去'    無論係發仔定毛毛..我都會將佢地火化...之後可以放屋企就會放係屋企...唔可以的話我會灑落海...因為我鍾意海..我見到海就會諗起佢地'   仲一定會同佢地整DNA頸鍊'   我諗除左要珍惜屋企人o既愛..仲有我兩隻寶貝...我都會好好珍惜'  就算我第時再養第隻狗...都唔可以代替到發仔同毛毛係我心入面o既位置!!'

過2日就係端午節,,而唔知幾年前開始..我地都有包粽...今年都唔例外'    夜晚食完飯就包粽...我依然都係包d超細o既粽-口-'   太大隻包唔掂呀嘛'     佘太都過左黎包...包到12點幾呀..而家煮緊呢..要煮成5個鐘.聽日先有得食'   今年d粽落足料..除左最基本的豬腩肉,,糯米,,咸蛋黃同綠豆之外..仲有蝦米,,瑤柱,,花生,,栗子...最重要係加左鮑魚a_a'  我記得有2年無加鮑魚啦..係今年加返'   其實我對鮑魚係麻麻地-3-      年年派比人食..老豆d客同d fd食過話正-3-仲問我地有無~.~'   梗係啦...我地落足料...仲要係100%令料..要知道我老豆係唔會拎cheap野出黎賣..更何況係自己食,,所以爹娘都教我食係唔可以慳..最緊要好食同值得!!(ling姐聽過我講呢番說話聽到煩-_-)    呀媽話今晚包果d係自己食同派o既...星期2應該仲會包多次..係會拎比婆婆佢地食o既'

今晚拎正牌可以夜訓..因為幫呀媽睇火a_a'    但我係不停打呵欠的-3-
唔訓有咩做呢!?

誰沒有　盲目過　然後再
麻木過要恭賀得到比失去多
沉澱過　明白過　只不過
花開過　最想念仍然是無花果

人有時愛痛楚
太自覺可憐偏卻沒幫助
誰人憑甚麼
會令誰永世困在最初

證實要放棄過去至找到未來
曾被愛同樣有權分開

拒絕悔改
會給感性所害

一生本應該活在現在
誰每日能開心喝采
最可惜理論如何精彩
那寂寞如何忍耐

愛情萬歲

朝早依然好多電話的-_-真係有一刻好想打爆個電話佢,,,阻我發好夢-3-'
下晝無咩好做..食完飯睇電影1台...套戲爛到我超想訓..賣吉!!    但無奶油睇睇下就做完唔睇架!?  點知個結局仲爛=.=忽!!捱完套戲諗住訓下..點知工人拎左野返黎包-.-   又開工!!'
6點幾返左房...無咩做睇w-inds.M其實我睇過第一集..但覺得好沒趣就無理呢個節目了-3-'   但最近見到佢地介紹返佢地最愛o既漫畫同game..dl黎睇下'  點知好鬼好笑囉a.a'    涼平雖然成日沉默..但佢突然爆d野出黎係好好笑xD'  龍一同慶太就唔洗講啦..佢地就愛炒熱氣氛o既'   知道左佢地最愛o既game..同細佬一齊睇的...有咩唔明問佢最清楚a_a'   發覺3子...NDSL,,PSP,,PS3,,PS2,,wii,,XBOX....咩機都有囉-_-'  慶太仲話涼平:::把PS3當成裝飾品的人會推薦game嗎!?" xDD'   當然有介紹佢地最愛o既FF,,MONSTER HUNTER,,WINNING ELEVEN...龍一最愛車game!!   仲知道埋3子最鍾意o既漫畫...3子中..龍一最鍾意漫畫...佢睇果d仲係好有深度=.=好似MONSTER..果陣我睇動畫都唔明講乜-.-'    涼平都係愛少女風d..灌籃高手,,四葉遊戲...涼平鍾意d傷感d-3-係一個超級安達充粉絲!!'   慶太果d係要有超能力..異如常人...好似七龍珠,,HUNTER X HUNTER同BLACK CAT..就係佢至愛'   HUNTER X HUNTER果陣我都有睇電視架-3-'
o岩o岩仲睇左套愛情萬歲..佢果陣上我都想去睇...但又懶得出去-.-'   套野幾得...3個男主角仲得a_a'    仲有d愛上jason ..so cute >v<'   我會買牒或者租牒睇多次!!

同5姨傾電話-3-...傾上船果d..同我感情生活-_-'  賣吉..target都無..何來有感情-口-'  點知又摷返某人丙出黎-.-但又真係比佢估中左果下先死= =' 但我強調好多次係朋友o既關心姐-3-朋友..朋友...係朋友..ok!?!  邊個問起都係咁答架啦-3-'  係就係仲有d咩...但斬緊架啦-3-  而佢再強調:::你唔可以比仔耍架話比你聽!!'(自佢知某人丙o既出現就不停repeat再repeat呢句說話-_-)   係係..收到晒!! 最多應承你唔理咁多囉'      所以一有男朋友要比佢過目左先-3-  9個兒甥入面..5姨最錫係我同細佬...佢自己都話唔知點解-3- 不過...有人錫係好事黎o既'

你施舍的寂寞 讓我比一無所有更難過..

眼訓

6.4   ka嘉加+加ka嘉,,生日快樂a_a!!

今朝8點幾呀媽就叫細佬起身..搞到嘈醒埋我-_-'           10點幾同nono傾左陣電話啦'  之後斷斷續續訓到點幾..起身食過飯...洗個頭..等雨停就過左北區e院探病-3-    dee入左e院嘛'   同佢傾到6點幾閃...超大雨的-口-'   係門口等到無咁大雨就急步返屋企'   行行下有個好心o既呀叔遮埋我返黎@.@  返到黎發現有ok多野包-.-放低d野就開工'

原本想搵婆婆..問佢21號上船好無...但婆婆手提唔通..公公又話佢出左街    因為我想上船呀-3-最好幾日tim..仲要比埋個露台房我..只要對住個海,,,有無人陪我都唔緊要的'   最近真的好心煩-3-..想吹吹海風放鬆下'     5姨都唔知上唔上呢'

o岩o岩睇完change....開始好睇啦..但日本政治都唔係好明-.-  唔好話日本..香港o既都唔係好明啦-0-"
琴晚都比ling姐引誘..睇返命中注定第一集-3-'   真係好好睇架呢=3=

發覺樓下d蚊好似好憎我...我次次出街..一出電梯就一定黎針我..仲要次次都雞蛋咁大粒蚊難-_- wtf!?!?

唔知仲有咩好打了-_-先睡!!