最近我既經濟狀況很差,原因係月頭買了太多心頭好,又經常同朋友吃飯，
加上又要儲錢考領隊牌 (我覺得自己俾錢去考先有意義)
又要為我既「西伯利亞鐵路之旅」籌備旅費
所以宜家既我真係好痛苦,不過就培養左我跑步的習慣
其實由細到大體能都好差
以前讀中學時,每星期都有一次既體育堂,即係代表我星期都有一次既運動
但畢業後,我的運動次數近乎零
前一排又發生了很多事(e.g.失戀,考試)(詳見前幾篇文章),於是狂食甜品減壓
睇返以前既相,先知道自已已經肥到變晒樣,一照鏡都明顯地覺得自己肥左好多,於是我決定要做下運動
其實如果只係因為減肥,我係下定唔到決心,
而今次可以令我下定決心既原因係:
1.我想去西藏 
(有哮喘係唔適合到西藏旅遊,但偏偏西藏風景好吸引我,所以希望藉住跑步黎增強心肺功能,去到當地唔會出現嚴重既高山反應)
2.我想睇下自己連續一個月跑步,身體會有咩變化
3.我真係想減磅

已經連續跑左一星期,感覺十分良好,仲愛上呢種運動!
加上宜家係秋天,夜晚跑步真係好正!
琴晚應朋友邀約,由荃灣跑去深井
第一次跑呢條路線,不過我始終都比較喜歡跑青衣,可能我功力未夠深厚,跑咁遠有點吃力

最後送上汀九夜景圖一幅