墨兜兜(隻眼勁得意) ↓
琴晚打完blog之後係度打GVG打打下聽到有人大叫『2902火燭』,嚇都比佢嚇死,跟住入去我老豆老母間房叫醒佢地之後成層d人走曬,我同我老豆走左上去29樓睇下,原來係唔記得熄火,本來以為冇人係到,消隊員黎爆門入去原來有人係到,大佬你文唔到有味你都聽到人大叫呀,搞完一大餐決定我番落去打機,唔知係咪我把烏鴉口靈呢,我早兩日先問完我呀媽我地個座有冇火燭過,下次都係問我呀媽有冇中過六合彩算了,都係艾火燭哥個仆街好心你冇火又點會係火燭呢!
今日又係一年影十次相既其中一次晨咁做番去影相,番去坐左成粒鐘先開始影,影得個三十秒就走得,正仆街,今日個銀包得番十蚊聽日同後日真係要吃屎!
派左兩日卷d成績都唔錯,不過我都冇擔心過,我呢d咁既好學生日日放學就同呀豐去打機,打機打到好似食藥咁,一日打四次,每四個鐘頭打一次,我呢d天才打天才波唔洗溫書都咁高分,最高分個科有成36分!勁呢!