今日放學本來唸住同豐豐去網吧打機，打到五點到就返學校四社BBQ，點知個MISS江叫我抄十次『荷塘月色』十次，十次呀大佬點抄呀！仲要星期六照早七點半前交，所以冇去到打機，返左屋企換衫，之後同呀豐豐去長發體育館換衫，點知佢冇帶鞋，跟住又返我屋企搵對鞋比佢，搵左對VANS比佢，我老豆話我都著唔落，叫我比左佢，勁O。之後返左去燒野食，個爐搞左半個鐘先得，因為得我同豐豐搞，成班大小姐坐係到叫我地快D，燒到就完場比人捉左去玩遊戲，用三支飲管合成一支鬼死咁長既飲管鬥快飲完支可樂，飲到想嘔呀，救命！不過都幾好玩啦！