呢幾日都係度做財務份報告，真係煩死人了! 真不明白哥d做account既人點解可以日日對住盤數!  呢幾日連blog都無時間打，其實次次上黎都好想打，但右唔想剩係打一兩句就算，所以最終都係無打...

係時候講返上星期日既母親節喇~ 同左爹D、媽咪、婆婆去陶陶居飲茶，好奈都未返過去喇~ 真係人人都咁多人飲，重要係母親節，好彩爹D一早叫左經理留位 如果唔係有排等~ 一坐低就見到D阿E，佢地都認得我呀!! 阿E仲叫我23號返去幫手，可惜我第二日要考試了，如果唔係我都會返去既~ 跟住我地就叫野食，一定要叫我至愛食既流沙包、蝦腸、雲吞雞、煎糯米雞.......叫左好多，最後好彩都食得曬，因為有爹D係度!! 食完就同媽咪、婆婆去行街，好想買返部手機比佢呀，佢成日出街無電話都好唔方便，但係右要等我出左糧先喇~

次次返親去陶陶居，都會諗起我地以前一齊做野開心既日子，那裡是我們認識的地方，雖然唔知道你仲記唔記得，不過呢d都係我地以為怏樂既回憶，她永遠都會在我心裡的~~

今日係科大返學既last day~ 下個sem d班全部都係曬持教上，話就話近d，但係係哥度上堂完全無曬大學feel，右無圖書館用，專屬國旅既N座我地只可以用得一年，今天是last day，我地成班都有同miss 阿sir影相，真係好少可，好似中學之後都未試過咁多同學仔一齊影相了~ 跟住我地自己仲係N座哥度影左好奈，好似搞到以後都無得返科大咁，但其實我地EXAM都要返黎~~

放學就去左唱K，我恨左好奈架喇~~ 唱唔到朝早，不過下午都好抵，$48一位，有兩杯野飲，仲有$15下午茶買一送一，真係可以食飽人架!! 我地個個都無食lunch就去左唱~~ 我地唱完sorry sorry右唱nobody(亂咁唱)， 但係3個鐘真係唔夠呀...  好想再唱多次~~

呢排要用好多錢呀，聽日同下星期一右要出左食飯，下個星期S.H.E既fly要買喇，不過我都唔會買咁貴~ 而家Market哥度一week得3日有工返，真係要揾多份工黎做至得喇~ 聽講 Physical請人，去填下Reception都好，反正都未做過，再唔揾多份真係草唔到錢喇...

   看到我嗎?? 阿sir既11點位置...

果然不出我所料，做曬噁心嚦血既project之後，我其實已經虛脫了~~ 但為左要去睇小豬既演唱會，我點都要睇埋返黎先病我既~ 唉，好奈都未試過病了，真係一係就唔黎，一黎親就大獲野~~ 今日咳出黎d啖右有d血喇!  我已經分唔出佢究竟係留牙血定係真係喉嚨度咳出黎~ 兩年前已經試過咳出血喇~ 千祈唔好比我返番哥陣咁呀~  真係會好辛苦... 希望我可以快d好番呀~~

快d好番之後仲有兩份project要做，真攞命，睇怕我的組員右要在交project既前一晚在我家待到天光了~~  不過唔緊要喇，右有人請食宵夜!! 呵呵~~ 我地係TEAM黎架ma~ 點都要一齊撐到底既~~~

講返小豬個演唱會，d 3D效果都OK既，但其實講真并無我想象中咁3D lo~同埋向舞后致敬哥part佢係對嘴既!(我同傻欣都覺得) ~ 但我地真係唔敢同ｄ豬迷講，講左我地應該會比佢地打死~哈哈!　 但整體黎講都好好睇，話曬都第一位歌手既３Ｄ演唱會wo~ 他也太帥了吧! 真的受不了耶!! 仲有哥段片影佢5歲係度表現打鼓，好可愛哦~ 同埋佢哥個婚紗look，真係頂唔順~

不過最遺憾既就係見唔到丞琳做嘉賓，佢做5月1號哥場，我就睇4月30號哥場，只係爭一晚咋~ 咁都撞唔正，雖然話就話只係嘉賓，真正主場既係小豬，但比同一樣既價錢，但係就見唔到丞琳，諗起都覺得好"舌"呀 不過我睇哥場係孫燕姿做嘉賓，都唔錯既~ 但最搞笑既就係唱到最尾既時候，我地全部都唔肯走，仲不停叫"ENCORE"，搞到佢要走出黎同我地清唱番首"生理時鍾"，佢仲話"我不是陳奕迅耶，你們快點回去睡覺!"  真係好搞笑~ 之後我地先乖乖地咁離場~ 我諗如果佢唔出多黎一次，我地一定賴死唔走tim~~

唉~ 呢排真係好忙呀~ 忙到街都無得出~ 好想出大陸行下呀，唔買野睇下都好呀ma!!  如果下個星期做埋d project就可以出喇!! 一定要趁有時間去下街，仲有唱k呀，好奈無去唱喇!!  要趁考試之前去唱一下~~

死喇~講到咁興奮，完全唔記得自己都未病好  要好好休息了~ 明天11點還要選科，我部電腦咁慢，都唔知選唔選到tim呀~ 有無人可以幫下我呀??

今天才醒覺，也許你并沒有我想象中那麼好......

琴日終於都完成左兩件任務，就係HR Mid-term同埋會展三千字~ 講返個HR考試，多得同學仔比左貓紙我，如果唔係我問答哥PART真係死梗，開頭都唔知出唔出到架，點知今次真係好誇張LO~ 基本上無一個人今次唔出的，MISS請左假無返，有兩個助教，一個就係咁比TIPS我地，應該係MISS叫佢既，因為之前哥班MISS都會比，今次佢唔係度，個助教就掛住一個個走埋黎比tips我地，另一個助教就掛住睇個電腦，見到我地出貓仲係度笑，完全唔理我地~~ 而比tips我地哥個助教就係咁叫我地唔好出貓，再出就唔比tips我地，但係我地仍然都你咁出，今次連紙巾都出埋黎當貓紙，真誇張~ 其實開頭我都無諗住出架，但係問答哥part真係溫唔曬，至於填充全部都係我自己做架~我前一晚都溫到通宵，都算對得住自己喇掛~ 好過有d人真係完全無溫過就等出貓啦~~ 總之今次考試就好似變左做課堂練習咁~ 之後亦都唔會再有咁荀既事~ 因為miss話final exam好難~ 今次比tips應該係想我地個期中考可以攞高d分~

呢排既心情右好低落喇~ 仲要我對住一大堆既報告...

有苦說不出，到底有無人明白我的感受呀~~