今日測既係OB(組織行為學), 話就話出貓, 其實都唔出得幾多, 見到有幾個同學仔比人捉左已經好驚喇~ 我都唔敢攞出黎睇喇~
不過好采我有溫習, d短答我都識答, 長答惟有老吹啦~ but佢係英文, so我諗我d文法應該會錯曬~ 監考哥個女人超串lo~ 點解次次exam都要撞正佢, 上次hotel study右係佢~ 跟住趁佢走上前哥陣拿拿林抄番幾野~ 最後連Jimmy都交卷了, 咁我都要交卷了~ 因為佢咁大隻,坐我前邊可以遮住我出貓呀MA~ 佢走左我留係度都無意思啦~ 要吹既都吹曬啦~ 右出唔唔到貓, 咁惟有走啦~

  到大家都出左黎, 就即刻睇下d"縮印"有無漏到係課室, 我仲好忘形咁係走廊度講出貓既野, 直至朋友仔叫我停我先識停, 睇黎我完全無當出貓係一件唔見得光既事~ 死啦~ 覺得我地好似好衰咁, 明明比曬範圍我地溫都要出貓, 不過無計啦, 而家趨勢唔同左, 以前中學哥陣有人出貓, 都會好驚奇咁話 "下, 有人出貓呀" , 但係而家一到text, 就會聽到 "下, 你唔係唔出貓呀?" 哼~真係屈機~ 不過我都唔算係成日出貓既人~
  不過考完就算啦~ 放學同左cherry去街, 去買卸妝液哥陣, 哥個女仔右問我"你係咪中學畢左業架喇?" , 我呆左咁望住佢, 跟住我同佢講話我讀大三了,佢右即刻同我講sorry~ 其實已經有好多人問過我呢個問題架喇~~不過算啦~ 證明我個樣都仲好細個~~呵呵~~
  明天同cherry慶祝生日, 唔知我地送比你既野你like唔like呢??
  還有4月1號, 祥祥既廣州簽唱會, 我地右要繼續crazy了~~哈哈~~~ but我要聲明我并不是最crazy的一堆, 要說她們可是crazy得非常恐怖呢~我同傻欣已經是佢地之中最理智架喇~ hehe...

慕橙說："在大富翁的遊戲里，命運跟機會都有十六張牌，抽到的機率都是50%，我們兩個的愛情就像抽到了機會，可以相愛，只不過，馬上右抽到這樣子的命運，但是遊戲還沒有結束不是嗎？不管"祂"給了我們什麼樣的命運，只要在遊戲還沒有結束之前，我們都沒有放棄，這樣就會有機會可以贏的"

可惜，你選擇先放棄了~ 那我該怎麼辦才好

番開舊日的照片~~感覺很溫暖~彷彿你就在我的身邊一樣......

我右感冒了~點解年年新年都要我病一次先安樂架~上上年係支氣管炎, 上年就係咁流鼻水, 今年右咳右喉嚨痛, 天氣好凍, 隻腳右好痛~ 真難受~~ 不過呢幾日已經暖左好多喇~~

返到黎一直唔得閒打blog~ 講返新年, 年三十就同屋企人返左廣州~　跟住就係咁拜年，　係咁收利是∼　年初三就同左表姐去睇戲, 原來廣州睇戲仲貴過澳門呀~　不過有一樣抵既就係睇阿凡達既3D $60就可以睇到喇~ 平過香港好多~ 第一次連續睇兩部戲, 睇完"72家租客" 再睇 "花田喜事", 笑足幾個鐘~ 不過"花田喜事"實在太過胡鬧啦(雖然喜劇都係胡鬧開)~ 都係"72家租客"好睇D, 廖碧兒係入邊真係好醜呀~ 

返左廣州逗左好多利是好開心~ 不過亦因為咁而無左三工兼勤工獎, 無三工唔緊要, 但係勤工獎係我一個鐘28蚊人工既其中3蚊~ 即係我今個月只係25蚊一個鐘~ 人工都已經唔高架啦!!  再比佢扣一扣, 真係唔得掂~~~ 好采有利是補返~~ 不過就算係咁我新年都唔想返工架喇~

琴日去M記傾project既時候, 發現仲有"麥樂會", 跟住就即刻登記~ 仲買左一張鬆A鬆B既卡~ 雖然唔會成日用, 但入邊有D配搭都幾抵~ 右無限次用到5月9號~ 所以咪買左佢lo~ 10蚊右唔係貴~ 張卡仲係多啦A夢既12生肖黎架~ 幾得意~ 我就買左免仔同雞仔哥張~

老虎仔哥張都好得意架~

琴晚右係度睇海派甜心~ 右睇到喊...睇到達浪同寶茱係火場救返出黎, 真係好慘,  明明兩個人相愛但右會有咁多波折~ 睇住佢地, 就諗起你同我.. 如果命運要我地好似偶像劇咁會有咁多波折既, 我好希望最尾會有一個Happy Ending, 好似達浪同寶茱咁~~雖然話偶像劇不能當真, 但我想說我地呢一年既經歷, 我諗都可以拍成偶像劇了~~唉~  

其實哥晚係我跌親而你無回頭過來看我哥一刻, 我真係好憎你~~我覺得自己好傻... 但之後回到家, 再想一想...就無嬲你lu~ 因為我是最了解你的人, 我明白你在想什麼, 同埋呢d都係我心甘情願為你付出的~ 不過你今次右真係絕左d既, 因為真係幾痛...haha~~但我亦都知道我唔應該再迫你了, 我再迫你既只會令到你更加難受...這樣既我就更加唔配去喜歡你...不是嗎?

頭先沖涼既時候, 因為個傷口唔可以濕水, 所以要單住腳黎沖, 沖下沖下...右係度發呆, 爭d滑倒落地下~ 真係嚇鬼死我! 好采最尾無事咋~ 都怪自己成日發呆, 諗埋曬d無聊野...

隻腳仲未好返, 哥晚返到去唔知係咪無即時消毒, 搞到個傷口好痛, 屋企右無咩消毒既野, 只係得支過左期既雙氧水, 但媽咪話右唔係食落肚既, 過左期應該都唔怕, 況且右無得選擇, 所以惟有用佢黎消毒, 跟住第二日就返左廣州, 都無咩點理個傷口~ 至於瘀左哥撻老豆就用藥酒幫我卒, 真係痛鬼死我, 不過而家好番好多, 已經卒散曬d瘀血喇~ 但係個傷口個度都唔知點解, 明明查左紫藥水, 結左焦, 但到而家都仲係好痛...... 快點讓我好番吧~~返工右要執貨啦...

忙左成個星期, 終於都放假喇! haha... 上個星期五去左同傻欣, Yennis, Ivan去食飯同唱K~ 去左咖哩屋食, 原來咖哩屋真係好食過番茄屋好多... 一早就應該去哥度食啦~ 跟住食完就去左Neway唱K, 我地同佢講可唔可以要間有洗手間既房, 佢話OK~ 咁我地咪以為佢會比間有洗手間既細房比我地LO, 至多咪大dd~ 點知佢一開門, 我地全部呆曬~ 間房真係超大呀...仲要係我上次生日哥間房既兩倍~ 而且重點係我地得四個人咋~~ 所以我地一入到去就high左好奈先開始唱~~哈哈...真白痴~

哥晚係星期五, 所以一個人要98蚊, 但係唱得3個鍾就趕我地走喇, 如果係平時d細房都可以唱多半個鍾到, 一定係嚴我地曬佢d電啦(佢有三部電視), 不過比多20蚊可以見識到間咁大既房都值得既 ~ 不過我原本一心想去唱"匿名的朋友"架ma~ 點知仲未出~ 好采都有"愛的主場秀

'同"In your eyes"唱~ 唱左三個鐘都唔夠侯就要走lu~　

前日返工, 返左超級多貨呀~ 因為新年要返多d, 痴線架~ 多到連後門都睇唔到~ 都唔知佢做咩返咁鬼多海綿寶寶, 不過我從來都未試過比咁多海綿寶寶圍住我~ 真係幾誇張~

琴日終於都約岩時間去同大學既朋友仔去食團年飯啦~~仲影左d幾白痴既相~ Facebook應該有post上去~

唉~琴晚右發惡夢...發夢你已經放棄左我, 去同左第二個女仔一齊~後尾先知道原來係發夢...我都好希望而家我都係度發緊夢, 醒來會有個好的結局...

一陣要返工了~右唔知有幾多公仔比我執...而家去陪我既小表妹去拿身份證(佢係廣州黎架), 佢已經係正式既澳門人喇~~