就黎返學啦~~仲有一樣功課未做.......中文讀書報告~~諗唔到點寫呀!! 其實仲有幾頁功課未做~~不過比個衰仔.....冇得做..........

今日一日三餐都係食同一樣野~~成日淨係做過三樣野.....食飯......打機......仲有傾電話..因為~~劉駿傑條女成日打比我......我都唔明......點解佢要打比我...又唔打比劉駿傑........最慘ge係......佢同佢家姐聽黎聽去都係o個首"心亂如麻"~~唉.....一路傾佢就一路聽........聽到厭啦!!

今朝.......9點起身......因為要去劉駿傑度行街..........搭地鐵去到.........搵到佢同死肥熙.........之後劉駿傑咪打比佢條女囉..........等左陣就見到佢地........有成四個女仔.........點知死肥熙之前"話"好鍾意果個出現左.......就即刻淆晒底話要走....唉.........之後就.........都唔係好想講.............劉駿傑又唔同佢條女講野.....咁佢條女又唔同佢講野.........之後肥熙因為唔想見到佢就係咁話要去踢波........咁我地行先.......跟住佢地班女仔又跟住黎,.......係勁無奈囉......大家唔講野....又要跟住....之後跟住劉駿傑去踢波囉.............唉......班女仔又o係度睇我地踢波.......之後踢左個幾鐘......班女仔走左.....劉駿傑又話要去搵返佢地.........咁我又唔想踢.........咪去左商場搵佢地.......真係越諗越白痴.......搵到佢地....劉駿傑又唔同講野......之後佢又唔理佢地.......走去食m記.........點知班女仔又跟住黎.........真係...........唉.........食完野........又去多次踢波........咁班女仔.......又跟住啦.........點知踢踢下.........劉傑成家人黎晒.............咁佢地就坐左o係度一陣.........跟住佢呀爸就叫左我同肥熙過去佢呀媽度.........囉完利是....佢呀媽就問我識唔識果班女仔.........我地梗係話唔識啦..........之後又問點解我同佢傾計.....我咪話"係佢地過黎同"聊"我地".........嚇死我.....幾驚比佢揭穿左.......咁就大件事啦..........佢呀媽以後實唔比佢出街嫁.......之後踢到1:45就走lu.........因為趕住去睇戲.........肥馮打比我.......話有多個女仔黎......又有許子俊黎......早知就唔叫死肥熙黎啦.....咁佢地就要買多張飛.....咁飛到去戲院就入場lu...........睇魔幻王國..........套戲...都唔知點講~悶又話唔算悶.....但係係個節奏慢左d囉.....不過d特技又真係勁正.......都幾好睇ge.......睇完之後.....就....唔知佢地去邊......行下行下...肥馮條女就話...要去旺角....咁就帶左佢去搭車....跟住就去許子俊屋企....o係麗晶.......咁我地就搭的士去....上左車....肥馮就同個司機講(九龍灣麗晶花園呀唔該)....點知個司機狂問(邊度話?你大聲d啦?咩呀?)咁樣....問左勁多次......咁我地成班人以為個司機聽唔到要去邊.......就越講越大聲.......點知....坐車頭ge許子俊話...原來個司機傾緊電話...唔係聽唔到我地講野...超搞gag.....落車之後就上去屋企...玩CS....第一次玩ge我竟然贏左....跟住逐個輪住玩.....班人又狂爆粗.....我勁奇怪點解佢屋企有個女人...但係佢地爆粗個女人都唔理.....原來係佢...~~工人~~...........之後就散lu.....同肥馮搭車去德福.........坐左o個噴水池前面傾計.....好似d流浪漢咁...冇屋企返.......傾完野就周圍行下.....跟住就返屋企lu.........

講真.......其實放假都唔係幾好......覺得個人有d頹廢.......今日又12點先起身.........因為我呀媽煮左野食......所以我逼住要起身食野.........食完野.........咪又係玩下電腦咁囉.........叫"郁停"sd左d歌比我聽...........之後尖頭打黎.....話要練波....好開心........因為好耐未踢過波........咁我玩多陣電腦等夠鐘就執野落去lu.............行到去巴士站先四點.........仲有半個鐘.........咁我見冇巴士..........就決定行去九龍灣.....當熱身都好呀!! .....但係真係好熱....成20度......唉.......o係行緊ge途中......我一路行一路望住地下一路諗緊野......無啦啦有嫁車駛出黎wo~~好彩佢停得快....又或者係因為佢駛得慢所以先停得切..........如果唔係真係比佢車死 =="..咁就再見唔到大家 ><........行到過去......換完3........呀"低B"話同我、尖頭同陳嘉X鬥跑......跑左兩個圈.......我跑得最快...kaka~贏左B grade ge"低b"............今次比賽.....踢左個"1331"陣式........以後都係咁踢......我開頭做"左中堅"......踢得好白痴........唔知點解.........總之就不在狀態啦......原來我d傷風真係未好返~頂!!  咁之後又踢上一格打左閘.........都係差唔多啦......韋建樂超搞gag..........又咩後腳面傳球.......仲有"凌空倒後解圍"......仲之就超勁.........不過我地12個打佢地7個.....都係輸.....林浩陽太勁lu.........扭晒後防咁多個.........仲有球射死角.....

踢完就返屋企.......我搭緊車打比我呀媽.....我問佢o係邊.....佢就話(o係屋企囉~我唔出黎嫁啦......."~咁佢咁講.....我就返屋企啦......點知我一返到去....佢就話(我地落去買野啦~~).....頂.....頭先先話唔出去.....我一返黎又叫我落去.........咁就落左去食野.....之後行左好耐.....佢睇野睇左好耐...但係睇完又唔買野bo.......行到去三聯.......睇左本《死前要做的99件事》.....我想叫佢買比我....佢又話新年買d咁ge書做嘜.......咁就走囉.........跟住又要去惠康買野......唉......真係慘......佢次次去都買勁多野......好似真係覺得自己d錢多得滯..........返到屋企.....都係咁嫁啦...........不過隻腳唔係好行到..........好似大腿內側扭傷左........又抽筋.....死得............