前陣子有聖誕，除夕，呢兩個大日子，都係平淡咁過，到今日一月三號，係我生日，雖然孤單一個人，但好開心，我身邊既人，我既好朋友令我感覺到幸福，暖在心頭的感覺。
我阿姨，第一個同我講生日快樂的，有封利是，利是入面仲有張卡，好開心阿姨寫左段野比我。好感動。
好多謝廢傑一早打長途電話比我，朋友之間並不需要時常痴在一齊既，只要有心，友誼就長存。
好多謝hidy，汶琪send sms比我，情侶做唔成，都可以做朋友，雖然大家都有大家既世界，不同既生活方式，
其實我最期望既係jojo既祝福，今日下午有一個未知來電，我一見到未知來電我個心底入面就覺得可能係jojo打黎，呢個鈴聲一響，就代表jojo同我講生日快樂一樣，個鈴聲只係響左一陣，但係我個心就覺得係我自己想得太遠丫，
定係事實真係咁樣呢！
其實大大話話我同jojo都分開左三年喇，但係我個心一直都有佢既影子，洗不掉似的，我算唔算好長情，雖然我之後同汶琪拍拖，但係我想講既係，就算分左手都唔代表我唔繼續鐘意佢，去關心，去愛佢。
分手只係佢單方面既決定。我唔明既有兩樣野，第一係jojo又結左緍，女都生埋，點解連朋友都唔可以做呢！
第二係，當一對情侶一齊，唔係認定左對方，唔會見異思遷既咩，我自己黎講就唔會勒。
仲有好多謝各位關心我，同我講過生日快樂既老友記，昆少呀，思妹呀，韜哥呀，小兒呀，ray少呀等等‥
肥中同阿yen，你地都係我既好好朋友，我都唔想為左一d誤會而搞到我地之間無左一段咁長既友誼。
傑同miriam，你地之間既事，都不阻我們之間既朋友關係‥
|
