早睡早起既習慣都未見起色，add oil pls，起左身，今日精神唔錯，消磨完一輪時間後，拿起電話打出去呢，又係未見起色，皇后我留左手機號碼，佢話有位會覆我‥伊藤家唔知呢幾日會唔會打比我呢，italian tomato唔知點見，打去d人話如果請人會在門市post出黎喎，東海堂係最大希望既一間，知道地址可以上去見，如無意外會在土瓜灣工作，星期一先去見好嗎？無架喇，等我打比大佬智再問下，幫我撘下路呢。唯有係咁好了‥

好鐘意在家既感覺，家人返到黎仲好，一家三口在睇電視係個幾好既時光，心花放啦、大長今短說、大長今，之後仲可能有d有趣既電視節目睇添。

今朝睇完汶琪個日記，汶琪所寫既令我好開心，不過我驚這就是女性口不對心既表現呢‥我知您明白我的，最緊要係hqi jbmc p jbmc ytap cytg ytap eyk mgtmc hapi rsp ！！jkp g janl ohvf rtm yrhjr krd rdln ‥

琴日聽到心花放首插曲，覺得幾好聽，在度分享下啦‥

心裡話(心花放插曲) 陶大宇,郭可盈,陳豪,廖碧兒

陶：相信一個她　心愛一個她　不需要害怕
　　世事變萬化　信是個辦法　對嗎
　　天氣雖再差　聽你心裡話　離開陰天的落霞
　　如心花放　漫天都開滿花

郭：知道需要他　知道心愛她　偏偏太害怕
　　愛又似霧散　暗地裡自覺　笑話
　　經過風與沙　飄過冬與夏　晴空中千色艷霞
　　從心坎覺悟愛是何驚訝

合：星與月　何年何月變卦　真愛不偏差
　　不再孤單終極一煞　無顧慮與分隔
　　心裡面無窮無盡說話嗎　一句真的愛他
　　釋放心花不用掙扎　無悔沒有糟蹋　快樂嗎

廖：心愛心愛嗎　心掛心掛他
　　天天笑著掛　笑話說盡嗎
　　愛別愛認吧　要誇

陳：不愛風雨嗎　真摯的對話
　　無須一刻總調查　從今天以後永伴隨好嗎

合：星與月　何年何月變卦　真愛不偏差
　　不再孤單終極一煞　無顧慮與分隔
　　心裡面無窮無盡說話嗎　一句真的愛他
　　釋放心花不用掙扎　忘卻自我抑壓
　　心愛他　常牽掛
　　求心花放願一生快樂嗎

     ^~~~^                        ^,,,,,,^
(     。    3。)    　︻︻      (•w   •   )
<___  ____==>  ◣◢ <==_____..>
  ｜d｜  ｜P｜                    /   MK     \

_______________________________________

我連開心呢兩個字都忘記了，人係為左洗錢先去搵錢的，搵錢唔係代表人生，要o係工作中尋找樂趣係一件樂事，希望快d可以有工作呢，人最緊係要開開心心呢，人生短暫，及時行樂，活在當下，珍惜現在！！

正所謂一日之計在於晨，我日日都訓到黃朝白晏咁樣係唔掂架。所以我就要強迫自己實行呢個早起早睡既習慣喇，我計過，一日廿四小時，訓八個鐘已經好夠架喇年青人黎講，咁即係淨返十六個鐘頭啦，一日有十六個鐘頭用，將十六除八，一日要飲八大杯開水，即係兩粒鐘就要飲一杯，再加起身飲一杯，沖完涼飲一杯，臨訓飲一杯，即係total十一杯，問你死未，咁就稱之為飲水治療法也！

一點訓即係九點鐘就起身，睇下我呢個超級懶虫會唔會起到身‥

我發覺唔見汶琪，個人反而會成日掛住佢，所以我都覺得咁樣好過成日見，但係咁樣喎，感情都要keep住先得架喎，物極必反丫嘛‥

我成日都同自己講，一樣野結束，咁即係代表另一樣野開始，但係其實人生入面有好多野開始同結束，咁即係其實每個人一出世就已經開始左，真到瓜先至係結束呢‥我都唔知自己想講乜，您明白嗎？

今日睇電視發現左兩個廣告超爆笑，真係笑到我look o係度，第一個係有個保險公司既廣告，有個媽咪幫個仔仔著衫仔，將件衫笠落個bb個頭度，佢就變大個左喇，大個都唔打緊，重要係個醜樣既男人，個媽咪即刻o晒咀呀，我當堂笑到食唔到飯呀。另一個係新既益力多廣告，講個細佬賽跑，跑道旁有d啦啦隊o係度打氣，個細佬一路比賽一路跑呀跑呀咁，但係佢又見住個啦啦仔o係跑道旁一路跑一路同佢打氣，仲要跑得快過佢，我睇完呢個廣告二話不說即刻噴飯呀，痴線架，d導演無野作亂咁作架，勁低能，但係學我媽咪話"你都話佢低能，咁你即係中左佢計啦。"咁又係呢！

勇氣同決心係我所久缺的。

日文比我感覺係一樣難學同學費貴既野。

仲有呀汶琪o個d電話費爆得粉強的，我自己o個張都唔知點算好呀‥

今日一開眼就成點幾‥又係梳洗兼飲水，起身睇電視呀，打左陣機呀，再上網呀咁囉‥之後同汶琪傾左陣電話就開始食晏呢‥

無無聊聊又過左大半天，我就拎左前日拎返黎既招職睇下有無工適合我啦，點知成本得一份係做餅‥係double star既‥仲要有十年經驗，乜乜乜物咁‥總之無乜幫助呢。

飯後上網搵工，首先去左勞工處度搵，西餅師父都無空缺既，之後自己諗諗下不如搵晒香港既餅店，間間都去in下，實有一間容納到我掛。咁我就開始搵‥搵到有beard papa呢間係淨賣puff架，離遠都聞到陣香味既呢，可以話係香到臭架‥不過間野原來好強的，好似"牡丹樓"咁食野加錢可以換禮品架‥d禮品仲幾靚添架喎，有美心啦，呢間太大唔係幾岩我，A-1我都仲未搵到佢既資料，皇后我就覺得幾好架，high high地，d餅都ok靚架，山崎都係未搵到資料，伊藤家我前日見左啦，大班都唔錯，但係個feel唔好，italian tomato呢間我鐘意，但係又係無資料，東海堂我會撘丁仔幫我囉，佢岩岩唔做咋，聽佢講間公司都唔係咁差嗟，凱施我覺得鋪仔feel，唔掂，聖安娜大間啦唔駛講，超羣你唔講我以為執左喇，mrs fields淨cookies同muffin我覺得唔係咁好，君蘭，幾高人工都唔q返去了，domie呢間唔知咩黎，但ok出名，唔知會唔會請人呢？金龍船，大陸care唔掂！

總結黎講得皇后、italian tomato同domie呢三間係我好想去做的‥仲有double star同starbucks呢兩間cafe我都想去做餅，聽日我會打電話去問一問架喇，繼續加油呢！！

汶琪，我要快d有份工咁先會有銀兩同你出街架，所以你要忍耐下喇，同埋希望你返工唔好成日ot咁辛苦啦，我都會企o係你o個邊支持你架‥

早睡早起、飲水治療法同終極慳儉計劃開始喇‥仲有呀，我都幾有興趣學日文的呢！

今朝諗住十點鐘就起身架喇，但係一直訓到十二點，汶琪豬先打個電話黎叫醒我，咁我都好乖地無再訓落去，起左身梳洗完之後諗住換衫同老豆去飲茶啦，誰不知原來佢今日要去探阿嫲，唔同我食晏了，我只好自己在家中搵野食呢，之後我o係屋企吽左陣，就的起心肝去左位於荔枝角既伊藤家見工喇，都ok近我屋企的呢！去到我唔識路再打一打電話問清楚，就上去喇，上到去都唔知乜頭乜路，見人就問，終於去到伊藤家既office，之後佢地就叫我填form，仲有一個麻甩佬黎問下我野咁囉，其實我feel到佢想請我的，佢話我遲左一步，下午一點先請左個人，所以佢問我介唔介意返夜班，我咪話唔想囉，夜班顛倒晒d時間，好慘架，咁佢話佢請左班新人，佢feel到會有d 新人適應唔到會走既，佢再打比我喎，就係咁樣就見完呢份工喇。伊藤家都ok大架，但係d員工做野好似唔駛好落力咁既，心理問題嗟可能。

見工其間我老媽子打比我話比我知佢可能奶左野，唉，喊晒口咁，我只好安慰下佢囉，佢份人太緊張，將一d小事化大，理埋晒d瑣碎事，成日攪到自己唔開心，點解唔可以開心咁過，做人最緊要係"豁"出去嘛，雖然我都未做到‥但係只好勇敢面對既嗟。

之後我都唔想咁早返屋企吽，拎左本招職之後，只好自己去左朗豪坊度睇我鐘意既鞋仔，一睇，比自己想像中醜怪，又無本身隻色，所以都係唔好諗住買呢對，睇下其他呢，我好想買短褲呢，梗係要我既型像顧問汶琪幫我揀啦，但梗係要我搵到工有銀兩先啦，返到屋企打陣機就去左踼波喇。

今晚踼波因為汶琪在場既關係，踼得不太好，失水準，但係可能有汶琪d lucky，我罕有地入左好多波，開心死呢，但係就好攰呀，所以今晚撘巴士送汶琪回家喇，之後我再撘小巴回家呢‥

我都係覺得自己生活唔夠充實呀，希望我可以再做好d啦，又係到聽日有乜做既時候，我聽日咪睇招職同埋上網睇下有無相關既工作岩我做囉‥希望好運會降臨我身上呢‥一定會架‥

經過琴日媽咪問我係咪拍拖之後，今日老豆亦問我係咪有新女友，我只好坦白同害羞地默認呢！哈哈‥講笑咋。咁我可以唔駛成日諗住講大話話去陪fd呢，光明正大先岩我的style。hehe

今日係三月二十八號，公眾假期，玩夠喇，係時候要變喇‥

琴晚兩點訓，今日都要成點幾先起身，唔掂架喎，琴晚太夜無沖涼，所以今朝起身沖喇，老豆放假呀今日，所以沖左涼就換衫出去天香飲茶啦，坐低想send個訊息比汶琪，咁岩汶琪就打黎呢！good！同老豆飲茶傾計，老豆都無點話我，傾左d澳門野咁囉‥食左爵士奶黃包‥我好鐘意食的呢，飲到三點半到回家呢，就開始整理我o係澳門影的照片呢，大家可以在呢度http://hk.pg.photos.yahoo.com/ph/mankidailypang/my_photos，睇到我地今次澳門之行既相片架，粉搞笑的呢，跟住就開左呢個日記喇，我想打番日記係因為想記低自己做過d乜，咁我要keep住打呢個日記既話就要搵d有義意同充實既野做下，記低做過乜呀‥寫低一刻既感覺呢，打完日記要做兩野家務咁呢，聽日有咩做？就係要搵工喇，聽日一於去伊藤家度見工呢，唔好話人地請唔請我丫，我都要去試下去爭取下，唔可以再拖落去架喇，為左屋企人、女朋友加油吧！！

”簡單的人原是最開心的人，毫無難度，早睡早起然後散散步。”抄自楊千嬅既木偶奇遇記。我就係想做到咁，唔想諗太多野，簡簡單單就好了。

咩都有新開始，咁唱ｋ黎講，我第一首想練成既係陳奕迅既Katrina。雖然好難唱，但係我好想練得成呢。

KATRINA
作曲：陶吉吉
填詞：黃偉文
編曲：陶吉吉
監製：陶吉吉

KATRINA 若想哭　可借膊頭你
如何放心得了你　明天我再回來　等你
KATRINA 明天他　終會發現你吧
如看守天使那樣美　等下去吧 IT'S OK　IT'S OK

＊殘忍的單戀　非你專利　我卻在這裡照顧你
　如果比辛酸　怎跟我比
　我愛慕的　卻是我知己　真喜歡你
　尚要借你暗戀他去接近你　才可悲
（我愛自己　也未愛得起　應該最謙卑
　但我卻要妄想一世保護你　才可悲）＊

KATRINA 如一生　只有70歲
已快將一半了　戀愛卻無期
何時心死？　還期望他喜歡你
誰會這麼的不服氣？竟有個人　陪你一起　就似你
REPEAT＊

殘忍的單戀　非你專利　我覺悟一定晚過你
如果比辛酸　怎跟我比
我愛自己　也未愛得起　痛也不淒美
但我卻要妄想一世保護你　才可悲

KATRINA

早睡早起同飲水治療法開始了‥‥‥‥

十一點許，吳俊文第一個起左身了，廢傑與我隨後再起，梳洗之後吃點粥就開始上街玩了，去左琴日行完既"市政廳"附近既大三巴觀光呢，大三巴隔黎就係澳門博物館，我地在那遊蕩兼爆笑一番就去搵野醫肚喇，到左間叫翠園既茶樓飲茶，ok平架，食飽飽就諗住去買手信啦，但途中見到我地圍內最受歡迎既活動"篤波"，梗係衝上去篤幾板啦‥哈哈，兩戰兩win，開心死了，之後去左鉅記買手信呢，買左紫菜肉鬆卷、朱古力味既蛋卷、辣既豬肉乾同了結糖，正呀正呀，跟住就返去宿舍拎返d行李再約左uncle去左間萄國餐廳食晚飯，呢餐我覺得係黎左澳門食得最好食既一餐，食完後去我地既最後一站，新開的賭場金莎，玩老虎機輸左六十蚊之後就去碼頭撘十一點半船走喇‥兩日一夜澳門五人行就完左喇。

落船後俊文就自己撘車回家喇，其餘四個就打的到旺角各自各搵小巴回家呢，而我第一次無親自送汶琪回家呢，希望豬豬唔好嬲呢，返到黎屋企兩點喇，即刻訓啦。

總括黎講，今次兩日一夜既澳門自由行黎講，好好玩，因為大家想去邊就去邊，但係就有好多等同撘車既時間，不過都係個中樂趣黎既，澳門既年青人特徵係好鐘意著格仔，落機鋪既個樣都好思文，同埋無乜年青人講粗口的好似‥澳門女孩子篤波比男孩子多，最衰我個腸胃不太好，所以唔夠盡興囉，同埋呀‥去到澳門無買萄撻食呀‥薜喇‥仲有呀‥同汶琪一齊經歷澳門之旅，感情增進了，總之係一個美好既回憶呢！！

九點許就起身了，梳洗完就執拾其餘行李準備上路，突然收到汶琪來的電話，原來她訓死了，所以會遲些到達集合地點，覺得時間尚早就先在家中吃個小早餐先呢，之後乘撘小巴往尖沙咀中港城出發喇，到達之後發覺其他同伴都未到達，所以自己只好在商場內逛逛好了，不久，肥中亂打亂撞地終於到達中港城，會合廢傑、吳俊文及汶琪一行五人上去三樓"超軒"吃個早飯，然後撘十一點三十分的船前往我地的目的地"澳門"。

到達澳門後，拎了澳門地圖打了電話就開始去我地既住宿地方喇，今次我地住既地方係miriam(即係廢傑女友)既父母之宿舍，我地撘左去"關閘"既巴士，巴士好鬼細，比香港小巴大d咁架咋，去到"關閘"行兩行就見到間救世軍了，miriam父母就係在這裡工作呢，閒聊一番同商討行程之後，auntie就帶我地去宿舍放低d行李喇，跟住我地起行去"乙水"仔食澳門馳名既豬扒包喇，由三點排隊排到四點半先買到，同伴的食後感都話無咩特別，而我就覺得因為排左咁耐先買得到，又咁晏勒，肚仔餓了，所以覺得ok好食架，下一站前往既目的地係高卡車場，但係因為唔識落車既關係，到左總站黑沙灣海灘先下車，黑沙灣海灘比我既係感覺都唔靚既，真係好似污漕左既海灘咁囉，影左幾張相就走喇，之後我地撘岩車終於去到高卡車場喇，買了票，等了又等，終於到我們喇，廢傑同吳俊文就好玩了，完全享受左賽車既樂趣，而我同肥中就像個呆子一樣亂衝亂撞，不過都算一個好好的經驗來的，久不久玩一次都無壞丫，本身預了與uncle auntie進個晚餐，但玩得太晚了，所以一行五人只好在萄京附近搵點東西吃，到了間台式餐館食左個魯肉飯套餐，之後去左萄京與汶琪換了七十大元玩老虎機，非常幸運地連本帶利贏左一百七十大元，之後我地搵的士回宿舍，行下行下去左間機鋪打機囉，d機價比香港平一半呢，我地玩左兩野就走喇，返到宿舍都十二點幾喇，再同uncle吹兩咀水，逐個去沖個靚涼，都成兩三點，uncle都要訓嚕，但係我地班pk仲鋤D鋤到五點仲要食埋碗瑤柱煲粥先肯去訓呢，第一日既行程完喇‥