我楊展鵬，今年廿二喇，嚴格黎講我拍過三次拖。今日有感而發。講下自己對愛情呢一樣野既睇法。
首先，肥中你所講既野係岩，我可能本身個人處事方面係好有問題。但係我想講，每個人都應該根據自己既思想，
判斷黎處事，並不是別人既意見可以改變的。
第一次拍拖，即係初戀，同一個外表文靜的女仔開始，叫做hidy。未講之前，我想講我以下打既野全部屬實架，
hidy係我中學已經開始識架喇，中一就同班了，咁細個我就知對佢有好感那種(好多都會有好感)，但係又未到暗戀喎，唔敢同呢類既女仔講野。會面紅的唷。係極紅o個隻。一直到了中學後，我本身諗住對我的暗戀對像打主意的，咁樣就間接同hidy有更多既了解機會，我發現我的暗戀對像係唔會對我有興趣的，因為暗戀對像佢有自己鐘意既人，所以我都放棄左，反而對hidy之間有了感覺，文靜的佢有佢既好處，而我又覺得拍拖都是時機，所以就少少主動地開始，話開始又可以話無，可能我地都係第一次拍拖，由其係我，仲有係o個時仲未出黎社會做野，所以用自己的零用錢拍拖根本就是不可能發生的事。本人意見到喇，我覺得hidy無比個心出黎，我地無乜傾電話，無傾心事，可能我地互相都無比對方安全感啦。令我最唔開心既係每次我想送自己女朋友回家都只可以送到樓下。呢樣我係最唔開心。
比我既感覺係我唔搵，女朋友就唔會搵我。我是可有可無的？所以我開始不了了之。初戀為期半年之內。
到現在才發現hidy其實好叻女，同hidy拍拖係好實際，現實生活中就是如此，只不過係我當年無知。錯過左你。
仲有我愈來愈發覺我同hidy係可以傾到計既知心朋友，好多唔會講比朋友知既野都會話比她知。好感由認識開始，歡喜由拍拖而開始， 一直到而家都係鐘意。可能我地拍拖時間內無乜深刻既事發生，所以我同hidy分手後之間相處都尚可以吧。祝你同你男朋友幸福快樂啦，仲有事業順利啦。三次拍拖既女仔，我對hidy係最差的呢，sorry呢。
第二次拍拖係我咁大個仔以來真心愛既一個人。真心愛她的，佢叫jojo，jojo係我讀黃克競那年認識的，當時識佢仲係有男朋友的，但聽聞佢男友對佢好差，所以我地一班人就起鬨話佢追佢，將佢搶到手，好感梗係有的，成班男仔似真似假地追佢，令到jojo本身都覺得佢地係玩，唔知係咪羊群心理令到我都有膽佢追求一番，開口說我是認真的時候令到我同jojo見到面都好尷尬，但係我地之間既事又無同其他人講，而其他男仔照樣咁同佢玩，當時阿朗，我現在的好友也是認真的追求jojo，令到我與朗少變成了情敵，因為朗同jojo都係居於屯門，所以佢地每日放學都會好自然咁一齊撘巴士回家‥‥
刪一千字‥‥
總之最終都辛苦地一齊左，我終於識得點哄女仔同遷就。但係得到愛情，好似失去左友情一樣。
我想簡單咁過生活，而jojo又不甘平凡，所以佢絕情地拋棄左我，一生人最痛就係呢次。
以前同我一齊既jojo永遠都在心中呢。
你有你既生活，我有我既生活。再也連不上。
第三次拍他係近期既事。我明白到要一段穏定的感情個女仔一定要出黎做野，有收入，因為出黎社會工作會知道世面，原來我以前一直好好彩咁識到d想同我有未來既女仔。現時好多年青人都係餐搵餐食餐餐清的，而我本身又不是這種人。
第三個女朋友叫汶琪，係一班好朋友之間認識的，初相識覺得汶琪思想成熟，經歷過‥
因為之前拍拖經驗話我知，我要對自己女朋友好好，好好。
當人有左一d野習以為常的時候，佢就會覺得係理所當然，當失去左就好似約有所失咁。
可能係近期，所以我記得好清楚，我對汶琪係三個女朋友入面最好的，我只覺得所有野都係因為她屋企人太鍚佢既關係‥刪一千字‥
我同汶琪一齊有壓力，唔知佢幾時會唔開心，我發覺自己太顧女友感受，所以辛苦自己。
鵬，雖然已經分開，但想同你知我既心底話‥不詞而別唔係最好既分手方法，佢其實比直接了當更殘忍，你要我成熟希望你都能做到，好多事決定了就一定要做下去，愛人亦是一樣，對任何事或人都應勇敢面對其責任，我知你一點都不愛我，你可以變得咁快放放得咁快，就知我只不過是個o係你沒工返時幫你解悶的人，點都好我好感謝你帶比我無人代替的快樂，最後我知你都唔會覆我，因為你已經選擇了逃避，我相信我會做得比你更好，因為我肯去面對。
以上係你所講，我都知不詞而別係唔好的，但係我覺得咁樣做好過我親口講出黎。
你話好多事決定了就一定要做下去，我決定左唔再搵你我真係做到了。
仲有我無變到，改變既係我既心。我放得咁快係因為我覺得我唔想再糾纏落去。你並不是幫我解悶的人。
仲有我今次覆你我就已經做錯了，我無逃避，因為我已無留戀，過我自己想過既生活，而你呢刻先開始去面對。
希望你真是做得比我更好。
注意你講晦氣說話的習慣。
|
