經過昨日的狂睡十二小時，因為請了病假，今日的精神好了。碰巧聽到開咪，因此出席了中心的查經午餐聚會。我覺得能夠在工作的地方去親近神是我自己求的，因此我要珍惜這樣的機會，人數比想像中少很多，認識了著得很潮的張傳道—raymond。

今日又在玩列印合併，我們仍然無法知道有否節省時間，但是會節省了勞力，一是一種省。

然後臨時約時間做護理，然後回到家看電視，然後同組長傾電話，然後我的溫書計劃就泡湯了。

真是意想不到，我在新春期間居然有節目，就是舊同學聚會，很開心有街街去！ 

放學後便上班去，其實我自己都不知要怎樣預備物資，唔，結果我地整下、執下、傾下，零晨三時才放工。今日用了列印合併來整有編號的抽奬券，之前他們是用會跳數字的原子印。

1月22日 (日)

其實我都唔知算唔算有睡過，因為好像是因為太累，所以靠在床邊恰著了，但總算起得了床。

而嘉許禮的預備過程算是順利，不過在安排學校代表就座一環出現了問題，因為之前沒有提過，所以我不知怎樣處理，處理得不太好。當我第一次幫學校代表掛名牌是，居然手都震埋，真係失禮，幸好之後那些總算順利。

天氣很寒冷，他們說不算人多，但我覺得算是幾好，因為其實行過的大多都有停下腳步。但預備了的文具也可以派了9成。

回程返了中心，因為幫手收拾物資，然後...沒有返晚堂崇拜。便打算上阿婆樓做節，結果因為一件小插曲，最後只能食餸尾。

~~ 今日 ~~

經過了兩天的奔波，今天居然由9點醒到1點才願落床，但我是返2點。用不算很清醒的速度下，1點半才落樓。感謝主，讓我追得上那來要開出的小巴，結果我不需趕那段極速下10分鐘完成的上山路。現在不兼且不會遲到，因為只需十五分鐘就到中心對面，哈哈，感謝、感謝！

而今天天氣好像比昨天還要凍，部門的同事不是放假就是外出工作，很清閒 (其實係懶懶閒) 。但晚下正經地做落事後又好快夠鐘收工。明天又有新任務，就是要去貼海報。

今日我才發現，英文好像是最後一堂，但我仍未做功課，點算......唔......我肯定唔會開夜車。但我很希望能夠睡幾小時才起床做，希望起到身，又做得到功課。阿們。

一時許落街交收marketing書，但發生死了咭，所以之後去了渣打，但張咭我在十月份才換過一次。

然後被麵軒吸引到我上去食晏，之前在灣仔返工時，其實都幾喜歡去麵軒。

今日只有我一人，但旺角的麵軒裝修得很好，很舒適。午飯時間卻只得數檯客，對我來說實屬難得的好時光。點了蕃茄豬軟骨麵+熱金桔青檸，熱飲先傳上，嘩！很別緻的杯。當麵也送上後，真的忍不著拿了手機出來影相，因為很靚！

味道是可以的，$38就有交易，有歌聽兼坐窗邊卡位，不嘈吵(無客的緣故)，簡直是超值！

是日因陪媽媽去辦文件，所以去了灣仔，點知，超快攪掂。所以我就提議去食tea，仲要係去我心儀已久，想一再回味的地方~~Häagen-Dazs。Häagen-Dazs有乜好，就係下午茶時段一件自選蛋糕+一個自選雪糕球+一杯自選指定飲品，都係$45+10% (指定信用咭有92折)。三個人三個餐唔駛百四蚊，但如此豐富實在係另一超值。試想想一個雪糕球賣$29，但現在有：
荔枝茶慕絲蛋糕+白檸雪葩+凍薄荷茶
xx酒咖啡慕絲蛋糕+咖啡雪糕+凍紅茶
夏威夷果仁碎朱古力慕絲蛋糕+吉士布甸雪糕+熱意大利白咖啡
total = $148.5 折實 $137.7

之後我去返學，便上天道去睇揮春，打算自發佈置部門，這裡有不少款式，細看下有發現：合心水字、款及價錢，就係一套4款的揮春售$10，兼送你一個福字，嘩，感覺幾超值，又唔駛揀。

今日好像做了好多超值的事，但卻依然未做功課，點解呀！會唔會係有做功課逃避症，咁避法唔係辦法，一定要救救winkwink！唔通真係要戒開電腦(做功課除外)，再這樣下去唔係辦法，我唔想餓死板板，我要......

又胃痛啦！近月經常出現胃痛，係生活緊張，還是像上次咁十二指腸輕微發炎。點算、點算、點算.....唔諗住啦，要收筆睡覺啦......

幸好今晚的電話不多，同事也不多。十時後還可專心一意地做，雖然間中有點失驚無神的遊魂，但整體是順利的。而且作合併列印到有點兒上癮，今次仲整了靚靚位的名牌出來，有望下次可以更簡單。

最重要的嘉許狀及學校團的五十個名牌已經預備好了，好似淡定左，其實還想在明天回去衝。不過晚上要返學，時間好似用得唔夠盡，還是待明天再算。

好開心keon幫我搵到marketing本書，買全新真的有點兒唔化算，但無一本旁身又唔方便。二手就最好，又化算又方便，但我的功課仍然一點兒也沒動過。怎算、怎算、怎麼辦！

華姊妹過了來和我吃午飯，其實心裡是很高興，但腦裡就很想停。因為我通常選擇獨自食飯，然後就可以讓自己有空間停下來，靜心一下。看見你如此奔波真的有點兒不捨！

1. 有人煩緊是否要與男友分手

2. 有人與男友已分手

3. 一對嘈緊要離婚的夫婦，男的發生交通意外，自己傷及手碗已做了手術，但同行的女友人則傷重不治。

4. 在國內的親戚為家人走佬要擔起重債連自己都要舉家著草。

5. 自己則功課沒有做，但卻已連續兩晚，其實計落係三晚睡得不好。

但想不到的是好消息非常大：

友人抽中頭獎：係雙人來回機票連酒店，係貴o既城市。

wo wo，雖然唔關我事，其實以上所有除了自己的外都唔關我事，

但人與人之間的關係就是這樣微妙，別人高興時會替別人高興，別人難過時也會為別人難過。

我想唯獨是寂寞比較難分享，如果有兩顆寂寞的心能彼此有共鳴，這樣總不算寂寞。

只是很多時，都是各有各的寂寞。

今日首次跟同事落深水埗掃貨，對首次參予的我梗係好奇，大家左睇睇右睇睇、左揀揀右揀揀。除了要乎合經濟原則外，就是隨個人喜好了。d價錢真係平，但係屬於批發價。例如：$1一支公仔原子筆、$3.5一盒細文具禮盒套裝、$12有90個細襟章、唔駛$1一支鉛筆，林林種種，我地總共預了一千份左右，埋數也只是約九百元。

我們所選的全是文具，因為是for小朋友玩攤位的獎品。在有限資金又要多人受惠的情況下，就要這樣慳家了。唔知這套購物觀念可以潛移默化到我的個人生活裡，這樣我就可以學會慳家啦！yeah！yeah！yeah！不要再做大花筒，要為winkwink助學基金籌得所需款項。

另外平時在文具舖要$4-5一個的紙袋，現在找到舖頭賣$1.4一個，超抵！！！