因為昨晚太夜睡，今早唔願起床，原定打算七時起床，結果成八時許才醒，匆匆地出門，去到通利已經係九時多。 
人龍比想像短，但我就依然很累，當十時開售時間一到，我就不停地致電訂票熱線，實行雙線發展。 
去到十時二十分左右，有個實蕉哥哥出來叫~~所有平飛售完，剩下最貴$580門票。當然我就不受影響，因為我們打算睇最貴，但在我前頭的人龍中只有三兩個人離去。開始有些擔心會不會連最貴都買唔到，而電話則仍未能接通，反而我身後有個太太就好興奮，皆因她打通左。心在滴汗(唔係血咩......無咁嚴重嘛) 
，當我繼續跟隊向前進發，而電話仍在努力之際......突然通左。 
這時不到二十人就會排到我，但總算買到飛，兼且發現那位太太是致電123而我是致電快達通。 
時間十時四十分左右，這時我才斯斯然地去m記吃早餐，但太累的關係沒有心情享受。可是歸到家，閉了一會兒卻仍睡不著，便準備去深圳的行裝......就是什麼都不帶，除必備品。 
上到火車幸好有座位坐，恍下恍下就睡了陣，總算叉叉電，原本同行的弟兄因找不著回鄉咭，未能與我們同人，幸好另一位姊妹邀請多了一位弟兄，所以最終都有三人同行。 
從落火車一刻就開始覺緊張，直至去到關卡前。因為我們一起試新0野，就係自助過關。皆因過關的人龍十分之長，但自助過關則暢通無阻，因此就排隊做首次登記。 
可能上一次來過，環境又沒甚改變，因此再沒有出現緊張，唯一問題是，我唔懂得去商業城。 
到達後，因大家都無食晏，所以先去了飲茶。飽飽後就去買布，在等布到期間就為同行弟兄搵舞衣及鞋，再看看做佈景的配飾就回程了。在踏上回程路時已經感疲惓萬份，幸好有自助過關，簡直係疏爽！
站在月台上候車時已經係收香港台(希望係啦)，所以就急不及待致電給您！ 
真開心可以有位坐，就再眠一眠，叉叉電。返到教會就繼續開工整宣傳板，但依然......未完，其後再相討一會兒有關佈景事宜，便歸家去了。 
明天渴望懶散的我，能send少少信出街，因為睇左0既工仲未做下一步，就算有好工都唔關我事啦！ 
加油呀，向著目標方向，勇敢前進、前進！ 
:::::::::::::::::::::::::::::::::::::::::::::::::::::::::::::
仲未搵返屋企鎖匙呀，咁點算呀！
好開心又多個朋友來支持我個板板，希望你會成為這裡的長期支持者。呵呵！你使我心花怒放！YEAH！
關淑怡再唱歌呀，真係好想快d聽到佢0既歌聲，攪到有些想買alan隻碟。
