之前因為elaine請了我食佢親手整的忌廉朱古力蛋糕，因此我都好想請佢食我整0既蛋糕。結果佢肯上我家攞蛋糕及留下睇我加工。

返到家吃過飯後，開始籌備蛋糕加工，我們先品嚐昨天已完成的黑森林蛋糕，嘩！都不錯呀！口感好好呀！之後邊預備邊等候時機，最後確定媽媽入睡了就即時開工啦！

嘩，因為未添電動發蛋器的關係，果200ml 0既甜忌廉真係打到我手都軟埋，呢樣都唔緊要，最重要係我落0既力唔得平均，所以d忌廉無昨天打得咁滑咁靚。 但因為無手震的關係，所以都算幾順利，除左上朱古力碎時恐佈d外，因為......我們兩個人三隻手沖了一個朱古力漿浴，不過係因為......佢兩隻手為左幫我隻手洗走d朱古力，所以攪到佢隻手都係。而我另一隻手就仍然托著個蛋糕，估唔到咁難洗，大家都想起冷凍之手。早知教佢點拿把抺刀幫手放底個蛋糕好過幫我洗手，蠢左！(不過好似老師幫小朋友洗手咁，因為老師隻手不停咁用洗潔劑來摔而小朋友唔曉郁！)

因見家中雪櫃有提子的關係，連士多啤梨也沒有買，到造餅面裝飾時，研究砌左好耐，最後決定用去皮提子 (因媽媽吃提子要去皮) + 士多啤梨半粒 (取自昨天的製成品) 及放棄唧花 (因實在太心力交瘁了）。

登...登...登...夾忌廉+提子味啫喱粒黑森林蛋糕，終於大玏告成了。就算唔好食都有個樣睇下，但真係有d擔心個味道如何！

經過兩日來做蛋糕0既過程來看，0係製作蛋糕時，我依然離不開粗枝大葉0既本色，就是天一半地一半。

今日漩漩同我一起返崇拜呀！好開心！

昨日在家好快手咁整定提子味的啫喱粒備用，因為媽媽獨愛夾啫喱粒的黑森林蛋糕，但我去學的黑森林蛋糕是夾朱古力漿+車厘子肉因此要自備啫喱粒轉換。可惜因為第一次整的關係，有些過硬，不過無再整過。而且因為時間緊迫一早就要帶埋出門，所以最緊要係唔溶。

怎知......在開始上堂後才知道，因為時間關係，黑森林蛋糕的餅底是由中心提供，我們負責舖上夾心的朱古力漿及舖面的忌廉。但要控制把抺刀是很難，因為在先整海綿蛋糕時，用電動發蛋器連續發了6分鐘餅漿後，開始......有些手軟。然後經過了發忌廉及溝朱古力漿後，在為黑森林蛋糕抺忌廉的步驟時，出現......手震情況，幸好，間中有助教出手扶著我隻手做，我才能順利完成。

最後整好的黑森林蛋糕是夾朱古力漿+車厘子肉(屬於酒店式)，

而我親手整的朱古力海綿蛋糕，明天將會變成夾啫喱粒的黑森林蛋糕呀！亦因此我添了多一樣整餅工具~~抺刀一把！唔......試食左一啖新鮮的海綿蛋糕，真係幾好口感！