雖然下著滂沱大雨，但最後都順利咁找到花店，買左個花藍帶去俾華姊妹，因為知道今日剛做完手術後的她是不能進食，因此揀左睇得唔食得的給她。

她的面色很好，可能是被迫臥在床上變相是多了休息的綠故，手術後未能見到醫生巡房，因此未知最新情況如何。 只見她無氣力說話及叫痛，不過也不想她多說話，始終手術後要多休息，但探她的肢體們輪到來，所以她有時也會看看我們。

願主看顧她，減輕她的傷口痛楚，帶領她的病得痊癒！

探病時間一過，護士就趕人走，無得留底，所以決定明天再去！因為好想話比你知：我支持你！

走時依然下著滂沱大雨。    @==基本上由早上到回家時，雨是不停的落著==@

與明弟兄一起去食飯。可能傾得興高彩烈得關係，回到家才嚇然發現......唔記得買鮮奶，今晚無暖暖的鮮奶飲啦！ 不過好彩明天不需早起，我想不打緊啦！但明天要去北潭涌睇camp site環境，求神讓那段時間有好的天氣。

好開心，今年有份籌備退修營，我第一次咋，求神念記加添我信心與能力！

但恐怖0既事係中途發生了 ......

話說，為要將糾纏在一起兼亂七八糟的電線分開，所以雙手不停地左穿右插，結果，唔知點解會成日都撞親落受傷的手指尾度，仲要有些之前無的痛痛。

因此......忍不住了，停下來，看看手指尾，再帶著莫明奇妙摸摸它，嘩......成隻指甲搖得郁嫁，簡直以為自己眼花，再半信半疑地搖搖它，嘩、嘩、嘩......拎起左半邊呀！

簡直係發惡夢呀！

最後......我當然係無理會而繼續偉大0既工程啦，如果唔係點會靚靚喎！

:::::::::::::::::::::::::::::::::::::::::::::::::::::::::::::::::::::::

後記<2005年8月16日>

經過衝擊後仍未能完成脫落的指甲，經過一日貼膠布照料後，又已經黐番埋了！

散場便去cafe，唔~由elaine揀了坐非一般坐位。其實是一個高地下一級的台階上放左兩張茶几及特大咕0臣，而我們則要盤膝而坐。但個感覺好feel好舒暢 (因為成晚得我們坐那裡，所以擴展空間，將另一個茶几推了埋牆)，玩得好開心，仲吹了兩次蠟蠋 ~ 一次在飯後是預祝，另一次因到了12點是她的正日，加上為食所以又吹多次蛋糕試多個款！d蛋糕好好食嫁！

但因為我要睇演唱會的關係，所以要先走，不過已經比預定時間遲了。 當話別後打算致電給媽媽時，居然找不到個電話，弊傢伙！ 唔通跌左 ......因為我知道入餐廳時我仲有拿著電話，但基於我今天穿了一條新西褲，所以就想是不是放在褲袋後跣了出來！並且在剛坐下不久時確實曾聽到跌0野聲，不過碰巧有一班人經過，而我們又在點菜中，所以沒有理會。

當走番轉頭搵電話的念頭響起後，便匆匆搵電話打給媽媽，叫她不要等我先入場。    折返餐廳後並......無發現。    仲要因為電話無乜電的關係，全日都飛了線去留言信箱，想打電話給自己個電話都無用。    這樣唯有失望地飛的去下一站......紅館。

經查問後知道沒有放飛支援，便再找電話，幸好剛才找換時那個OK姐姐換了不只一個一元硬幣給我。    可惜...... 最就近的那兩個公共電話都是壞的，還要吃了我一元，唯有跑遠d去打，怎知又是壞的，試多兩個才成功。

匆匆入場後，原來是剛起音樂開場，幸好沒有因為電話而錯過何任片段。

嘩~~金光燦爛徐小鳳演唱會2005十分精彩呀！    雖然唱得有些失準，但勝在歌好聽及氣氛絕對能搭夠。    唱了幾輪好歌後，小鳳姐邀請了修哥~胡楓先生上台助興。再唱下，就叫左石修及石仔~阿sam上台，讓兩父子同台唱歌。又唱下，就請了汪明荃出場，唱了支歌。再唱首，就變左林曉峰出黎。佢都有唱歌，之後仲和二十位2005年度準港姐上台，和小鳳姐上演一幕永遠香港小姐選舉，唔駛講冠軍當然係小鳳姐啦。正~正~正！

@==有相睇嫁，不過要稍等呀！==@

後來散場後，經過細心研究後，才發現個電話係個袋個暗格度，因為個袋太多格格了。所以先前搵唔到！ 好彩都係虛驚一場。

一個愉快的心情，碰上一次驚嚇的虛驚，會合一場精彩的演唱會。