七月十八日【星期五】

今早去買紀念鈔
老豆話要陪我去
九點半鍾行落去
黃大仙好鬼多人
叫佢等下又唔等
死都話要上竹園
佢話咁熱去搭車
連搭咩車都唔知
我打電話問阿媽
佢話新光有車搭
同佢講佢又唔明
結果都係行上去
果條斜路好鬼斜
佢又行得好鬼快
我追佢都追唔到
佢又唔肯等埋我
之後佢話好辛苦
仲要向我發脾氣
我都無叫佢陪我
佢話驚我唔識行
我仲醒目過佢啦~

之後去到左中銀
又係好長既人龍
佢叫我自己去等
佢自己番屋企先
佢擺明係搵我笨
等半個鍾囉到籌
十二點半先買到
兩個鍾等得好苦
係果到有乜野做
就係周圍行下囉
終於等到12點半
排隊去買紀念鈔
等到我好鬼心急
急不及待開黎睇
睇落唔算幾靚姐

買完搭車番屋企
天時暑熱費事行
我老豆唔識搭車
過馬路就有架車
我第二次去都識
有乜理由佢唔識

番到屋企唔見佢
原來佢番左大陸
早知我唔幫佢買
搞到我冇到去街
原本想去咩加扑(Mega Box)
咁晏搞到去唔到
真係搞到好無隱
咩興致都冇鬼晒

星期一去咩加扑~
有意者請pm我~