十月六日【星期二】
終於捱過了咁辛苦既一日~
今日真係笑唔出......辛苦死
我今朝一早7:40去到熱身
因為點完名就hurdles
我今朝勁失敗囉!研究左超耐先知對釘鞋點著!!
之後我未準備好就take y0ur marks-.-
不過我唔係強呢項=,=算吧啦
我諗我唔係唔識過欄 我係過完唔識踩落地
個個都話我勁好騰空力 係空中hold左勁耐先落番黎-_-
一年後跨欄依然咁衰-,-
墊我底果個竟然係pauline 佢抽筋.......好可惜啊!
hurdles完左要即刻飛番去discus到點名....
點完名唔夠5分鍾我又聽到call 400囉-_-
大佬我唔識分身的=,=氣都未抖順就400.....真係死人
400係我同pet錢之爭....得果5個人
pet錢由上個禮拜煩到我今朝都叫我讓佢
我唔覺得自己會贏到佢lu.........
到開跑果陣我都仲係打緊邊爐......
完全唔係好知發生咩事
淨係知道我跑內線......同埋pet錢帶緊頭咁囉...
直到最後150米.......我好似同佢平排
最後100米開始追過
最後30米見到pet錢追到我
果陣我既潛意識比埋最後一口氣我沖埋佢
我跑完都唔sure我係唔係贏嫁
不過我覺得係囉....好似贏一兩個身位
贏到pet錢我已經覺得好surprise
第一 上年pet錢第3我第4
第二 我琴日同kate去斧山練跑果陣我試過400去盡得1:23 自己睇到呆左下
可能因為要避人 可能因為無果陣比賽應有既緊張 可能因為冇人追住我.
400完即係飛奔番去discus
好彩未到我.......但我已經攰到兩邊大脾酸晒 坐係到都辛苦
不過好快又無事....攰左兩三分鍾左右
discus........我連規則都未清楚 咩叫後出後入
第一擲無foul啵~但第二擲比人foul左=0=
原來後出後入既意思即係行去掟果陣要後半圓入 掟完要後半圓出
discus22個人我入到final-0-
第6名入......仲要掟多三次
武大雕話示範下點掟囉....
佢真係好有姿勢嫁.....不過第一次出左界囉~
第二次..........真係唔好笑死我啦=0= 佢掟去王金成前面
嚇到王金成呆左下 武大雕你竟然差過我地呢d第一次玩discus既人 笑左~
等左成15分鍾先開始決賽-,-等到發毛啦._,
決賽第一擲我真係樣衰到呢..........掟左落條柱到囉=.= 呀鍾後來仲要話我知佢睇到 shxt!
第二擲 掟得遠左...佢諗住去插過個牌 我唔記得後半圓出囉~"~我正白痴
第三擲 咪又係咁樣 不過我都唔知我最後第幾名=_="
輕鬆既時間真係好短 過左10分鍾左右聽到shot put又call囉-.-
果10分鍾我用左黎陪mandy熱身.....
之後拎埋d野過shot put果邊
準備點名既時候.....聽到800 secord call.....wt!
然後又要等HK同我地點左名先走得-.- 47個人報左Shot put我第43定44個囉=.=
然後我話長跑起點報到 kate話看台報到
之後我地上左看台 問offical 佢話係起點點名
囧-.-我死啦!!!!!!之後順手叫埋mandy mandy唔知800 call左-.-
去到果陣就final call
800六個人 有兩個冇黎= =
陳sir話得果4個人跑有咩好睇 等多左三分鍾先開跑(我又緊張多左三分鍾)
不過其實我都諗住實輸硬比mandy mandy 800真係好勁的 佢打算破埋個記錄佢
一開波佢真係好快.........我一路守住第2
我同佢差成70米左右
到第二個圈 我真係直頭想放棄唔跑
呀靖叫我.....我同佢講我想劈炮唔跑!
但我諗緊......唔放棄我都有個銀 或者仲有機會追到,,
但放棄左好樣衰的 .......而且應該要有體育精神
跑下跑下我同mandy愈黎愈close
我就用埋最後一口氣沖埋果110米
終於同mandy平排.....
但係我追到之際........隔黎應該好大風先係
但係過左40米都冇風 我回頭一望 見到mandy坐左係跑道外
kate 同呀馨真係望唔到= = 有人話我聽贏40米左右=.=
之後我跑完......miss張話比個名次牌佢啦 同佢登記
金魚比完個牌我之後同我講左句恭喜@@"
佢比完我之後miss張又話 拉埋佢過黎啦
我都囧到唔知比咩反應好-.-
我果陣個心係好想去睇mandy的.... 聽聞mandy抽筋
d人話見到佢即刻喊埋出黎...原來佢實贏硬的 可能仲破埋個記錄
但係我跟住又shot put......我真係無辦法
同kate一齊番去~
問人幾多個掟左 個個都答我一半左右(早知我唔駛咁早番去啦)
坐左係太陽遮下面抖涼.....但係太陽遮遮唔到太陽的 一樣好曬=.=
姚藹瑩比左張紙巾抹汗 萬分感謝xD
坐左一陣好快就抖夠 之後企起身睇人掟.
有d人是但碌出去 但求唔foul就得
有d人好有姿勢 盡晒力 不過都係到standard
之後過左陣到kate........我冇諗過kate咁勁-0-暫時最遠@@
過多左陣到姚藹瑩.........過左kate~正常
姚藹瑩又係咁叫我讓佢.....唔好睇得我咁勁啦 兩年前你金我銀嫁....
到姚藹瑩掟果陣 過埋kate個牌@@超勁啊
過左幾個到我.........我淨係記得要後入後出
然後度好兩步 助跑推出去......竟然啊=0=
過埋姚藹瑩個牌....過左第二條線
聽到一d F.1既B grade"哇"左一聲
第二擲掟唔正中間 s0 bad 無力
我真係完全無諗過兩年之間我大力左咁多嫁!
姚藹瑩嬲左我t.t 打我屎忽~"~
之後公佈決賽名單
呀鍾第5個入決賽 雪人第4個 kate第3個 姚藹瑩第2個 我第1-0-"
第1名最後先掟的.........好野~
決賽第一擲
kate打中人地個牌=0=超正
姚藹瑩企唔穩踩左出去foul左
而我呢...................過左初賽第一擲個位-0-囧左=口=川
第二擲.........全部不變
第三擲......個個都用盡力-0-
雪人掟前左.......好波@@"
kate甩手.....
姚藹瑩都過唔到我
之後個個都話.......你唔駛掟啦 都贏囉
我都無乜力啦= =不過我仿然好想破記錄囉/_\"
去番第一次掟個位=,=
不過唔知破唔球到記錄呀....
記錄8.74 我諗我8米左右lu~
個人項目完晒 輕鬆晒~~~~~~~~~~
kate係咁話.......你四金呀 串咀啦~
唉=,=其實呢d全部都係我意料之外
經過三個鍾之後~11:30我終於可以番上看台啦!!!!!!!!!我好開心呀
坐左陣就比人召番落去.....頒獎-.-
明明話A grade girl先....不過好多唔見左人
頒左B grade先~100 200 400 800咁頒落去
頒到400......我好緊張咁行上台頂拎獎....好似有D企唔穩
一個唔識既miss頒比我......拎完個獎我繼續企係到等頒下一樣 果段時間我垂低頭 驚驚地
等到佢地上黎....我都只係夠膽望水平線...唔夠膽望上看台~
諗住走得人....點知繼續頒shot put=,=
姚藹瑩同雪人唔見人.....我驚左勁耐
然後無啦啦聽到勁大班人叫"暴走" 我都唔夠膽望上去
不過我都係望左上去....梁塏彤!!!你!!!唔好玩我啦!!!
大佬我怕醜嫁-_-"
等左陣搵人代拎 呀馨無啦啦比人推出黎代拎- -
頒完佢地兩個先行過黎= =囧
呆左陣....無啦啦頒到Open1500
無啦啦七魂唔見左九魄咁行出去
嘉君唔黎拎獎/口\" 佢可能嬲左嘉玲400臨尾追上去~
唉......總知囉獎都係一件好樣衰既事
頒完終於食得飯^v^"
hey man今朝無番-.-
佢地話飛的去彩雲買野上hey man屋企食=,=
我地最後行地鐵站上去搭小巴
打比hey man~hey man無啦啦發傻b脾氣
無啦啦又話叫我地唔駛上去喎= =
我地最後上到去食m記
呀鍾嗌餐~三個魚柳包餐加大三杯可樂走冰唔該!
正到爆呀xD~~~佢買完傻B插飲筒之後我拎~
我嗌左個加大餐.....食完個包已經飽死
人地跑完成日應該好肚餓 我偏偏食唔落
個薯條打包.....可樂倒落水樽到-.-
我食完個包佢地食完成個餐囉=,=我真係慢得緊要~
食完hey man都未到我地自己飛的番去
我真係成世人未試過坐咁多的士囉-,-
番到去超早~無遲到啦好野=]
番到去去下廁所~好快就集隊
煩社接既野....pauline要跑友校接力 miss張唔比佢跑社接
我地又要再搵人....一路跟tracy~呀y0四圍搵人幫手
搵左個F.3.....有份跑400
佢都0K既........
其他社果D真係係人都搵.....
班長同呀鍾同kate都要跑社接 三個都綠社既~哼
mandy又話要降旗...趕唔切跑社接 真係無人先搵佢
最後真係無人 mandy都幫我地 不過佢指定要跑第4棒
本來紅社諗住搵我跑第一棒 我話我慢三拍.....唔好搞我
之後搵左呀馨^v^ 咁岩佢個妹跑紅社C grade社接又係第一棒~
真係兩姊妹唷~!
而我就跑第3棒-_-彎道
上年跑最後果棒 真係樣衰衰 食煎堆= =
好快社接開始.....C grade紅社好勁呀!!!!!!
kama最後果棒好正呀~贏左呀^o^
之後就到我地=,= 我真係好憎同好怕聽到咇一聲 好大壓力
見到呀馨個身影好快~
個F.3真係幾好 都keep得住第一
不過交棒比我比唔岩位 我原本左手接棒 後來我用右手搶棒
聽到佢講左句s0r.....唉 算啦 大家都唔想 唔跌落地唔比人DQ就得...
第3棒到我...我跑左20米先記得我係跑緊100 唔係長跑=.=
先記得爆盡力.....差d比kate追到
好彩mandy犀利.....保得住個第1^v^
跑完劉穎即刻過黎問我囉鞋除鞋-.-
好樣衰咁行番番去.....囧
而呀馨就著左我對鞋跑...點解我咁蠢唔直接比對40號鞋佢著呢....
不過對鞋我岩岩好....佢可能會大
我今朝著果對39成日好似就甩就甩咁~
男子三個grade紅社都冇第一
女仔A grade包尾=.=
我地B grade贏到都係好好好好彩姐= =
本來實係綠社贏.....不過pet錢同carmen要跑友校~
係下面睇左幾場社接之後覺得好爽~近距離觀看~
終於可以上看台坐陣......
坐左5分鍾唔夠又召番我落去....
讀左6個人名....有我份
即係我有得拎全場總冠軍...My Dream c0me true!
Joey兩金一銀.....輸兩分
今年open d分唔計....
如果Joey都三金既話就一齊拎
其實囉獎都唔係咁爽
首先要聽校長致詞...之後又嘉賓致詞
之後頒全場~
kama拎先......kama好呆=0=
不過佢話比我聽佢真係好開心
唔好話係佢丫.....我都好開心
我無諗過得到既野竟然會贏到....我都有d意外
諗住Joey贏硬的...可能一切真係巧合
Joey輸左200...pet錢400竟然輸左比我 mandy抽筋令我贏埋800 shot put無啦啦大力一推贏左
我覺得一切係運氣.....真係好巧合 巧合既運氣造就左我今次既成功
其實我今日真係無乜壓力 因為我全部野都無打算去贏...只求盡力
多謝Joey 嘉玲 鄧珮欣 kristy 梁塏彤 小霍既一句恭喜=]" |
