九月八日【星期二】

都係打番兩日既XG
數學堂~話份功課下星期一交
佢又比時間我地上堂做
10分鍾左右就做晒
問佢收唔收又話唔收
唉~算啦~我放佢係locker lu

等左好耐~終於lunch
去左彩虹道食~
5蚊腸粉兩條腸加一串魚蛋岩岩好十蚊
食到我飽死!
之後番去打波~咪又係咁-.-
又係開波接波到位 有時唔知飛左去邊咁
不過..有一球唔知邊個打到佢飛走左
個F.1仔一踢 我一跳然後剎落去
飛左去度高果條柱到 有接近20米55
之後個個都話呀鬼~呢球打正啊
咁靚位咁係要大力打落去先有mood

上L.S堂果陣 隻手震到乜咁
之後超痺又十級痛 完全唔知發生咩事
上完L.S又兩堂西史
抄勁大段野 要禁住自己隻手先抄到
人地抄晒我先寫左一半..........自卑

終於有locker啦~!!好野
全班得我一個人咁醒帶左個鎖番黎
放學我拿拿聲放晒d野入去 Ricco叫我幫佢鎖本數學書
成身輕晒=]

放學本來我要練田徑嫁
But...我姨丈60大壽
要去食飯..唉
又小一次練習既機會 陸運就到啦!
p.s 小左mandy做我競爭對手 因為佢報得兩項
距離我個全場總冠軍夢又進一步
宜家我既對手係Joey.........
同hey man鬥開波 我球球都開得好高 不過都位~佢就球球接收左碌番過黎比我再開^v^賺左
之後佢個妹係3樓望到話我變態=.=開到咁高 我話 我撻Q呀 唔係仲遠
之後佢仲話我痴線 咁樣之後撻Q 事實我真係撻Q嘛! 不過開得多真係好痛.......

去到食大壽飯..
野我就唔太食得落
但d冷氣吹到我頭暈囉 個冷氣係正我頭上
我呀媽叫我飲d紅酒暖d
我飲左半杯飲到頭痛都未暖=.=
最後我反而想嘔多d
本來我諗住一定起唔到身番學嫁....

九月九日【星期三】

我等左今日成年啦!
可惜 個承諾佢實現唔到......
佢答應過我09年9月9日晚上9時09分會搵我
9:09分我咪就係坐左係電腦面前lu 遺憾

今日成3堂英文.....悲
小息果陣我有野諗唔通
企左係課室前面望落籃球場睇人打波
第一就係我有野諗唔通..記唔起
第二就係我好唔開心
第三就係課室好凍 有d頭暈頭痛

我企左係到成個小息都係諗唔通.....
仲好似一片空白咁...完全唔知自己想做咩
中途Mandy還番半簿比我
呀moon就拍下我睇我做咩咁呆
呢排真係經常性唔知自己做緊咩
又經常性失憶...唔通我就死得?

英文堂.....暈暈地
暈到我差d訓著左
好彩飲左啖水整到自己清醒番
L.S堂 我真係差D暈得到....好彩迫下自己清醒D
lunch~出左個課室真係人都精神d
落左兩樓等hey man同班長~
點知我見到傻b同呀鍾
初初我地以為hey man上完PE-.-
原來佢地上Chem仲走左好遠= =
落左女更~班長打來~
問我地係邊=.=囧
問我地食咩 呀鍾話食新蒲崗地下果間野
我講到一舊舊 唔知自己嗡乜-.- 地下變左地底 比佢地笑我=_="
之後果到爆位~上左去買冷麵食
我本來唔打算食 不過我唔想上上下堂訓著左先強迫自己食d野
兩包冷麵已經飽死我....仲有杯珍珠奶茶-.-
食完仲係好早 本來佢地話lunch唔打波
點知又話打 我跑左學校上左4樓係我locker拎番個波出黎打
點知我拎到落去佢地都未番到黎囉=.=
打波真係好爽~一下子就忘記係課室聽書苦悶既時間
今日打波好似唔錯咁.....開波都失得一兩球~接波都係
點知..有一球傻B開過黎 我跳高一剎 彈左去傻B後面之後反彈跌左出彩虹道
有冇咁神手呀-.-我自己都嚇親

最後兩堂英文堂~~~
真係悶死~做listening~
Ricco冇帶到番黎
我同佢share 之後我話我手震唔想做
佢幫我做埋 真好人^v^
到最後十五分鍾~佢冇再講野
我就係到執書包準備放野落locker
果陣我個電話個時4係3:40分
然後Eileen Yu話:According to my watch, the time now is 3:45, you may leave now.
我第一次見老師唔係跟學校個鍾黎放學 聽日我又係最後兩堂英文-.-
 

九月三日【星期四】

pet錢姐一早又話叫我7:30番到canteen比份bk report你抄番黎交
我都遲左3分鍾 點知你仲遲過我-_-
我諗我讀左可立三年 唔計比賽同上年presentation
肯定係最早番到學校既一日-.-
我今年做bk report都做到癲啦! 份份唔同 好難做嫁=.=

今日劉四樓終於記得選班長同IT大使
班長男女各一個 IT大使三個(今年咁多既-v-)
首先選男班長 自願呢樣野當然冇啦
然後劉世權無啦啦比人推左出黎=w="
之後miss問有冇人和議
然後有成10個人和議
miss又問 你有冇強烈反對?
佢話:冇呀 做班長都幾好玩丫
男班長就誕生了=]
之後到選女班長
一定又係冇人自願
竟然都冇人推舉
miss等左陣 竟然講 郜淑君 你做唔做呀
我話 miss 你咪玩我啦-,-
佢話 未做過就試下啦~
我話 下 邊個咁大整蠱呀!推我出黎
miss話 係我整蠱你 咁有冇人反對呀~
然後上年3D班人話 我好贊成呀
就咁就做左班長
miss你見同我熟d就揀我做班長-_-
我想講-.-我上年都做過兩個月嫁=_=
之後選埋IT大使 我推左麥家皓出黎*v*
然後麥家皓係咁話我唔識做嫁!
miss都係屈佢做^v^ 玩人成功
然後YYY推關霆康出黎 關霆康話佢要練手球
之後miss就屈YYY做XD
最後果個就係Billy 都係比我屈
我話Billy上年係IT大使 一定識做
結果Billy都做埋 ya=]

今朝一早第一堂就PE...
都係度高磅重~
輕就無輕到啦...幾多kg我就唔講啦xD
但係度高我竟然矮左囉!咩事
我記得我上年度唔知168定167
譚SIR話禮堂個地舖過 整高左5cm 叫我地自己減番5cm
佢度到171 減5即係166!?
點會矮過上年呀 而且我今年明顯地高過我呀媽
我呀媽163 我點會可能166
我呀媽都覺得我168或者169囉-_-
囧 呀sir係唔係你搞錯左呀
學校度高d尺全部是虧的=w="

英文堂.....Eileen Yu 講野真係超好笑
搞到成班都笑到肚痛
講個stort story都係關於加菲貓~囧
聽佢講書一定唔會悶~

通識堂...
好野!陳茵茵教!~
好彩唔係個新老師教姐xD
分組...我果組係11-15號
成組5個人 得關霆康一個男 哈哈
有幾組岩岩相反 一個女~
係組入面仲要選秘書~總務~spokeman~
p.s. 陳茵茵派野果陣總務出去拎 發現全部都係男~

西史堂~
聽到我地中六考果個試寫d essay既長度已經嚇驚左.
要寫滿8板紙咁多先有機會高分...咁我咪死得 寫野咁慢
我發現個呀sir都幾好人-v-
講essay d 評分準則既時候
拎左舊野係投影機到遮住叫我地估
果個正方形既野我估係七巧板果個正方形-.- 差少少
原來果舊係Lego
佢借Lego係想帶出 只要你答既野接近 都會有分
我個得呢個比喻幾好..鼓勵我地寫野~

放學又係打排球~終於有番小小feeling
下手開到準上手又衰左 唉!
今日接波打番過去都到位....
可惜 我剎唔到波..再剎我隻手就冇嫁啦
繼續努力~!

傻b好好休息下啦....聽日唔好番學啦
見到你今日個辛苦樣..我又幫唔到你
有d對唔住你呀>_<

九月一日【星期二】

終於開學啦!!!
一朝早食左呀媽煮既超豐富早餐
之後就出門口
果陣睇電話個時間係超早
點知=.=我番到學校
差3秒就遲到
電話個時間慢左7分鍾 真係玩死
真係好彩未遲到姐@_@
唔係第一日遲到就樣衰了!

之後都係集隊想上禮堂聽校長講F.5同F.7 高考/會考既成績
介紹新老師同埋對學生期望同來年既事項之類d野........
發現今年F.5同F.7考得差過上年好多.....

唱黃大仙頌既時候...發現識唱既人真係好小...
我識唱第一句炸-_-有d慚愧
唱校歌又比人話我地唱得唔夠大聲....要我地唱多次
p.s 我真係唱得超細聲
第二次我就唱得大聲左d..
好彩無走音姐-.-

校長講完之後到溫SIR講野
佢一講就笑死左我地
佢話 我姓溫 副校長訓導主任
我發現佢講野真係好好笑 (要講搞笑野果個人唔笑先最好笑)
然後無啦啦唔知邊個聽完溫sir講野大笑 得佢一個人笑
之後搞到成校都笑佢 真係笑到肚痛~

聽完之後番上自己課室
403呀!我愛你呀! 只要唔係望操場既課室我都無問題;D
上到係企門口等分位
又係女一定要同男坐
點解次次都要坐窗口位呢!
p.s. 我同Ricco坐...囧
劉四樓話呢個位係暫時坐住先

聽日選班會班長~囧
然後就正式上堂啦!
首先上兩堂Econ
之後兩堂PE 聽PE既理論....=_=
然後一堂Maths
之後兩堂英文~
點解全部連堂嫁/口\"

由聽日起!我要努力啦!

八月二十八日【星期五】

今朝7點起左身
Elle約左我 8點食早餐然後一齊番學校拎書 呀ken黎幫Elle拎書=]
竟然 我7:57分出門口 3分鍾岩岩好到我屋企樓下間0k 係果到等
8:05分唔見佢打比佢又唔聽
呀ken 8:11分打比我問我係邊
我話我係0k 佢係Elle屋企樓下
於是我上去搵佢
到左8:21分~終於見到Elle=.=
Elle姐你遲左21分鍾.\/.
之後一齊行去m記食早餐~
呀ken幫我地兩個買早餐=]
elle拎左個超好玩既野出黎
成216粒鐵珠 可以砌好多野出黎
我想砌個囧字但砌到一半痴埋左一舊-_-v 真係囧左
玩到9:24分閃人去學校拎書

行落去途中真係超曬......
不過今個暑假番學校同番屋企都係行 慣晒~
幾經辛苦終於番到去~
唔駛等 超正
不過買果陣 超多書佢都冇
由其係英文 得本story先有-_-
計過數本來要2549.7
宜家1462 差左成千蚊書冇=_=
開學唔駛用咩._,
之後點過d書 計過數 check埋有冇爛
Elle先剔好佢要買既野-_-
之後等佢點埋~
我將d書放晒入袋
竟然做錯決定-,-早知拎一半放一半啦
咩住住書行 行到成隻駱駝咁
搞到番到屋企成身痛 >_<"

之後晏晝出左黃埔,,
呀媽話打我去打保齡
對上果次去雷霆打保齡應該係上年暑假 同elle一齊去
估唔到 我第3次打保齡 仲要超耐冇打
局局都打到兩球全中.......
雖然打左7局次次都係110分左右 但我覺得好滿足了
見到d保齡樽倒下果一刻 有種奇怪既感覺 但宜家都唔知係咩感覺
我淨係知道打完手都震埋 仲超無力-.-

打完保齡上左去食詠藜園
呀媽差我呢餐差左三年 終於比我食到
d担担麵真係超好食 同普通地方食到既唔同
果然冇令我失望^v^

食完之後去左冒險樂園總部踩場
見到d籃球機 竟然部部得4個波 得兩部有7個波
我見到果個人個記錄比佢破到527
之後我諗住跟手幫佢破埋
但攰到第二關都過唔到
好彩...最後都比我破左^v^
破到去568 爽^v^

之後去左尖沙咀試衫
我表哥結婚
一眼就揀岩左條群 試埋岩岩好
天啊-.-點解表哥你要揀我生日果日結婚啊!
我無自由啊t.t
 

八月二十七日【星期四】

囧~
我發現原來成個暑假最忙係最後呢個禮拜
又要練田徑 又要練波
一陣又出去練波lu
我要三分穿針啊!
雖然果日都穿到三球針
但都係擦板入多 唔制啊
原來唔計前日練波
我成三個月無打過籃球啦~
仲有三個月就學界
可立女籃!努力啊!