八月十八日【星期二】

大清早 頭腦都未清醒
就要番去田徑~
一番去跑3個圈然後拉筋warm up
仲要做4次加速跑
跑完之後各自練番自己既強項~
我同kate同pet錢要跑學校圈=.=
pet錢練400米 miss張話跑6組 2個圈 要用7成力去跑
kate練800米 miss張話跑5組 3個圈 要用6成力去跑
miss張要我練1500-.- 跑3組 4個圈
唉-.-如果短跑快d就好 唔駛跑得咁辛苦
其實計埋我同pet錢都係跑12個圈
但kete要跑15個~囧
計過條數 kate當然自動跑小次=]
一跑果陣-.-feel到左腳完全無力 咩事=.=
搞到我跑半個圈又抖半個圈又抖
我愈諗愈唔明點解果陣無練跑聯校1500贏到
宜家跑到咁一定係太耐冇練過波lu~
好想打籃球呀~~!
pet錢叫我打比譚偉洋叫佢安排練波-.-
pet錢仲話譚偉洋講過八月尾練
宜家咪八月尾囉=]

幾經辛苦 用左半粒鍾跑完3組4個圈坐係到hea
同kate傾下傾下佢教我點減肥xD
仲有好多減肥心得~thx kate;)
pet錢咁輕都仲話要減~
小心減到變左白骨精@v@"

傾下傾下差唔多11點半~~~
miss張叫我地cool down
跑兩個手球場圈
我地好唔想~不過都出左去跑
跑左一個圈
突然好大滴雨滴落黎
之後愈落愈大~
miss張叫我地番去
天要整蠱miss張;D
一分鍾都未夠就傾盆大雨

之後仲有個膠圈唔見左~
miss張擔住把遮去搵
而我地就係gym room嘆冷氣
唔知點解我覺得我地唔幫手去搵好似好衰咁.....
最後miss張終於搵到了

gym room真係好舒服~
d冷氣好正 一坐就由11:30坐到12:45
miss張落黎鎖番gym room
之後就閃人了

為左青檸色隻可樂杯
我又要食多次m記
我發覺要食晒成個餐真係好難
有排都唔會再食m記~實在太難受啦!
終於換齊6隻杯 太好了-﹏-
p.s.多謝呀媽幫手食左4隻番黎=]
 

八月十六日【星期日】

今日真係正
呀媽陪我去黃大仙中心買左好多新野
買左個新書包 新銀包
個書包黑色底加D白色波
個銀包就黑色底白色星星
乜我真係咁鍾意黑色野既咩-,-
呀媽成日話我買野諗咁耐
但係最後都係買番第一眼睇到既野
囧~我宜家先覺原來我望左咁耐都係揀我第一眼望落去既野
買左咁多新野超開心>V<"

之後上左真開心樂園玩籃球機
果部同我玩下果種唔同
呢個D時間小D 又難射D
上次210個記錄比人破左lu
宜家成235 點玩=.=
最高都係得222
遲早我都同你破左佢!
p.s. 原來我玩緊果陣出面成幾廿人睇住我玩
連個老闆都係=.= o晒咀
又唔係破到記錄 有咩咁好睇呢-_-v

買完玩完之後同阿媽去左許留山食野
食左個我最鍾意食既多芒小丸子
仲有煎得超香既XO醬蘿蔔糕同咖哩雜錦
雖然好好食 但再係咁減唔到肥啦!!!!!!!!

食完之後呀媽仲叫我配埋副眼鏡
宜家呢副用左成兩年
揀好左個款之後驗眼
左眼550右眼600-_- 0H N0!
左眼深左75度右眼深左50度
再係咁我就盲啦-.-唉
我要順手戒埋打機 下年開始真係要努力了~

七月三十日【星期四】

今日係分班同選科結果既重要日子
我都好緊張.....但係其實唔知要緊張d咩.
行番去既時候心情好沉重....
一番去既時候 葉杰同我講:暴走 我同你一班啵
之後一望 我4C班~幾好丫 個課室係二樓
再睇 全部人既第1個Choice都係Econ
哇-,-我果班有半班係精英班既=,=
睇埋落去仲死........下年同我同班既得3個係3E
仲要係3男-_-
我同Billy4年同班 佢成日上堂亂講野
救命呀!天呀!點解你要咁對我
再睇落去.......好似得我一個女仔揀PE(無睇錯既話)
唔好嚇我啦!我唔襟嚇呀-_-
萬一3年同班咁點算呀!
大部分FD都唔同我同班 點生存落去.
唉........真係灰晒
原本應該值得開心........竟然變唔開心

睇完分班同Heymsn 傻b去食飯
正確d黎講應該係睇佢地食飯
我完全食唔落...好耐冇食過lunch~
搵唔到肚餓既感覺~

Heyman 傻b你地快d得閒啦
等緊你同我再去玩籃球機
打多次人生第一個611分 未試過600分
仲有個4人氣墊球
真係好好玩^^


 

七月二十一日【星期二】

琴日番學補數
早左3分鍾番到去~
四圍行~見到操場整緊......連校務處果邊都有D唔同左
之後個呀SIR勁惡
鬧我地得幾條友準時 好彩我準時
話之後果D當遲到 遲一秒都係遲 遲一個鍾都係遲 不如唔好番
我OT又冇錢既 我一定會準時走人
聽到之後囧晒-_-'

我打開份notes
發覺都係同今年d野差唔多
d數都好易做姐.......law of indices~
之後佢叫人出黎做~不過冇人理佢
然後佢就話 哦 係唔係我點錯名呀
d人就出去做=_=
叫到我出去做我又識做~咁點解我考試果陣唔識既=0="

之後有一題有兩個答案
呀SIR講 認為答案一岩既請比珍!
D人即刻醒晒 比答案佢
呀SIR就話~我下次都要咁樣問你地先得

原來..個呀sir唔係惡~佢識搞gag添
佢問我地仲有冇分文科班同理科班 緊係冇啦- -
之後佢講新"膠"中學制 不知所謂!
我地班人即刻話 呀sir 講得好呀!
新"膠"中學制xDD

放學~行番屋企
中途有兩公婆 都超過50歲~
果陣係彩虹道問我點去志蓮淨苑-_-
之後我講比佢聽點行 但太多野記佢好似聽唔明- -
之後仲有一段路同路既~見佢跟住我行
到唔同路果陣佢又問我 不過都係覺得佢唔明
最後我決定帶佢行過去= ="
沿路佢同地我講左好多次唔該
仲話如果冇你帶我地去我地一定行多好多路
幫到人真係好開心
雖然用多左15分鍾先番到屋企
但係....助人為快樂之本^^
幫到人既時候自己都會開心^v^
之後呀媽打比我 問我做咩未番到屋企
我同佢講= =佢竟然話我蠢-,-
囧~我覺得自己唔係蠢咪得囉xDD

七月十九日【星期日】

人生如夢 夢中有夢 所以樂事都只是一場美夢